ویب ڈیسک: بھارتی کرکٹ ٹیم کے اوپنر بلے باز شیکھر دھون نے انٹرنیشنل اور ڈومیسٹک کرکٹ سے ریٹائرمنٹ کا اعلان کر دیا۔
تفصیلات کے مطابق سوشل میڈیا پر شیکھر دھون نے ویڈیو پیغام جاری کیا جس میں انہوں نے ریٹائرمنٹ کا اعلان کرتے ہوئے کہا کہ کرکٹ کے سفر کو الوداع کہنے پر دل میں ایک سکون ہے کہ اپنے ملک کی میں نے نمائندگی کی۔
شیکھر دھون نے کہا کہ میں بی سی سی آئی کا شکریہ ادا کرتے ہوئے کہا کہ میں بھارتی کرکٹ بورڈ کا بہت مشکور ہوں جنہوں نے موقع دیا، میں خود سے یہ کہتا ہوں کہ اس بات سے دکھی مت ہو کہ میں انڈیا کیلئے دوبارہ نہیں کھیلوں گا۔
شیکھر نے کہا کہ میں آج ایک ایسے موڑ پر کھڑا ہوں جہاں پیچھے دیکھنے پر صرف یادیں اور آگے دیکھنے پر پوری دنیا موجود ہے۔
ان کا مزید کہنا تھا کہ میری ہمیشہ سے ایک ہی منزل تھی کہ انڈیا کے لیے کھیلنا اور وہ ہوا بھی۔
واضح رہے شیکھر دھون نے 20 اکتوبر 2010 کو بھارتی کرکٹ ٹیم میں ڈیبیو کیا تھا۔