(ویب ڈیسک ) ہندوستانی شائقین کھیلوں کے میدان میں ہندوستان اور پاکستان کے درمیان رسہ کشی کو لے کر ہمیشہ پرجوش رہتے ہیں۔ ان دونوں روایتی حریفوں کے درمیان اگلے مقابلے کی تاریخ کا اعلان کر دیا گیا ہے۔
پاک بھارت میچ 13 جنوری کو کھیلا جائے گا:
کھو-کھو فیڈریشن آف انڈیا (KKFI) نے بدھ کو اعلان کیا کہ کھو-کھو ورلڈ کپ 13 جنوری 2025 سے 19 جنوری 2025 تک نئی دہلی میں منعقد ہوگا۔ منتظمین نے یہ بھی اعلان کیا ہے کہ ٹورنامنٹ کا افتتاحی میچ میزبان بھارت اور پاکستان کے درمیان 13 جنوری کو کھیلا جائے گا۔ کھو کھو ورلڈ کپ ایک ہفتے تک جاری رہے گا۔ اس ٹورنامنٹ میں 21 مرد اور 20 خواتین ٹیمیں حصہ لیں گی، جس میں 24 ممالک شرکت کریں گے اور ٹورنامنٹ کے لیے بھارت آئیں گے۔ یہ اعلان جواہر لعل نہرو اسٹیڈیم میں منعقدہ قومی کھلاڑیوں کے تربیتی کیمپ میں میڈیا کے سامنے کیا گیا، جس میں کے کے ایف آئی کے صدر سدھانشو متل، جنرل سکریٹری ایم ایس تیاگی کے ساتھ ساتھ ہندوستانی مرد و خواتین کھلاڑیوں اور کوچز نے بھی شرکت کی۔
گروپ مرحلے کے میچ 13 جنوری سے شروع ہوں گے۔ افتتاحی میچ 13 جنوری کو پاکستان اور بھارت کے درمیان کھیلا جائے گا۔ اس سے قبل افتتاحی تقریب کا اہتمام کیا جائے گا۔ انہوں نے کہا، 'اس کے بعد 14، 15 اور 16 جنوری کو گروپ مرحلے کے میچ بھی کھیلے جائیں گے۔ کوارٹر فائنل 17 جنوری، سیمی فائنل 18 جنوری اور فائنل 19 جنوری کو کھیلا جائے گا۔کھو-کھو فیڈریشن آف انڈیا (KKFI) نے کھو-کھو ورلڈ کپ کے پہلے ایڈیشن کی تشہیر کے لیے بالی ووڈ کے سپر اسٹار سلمان خان کو برانڈ ایمبیسیڈر مقرر کیا ہے۔ سلمان نے اس سے قبل کھو کھو ورلڈ کپ کے لیے اپنی نیک خواہش کا اظہار کیا۔