پاکستانی فین نے بھارتی صحافی سے مزید کہا کہ میرے پاس ایک شعر ہے اگر آپ کی اجازت ہوتو سنادیتا ہوں ؟ لیکن مجھے نہیں پتا کہ آپ اس کو جانے دیں گے یا نہیں ، بات یہ ہے کہ اب بات نہیں ہوتی ، فائنل کے خواب دیکھنا اچھی بات ہے لیکن فائنل کھیلنا سب کی اوقات نہیں ہوتی۔
ٹی ٹوئنٹی ورلڈکپ کے فائنل میں پاکستان کی انگلینڈ سے شکست پر بھارتی میڈیا پر کئی سوال اٹھائے گئے لیکن ان سوالات کے جوابات میں پاکستانی شائقین نے زبر دست جواب دے دیا۔ آسٹریلیا کے میلبرن گراؤنڈ میں ایک بھارتی صحافی نے پاکستان کی شکست کے بعد اسٹیڈیم سے نکلتے ہوئے شائقین کو روک کر ان کی رائے پوچھی اور جواب میں پاکستانی فین کا کہنا تھا کہ ہم یہاں سے بالکل مایوس ہوکر نہیں جارہے ہیں کیوں کہ کسی ایک کو تو جیتنا تھا اور انگلینڈ جیت گیا لیکن ہم خوش ہیں۔ پاکستانی فین کا کہنا تھا کہ ہم خوش ہیں اور مایوس نہیں ہیں کیوں کہ ہم فائنل تک پہنچے ہیں۔