ویب ڈیسک: (علی زیدی) لندن کی ایک عدالت نے برطانوی حکومت کے اس فیصلے کو قانونی قرار دے دیا ہے جس کے تحت اسرائیل کو ایف-35 جنگی طیاروں کے پرزے فراہم کرنے کی اجازت دی گئی تھی، حالانکہ یہ فیصلہ غزہ میں جاری تباہ کن جنگ کے دوران کیا گیا تھا۔
عدالت کے مطابق برطانیہ کی جانب سے دفاعی سازوسامان کی برآمد کے فیصلے میں کوئی غیر قانونی پہلو نہیں پایا گیا اور حکومت کا اختیار ہے کہ وہ برآمدات سے متعلق فیصلے اپنے قومی مفادات کو مدِنظر رکھتے ہوئے کرے۔
یہ فیصلہ ایسے وقت میں آیا ہے جب انسانی حقوق کی تنظیمیں اور بعض سیاسی رہنما برطانوی حکومت پر شدید تنقید کر رہے ہیں کہ وہ ایک ایسے ملک کو جنگی سازوسامان فراہم کر رہی ہے جو غزہ میں انسانی حقوق کی سنگین خلاف ورزیوں میں ملوث ہے۔