دارالحکومت اسلام آباد، راولپنڈی سمیت پنجاب اور خیبر پختونخوا کے مختلف شہروں میں زلزلے کے جھٹکے محسوس کیے گئے۔ دارالحکومت اسلام آباد کے علاوہ مری، پشاور، راولپنڈی، چارسدہ، ایبٹ آباد، دیامر، فیصل آباد، ملتان اور چلاس میں بھی زلزلے کے جھٹکے محسوس کیے گئے۔زلزلہ پیما مرکز کراچی کے مطابق زلزلے کی شدت 5.2 تھی جبکہ گہرائی 220 کلومیٹر تھی، زلزلے کا مرکز افغانستان اور تاجکستان کا سرحدی علاقہ تھا۔ زلزلے کے جھٹکے وقفے وقفے سے محسوس کیے گئے اور جھٹکے شروع ہوتے ہی شہری اپنے گھروں سے باہر نکل آئے۔ ابتدائی طور پر زلزلے سے کسی جانی و مالی نقصان کی اطلاع نہیں ملی ہے۔