(ویب ڈیسک ) پنجاب کے مالی سال 27-2026 کے بجٹ سے سرکاری ملازمین، ریٹائرڈ ملازمین کیلئے بڑی خوشخبری آگئی۔
بجٹ دستاویز کے مطابق حکومت پنجاب نے اگلے مالی سال کے بجٹ میں سرکاری ملازمین کی تنخواہوں میں7 فیصد اضافہ تجویز کیا ہے جبکہ ریٹائرڈ سرکاری ملازمین کی پنشن میں بھی 3.5 فیصد اضافہ تجویز کیا گیا ہے۔
بجٹ دستاویز کے مطابق تنخواہوں کی مد میں 638 ارب 93 کروڑ روپے جبکہ پنشن کے اخراجات کے لیے 500 ارب 12 کروڑ روپے مختص کیے گئے ہیں۔
(ویب ڈیسک) خیبرپختونخوا بجٹ 2026-27 میں کم از کم ماہانہ اجرت 45000 روپے کرنے کی تجویز دی گئی ہے۔
اسپیکر خیبرپختونخوا اسمبلی بابر سلیم سواتی کے زیر صدارت خیبرپختونخوا اسمبلی کا اجلاس ہوا۔وزیر اعلی خیبرپختونخوا کی بجٹ تقرریر کے دوران اپوزیشن نے احتجاج اور شور شرابہ کیا۔ وزیر اعلی سہیل آفریدی نے اسمبلی میں اپوزیشن کو جواب دیا کہ حوصلہ رکھیں۔
وزیر اعلیٰ سہیل آفریدی نے ایوان سے خطاب کرتے ہوئے کہا کہ غریب طبقے کو ریلیف دینے کیلئے ہم کم از کم ماہانہ اجرت 40 ہزار سے بڑھا کر 45,000 روپے کر رہے ہیں، جو وفاقی حکومت کی مقرر کردہ اجرت سے بھی زیادہ ہے۔
انہوں نے مزید کہا کہ سرکاری ملازمین کی تنخواہوں اور پنشن میں 7 فیصد اضافہ کیا جا رہا ہے، جبکہ ایڈ ہاک ریلیف 2022 اور 2025 کو بنیادی تنخواہ میں ضم کرنے کی تجویز ہے۔
June 19, 2026
June 19, 2026
(ویب ڈیسک ) خیبرپختونخوا بجٹ 2026-27 میں سرکاری ملازمین کی تنخواہوں اور پنشن میں 7 فیصد اضافے کی تجویز دی گئی ہے۔
اسپیکر خیبرپختونخوا اسمبلی بابر سلیم سواتی کے زیر صدارت خیبرپختونخوا اسمبلی کا اجلاس ہوا۔وزیر اعلی خیبرپختونخوا کی بجٹ تقرریر کے دوران اپوزیشن نے احتجاج اور شور شرابہ کیا۔ وزیر اعلی سہیل آفریدی نے اسمبلی میں اپوزیشن کو جواب دیا کہ حوصلہ رکھیں۔
وزیر اعلی سہیل آفریدی نے خطاب کرتے ہوئے کہا کہ سرکاری ملازمین کی تنخواہوں اور پنشن میں 7 فیصد اضافہ کیا جا رہا ہے، جبکہ ایڈ ہاک ریلیف 2022 اور 2025 کو بنیادی تنخواہ میں ضم کرنے کی تجویز ہے۔کنوینس الاؤنس میں 50 فیصد اضافہ اور اسپیشل کنوینس الاؤنس کو 6 ہزار سے بڑھا کر 10 ہزار روپے کرنے کا اعلان کیا گیا ہے۔
(ویب ڈیسک)وزیراعلیٰ خیبر پختونخوا سہیل آفریدی نے 2170 ارب روپے کا خیبر پختونخوا بجٹ 2026-27 پیش کر دیا۔ 48 ارب روپے کا بجٹ خسارہ کسی بیرونی قرض کے بغیر اندرونی بچت سے پورا کیا جائے گا۔
اسپیکرخیبرپختونخوا اسمبلی بابر سلیم سواتی کے زیر صدارت خیبرپختونخوا اسمبلی کا اجلاس ہوا۔وزیر اعلی خیبرپختونخوا کی بجٹ تقرریر کے دوران اپوزیشن نے احتجاج اور شور شرابہ کیا۔وزیر اعلی سہیل آفریدی نے اسمبلی میں اپوزیشن کو جواب دیا کہ حوصلہ رکھیں ۔
وزیر اعلی سہیل آفریدی نے کہا کہ 92 ایم پی ایز نے مل کر فیصلہ کرلیا ہےہ کہ بجٹ پیش کریں گے۔آج کا بجٹ 48 ارب روپے کے خسارے کیساتھ پیش ہوگا۔خیبرپختونخوا کے عوام نے تیسری بار مسلسل تحریک انصاف پر اعتماد کیا ہے۔مزمل اسلم نے بہترین انداز میں فنانس کو چلایا ہے۔
وزیر اعلیٰ خیبرپختونخوا سہیل آفریدی نے کہا کہ یہ بجٹ عمران خان کے وژن کے مطابق "خوشحال خیبر پختونخوا" کے عزم کی عکاسی کرتا ہے، جہاں ترقی کے ثمرات کسان، مزدور اور ہر گھر تک پہنچیں گے۔ انہوں نے ایوان کو بتایا کہ بجٹ میں 48 ارب روپے کا خسارہ متوقع ہے، 2013 سے صوبے کے عوام نے پی ٹی آئی پر جس اعتماد کا اظہار کیا ہے، یہ بجٹ اسی شفاف طرزِ حکمرانی کا تسلسل ہے۔
وزیر اعلیٰ سہیل آفریدی نے اپنے خطاب میں بڑھتی ہوئی مہنگائی کا ذکر کرتے ہوئے ملازمین کیلئے درج ذیل ریلیف اقدامات کا اعلان کیا۔
وزیر اعلی سہیل آفریدی نے کہا کہ سرکاری ملازمین کی تنخواہوں اور پنشن میں 7 فیصد اضافہ کیا جا رہا ہے، جبکہ ایڈ ہاک ریلیف 2022 اور 2025 کو بنیادی تنخواہ میں ضم کرنے کی تجویز ہے۔
کنوینس الاؤنس میں 50 فیصد اضافہ اور اسپیشل کنوینس الاؤنس کو 6 ہزار سے بڑھا کر 10 ہزار روپے کرنے کا اعلان کیا گیا ہے۔
وزیر اعلیٰ نے کہا کہ غریب طبقے کو ریلیف دینے کیلئے ہم کم از کم ماہانہ اجرت 40 ہزار سے بڑھا کر 45,000 روپے کر رہے ہیں، جو وفاقی حکومت کی مقرر کردہ اجرت سے بھی زیادہ ہے۔
وزیر اعلیٰ نے صوبائی محاصل کا ہدف 182.41 ارب روپے مقرر کرنے کا اعلان کرتے ہوئے واضح کیا کہ عوام پر کوئی نیا ٹیکس نہیں لگایا جا رہا۔ انہوں نے ٹیکسوں میں درج ذیل بڑی چھوٹ کا اعلان کیا:
وزیر اعلی سہیل آفریدی نے کہا کہ تجارتی لاگت کم کرنے کیلئے انفراسٹرکچر ڈویلپمنٹ سیس کو 2 فیصد سے گھٹا کر صرف 0.75 فیصد کیا جا رہا ہے، جو ملک میں سب سے کم شرح ہے اور اس سے ٹیکس کے بوجھ میں 62 فیصد کمی آئے گی۔
انہوں نے اعلان کیا کہ 5 مرلے تک کے رہائشی اور کمرشل مکانات کو پراپرٹی ٹیکس سے مکمل چھوٹ دی جا رہی ہے جس سے 2 لاکھ سے زائد گھرانے مستفید ہوں گے۔
انہوں نے کہا کہ کم از کم آمدنی والے افراد اور گریڈ 1 سے 6 تک کے سرکاری ملازمین پر سے پروفیشنل ٹیکس مکمل طور پر ختم کیا جا رہا ہے۔
انہوں نے یقین دلایا کہ سابقہ فاٹا اور پاٹا کیلئے ٹیکس ریلیف کی پالیسی برقرار رہے گی۔
وزیر اعلیٰ سہیل آفریدی نے صحت اور تعلیم کو اپنی حکومت کی اولین ترجیح قرار دیتے ہوئے کہا کہ عبوری حکومت کی جانب سے معطل کیے گئے صحت کارڈ پلس پروگرام کا بجٹ جاری مالی سال کے 41 ارب سے بڑھا کر اگلے سال کیلئے 50.4 ارب روپے کر دیا گیا ہے۔
انہوں نے کہا کہ سرکاری ہسپتالوں میں مفت ادویات کیلئے فنڈز بڑھا کر 14.263 ارب جبکہ ایم ٹی آئی (MTI) ہسپتالوں کا بجٹ 65 ارب سے بڑھا کر 80 ارب روپے کر دیا گیا ہے۔ پشاور میں 4 ارب کی لاگت سے نیا جنرل ہسپتال بنے گا۔
وزیر اعلیٰ سہیل آفریدی نے کہا کہ تعلیم کا مجموعی بجٹ بڑھا کر 468.379 ارب روپے کر دیا گیا ہے۔ مفت کتب کیلئے 8.5 ارب اور آؤٹ آف اسکول بچوں کو لانے کیلئے 5 ارب روپے رکھے گئے ہیں۔ یونیورسٹی طلبہ کو 2 ارب روپے کی لاگت سے مارک اپ فری لون دیا جائے گا۔
صوبے میں سیکیورٹی کی صورتحال پر بات کرتے ہوئے وزیر اعلیٰ سہیل آفریدی نے کہا کہ امن و امان کا قیام ہماری سب سے بڑی ذمہ داری ہے۔ انہوں نے اعلان کیا کہ پولیس کا بجٹ ماضی کے 67 ارب روپے سے بڑھا کر 191.393 ارب روپے (185 فیصد اضافہ) کر دیا گیا ہے۔ پولیس کی جدید خریداری (Procurement Plan) کیلئے 14.5 ارب روپے دیے جا رہے ہیں جس سے جدید اسلحہ، نائٹ وژن کیمرے، بلٹ پروف گاڑیاں اور اینٹی ڈرون گنز خریدی جائیں گی۔ قبائلی اور سرحدی اضلاع بشمول وزیرستان، کرم اور اورکزئی میں سیف سٹی منصوبوں اور ڈرون پولیسنگ کیلئے خطیر رقم رکھی گئی ہے۔
وزیر اعلیٰ نے صوبے کے مختلف علاقوں کیلئے اہم ترقیاتی منصوبوں کا ذکر کرتے ہوئے کہا کہ پشاور کی عظمتِ رفتہ بحال کرنے کیلئے 120 ارب روپے کے 29 منصوبے شامل کیے گئے ہیں، جن کیلئے اگلے سال 36 ارب روپے مختص ہوں گے۔ رنگ روڈ فلائی اوورز، انڈر پاسز اور الیکٹرک بسوں کی خریداری اس کا حصہ ہیں۔
انہوں نے کہا کہ تاریخ میں پہلی بار ہزارہ کے عوام کی محرومیوں کے ازالے کیلئے 200 ارب کی لاگت سے 119 منصوبے شامل کیے گئے ہیں، جس کیلئے ابتدائی طور پر 4.2 ارب روپے رکھے گئے ہیں۔
انہوں نے کہا کہ اپر چترال کیلئے 5 ارب روپے کا انفراسٹرکچر پیکیج اور ضم اضلاع کے قبائل کیلئے 31.5 ارب روپے کے ترقیاتی پیکیجز دیے جا رہے ہیں۔
وزیر اعلیٰ سہیل آفریدی نے ٹیکنالوجی اور ماحولیات کے حوالے سے اپنے وژن کا اظہار کرتے ہوئے کہا کہ صوبے میں آرٹیفیشل انٹیلیجنس (AI) اتھارٹی کے قیام کیلئے 1 ارب روپے مختص کیے گئے ہیں۔ پشاور میں شہریوں کو فری پبلک وائی فائی فراہم کرنے کیلئے 500 ملین روپے رکھے گئے ہیں۔ ماحولیاتی تحفظ اور گرین انرجی کے تحت الیکٹرک بائیکس اور رکشوں کے استعمال کو فروغ دینے کیلئے 2.5 ارب روپے کی مارک اپ فری سبسیڈی دی جائے گی۔
انہوں نے مزید کہا کہ ضم شدہ اضلاع میں گھروں کی سولرائزیشن کیلئے 13.23 ارب روپے جبکہ صوبے کے دیگر اضلاع میں گھروں کو سولر پر منتقل کرنے کیلئے 1 ارب سے زائد کی رقم مختص کی گئی ہے۔
وزیر اعلیٰ سہیل آفریدی نے اپنے خطاب کے اختتام پر تمام اراکینِ اسمبلی سے اپیل کی کہ وہ صوبے کی خوشحالی اور روشن مستقبل کے اس روڈ میپ کو کامیاب بنانے کیلئے متحد ہو جائیں، اور علامہ اقبال کے شعر "افراد کے ہاتھوں میں ہے اقوام کی تقدیر، ہر فرد ہے ملت کے مقدر کا ستارہ" پر اپنی تقریر ختم کی۔
June 19, 2026
June 17, 2026
(ویب ڈیسک) وزیراعلیٰ سندھ مراد علی شاہ نے متوسط طبقے کے لیے رعایتی سولر فنانسنگ پروگرام متعارف کرانے کا اعلان کردیا۔
سندھ اسمبلی کا بجٹ اجلاس سپیکر سندھ اسمبلی اویس قادر شاہ کی زیر صدارت ہوا۔وزیر اعلی سندھ مراد علی شاہ نے کہا کہ بلاول بھٹو کے وژن کے مطابق سندھ کو قابلِ تجدید توانائی کا مرکز بنایا جا رہا ہے،پاکستان کی تاریخ کا سب سے بڑا سولر پروگرام شروع کیا جا رہا ہے۔18 ارب روپے کی لاگت سے 2 لاکھ 75 ہزار مفت سولر ہوم سسٹمز تقسیم کیے جائیں گے،غریب گھرانوں کو مفت سولر سسٹمز فراہم کیے جائیں گے۔
وزیراعلیٰ سندھ نے متوسط طبقے کے لیے رعایتی سولر فنانسنگ پروگرام متعارف کرانے کا اعلان کردیا۔
قبل ازیں اپوزیشن کی جانب سے ایوان میں شدید احتجاج کیا گیا۔اپوزیشن ارکان نے بجٹ نا منظور کے نعرے لگائے۔بعد ازاں اپوزیشن نے بجٹ سیشن کے بائیکاٹ کا اعلان کرتے ہوئے واک آؤٹ کردیا۔
(ویب ڈیسک)سندھ بجٹ 2026-27 میں کم از کم اجرت 43 ہزار روپے ماہانہ مقرر کردی گئی۔
سندھ اسمبلی کا بجٹ اجلاس سپیکر سندھ اسمبلی اویس قادر شاہ کی زیر صدارت ہوا۔وزیر اعلی سندھ مراد علی شاہ نے اعلان کیا کہ کم از کم اجرت 40 ہزار سے بڑھا کر 43 ہزار روپے ماہانہ مقرر کردی گئی۔
انہوں نے یہ بھی کہا کہ سندھ کے سرکاری ملازمین کی تنخواہوں اور پنشن میں 7 فیصد اضافہ کیا جائے گا۔
اپوزیشن کی جانب سے ایوان میں شدید احتجاج کیا گیا۔اپوزیشن ارکان نے بجٹ نا منظور کے نعرے لگائے۔بعد ازاں اپوزیشن نے بجٹ سیشن کے بائیکاٹ کا اعلان کرتے ہوئے واک آؤٹ کردیا۔
June 17, 2026
June 17, 2026
(ویب ڈیسک ) سندھ بجٹ 2026-27 میں سرکاری ملازمین اور پنشنرز کیلئےبڑی خوشخبری آگئی۔
سندھ اسمبلی کا بجٹ اجلاس سپیکر سندھ اسمبلی اویس قادر شاہ کی زیر صدارت ہوا۔وزیر اعلی سندھ مراد علی شاہ نے سندھ کے سرکاری ملازمین کی تنخواہوں اور پنشن میں 7 فیصد اضافے کا اعلان کیا۔
مراد علی شاہ نے کہا کہ کم از کم اجرت 40 ہزار سے بڑھا کر 43 ہزار روپے ماہانہ مقرر کردی گئی۔
اپوزیشن کی جانب سے ایوان میں شدید احتجاج کیا گیا۔اپوزیشن ارکان نے بجٹ نا منظور کے نعرے لگائے۔بعد ازاں اپوزیشن نے بجٹ سیشن کے بائیکاٹ کا اعلان کرتے ہوئے واک آؤٹ کردیا۔
(ویب ڈیسک)وزیراعلیٰ سندھ مراد علی شاہ مالی سال 27-2026ء کا بجٹ پیش کردیا۔تفصیلات کے مطابق سندھ اسمبلی کا بجٹ اجلاس سپیکر سندھ اسمبلی اویس قادر شاہ کی صدارت میں شروع ہوا۔وزیر اعلی سندھ مراد علی شاہ بجٹ 2026-27 پیش کر رہے ہیں ۔
اپوزیشن کی جانب سے ایوان میں شدید احتجاج کیا گیا۔اپوزیشن ارکان نے بجٹ نا منظور کے نعرے لگائے۔بعد ازاں اپوزیشن نے بجٹ سیشن کے بائیکاٹ کا اعلان کردیا۔
وزیراعلیٰ سندھ نے نئے مالی سال کا 3.562 کھرب روپے کا بجٹ سندھ اسمبلی میں پیش کرتے ہوئے کہا کہ بجٹ میں کوئی نیا ٹیکس عائد نہیں کیا گیا۔
انہوں نے عوام اور کاروباری طبقے کو ریلیف فراہم کرنے کے عزم کا اظہار کیا۔
وزیر اعلی سندھ مراد علی شاہ کا سندھ کے سرکاری ملازمین کی تنخواہوں اور پنشن میں 7 فیصد اضافے کا اعلان کیا جبکہ صوبے میں کم از کم اجرت 40 ہزار سے بڑھا کر 43 ہزار روپے ماہانہ مقرر کردی گئی۔
مراد علی شاہ نے کہا کہ بجٹ کا خسارہ 36.9 ارب روپے متوقع ہے، آمدنی 3.525 کھرب روپے رکھی گئی۔سندھ کا بجٹ 4 اصولوں آئینی حقوق، مالیاتی پائیداری، قومی استحکام اور عوامی فلاح پر مبنی ہے،وفاق کے ساتھ تعاون کے تحت ترقیاتی پورٹ فولیو 575 ارب سے کم کرکے 400 ارب روپے کرنا پڑا۔ وفاق کے ساتھ این ایف سی ایوارڈ میں سندھ کے حصے کا تحفظ یقینی بنایا ہے۔
وزیراعلیٰ سندھ نے تعلیم، زراعت، انشورنس اور روزگار کے شعبوں کے لیے خصوصی ریلیف پیکیج کا اعلان کیا۔
انہوں نے کہا کہ تعلیمی معاونتی خدمات پر سیلز ٹیکس کم کرکے 5 فیصد کر دیا گیا،سوشل پروٹیکشن پیکیج کے لیے 13.2 ارب روپے کی خطیر رقم مختص کی گئی ہے،سوشل پروٹیکشن میں کچن گارڈن، بینظیر ہاری کارڈ اور بینظیر ویمن ایگریکلچر ورکرز پروگرام شامل ہیں،سوشل پروٹیکشن پیکیج کے تحت بیواؤں اور یتیموں کے لیے بھی امدادی اسکیمیں جاری رہیں گی۔
وزیراعلیٰ سندھ نے کہا کہ پوائنٹ آف سیل (پی او ایس) سے منسلک بیوٹی سیلونز اور اوورسیز ایمپلائمنٹ ریکروٹنگ ایجنسیوں کے لیے رعایتی ٹیکس برقرار ہے۔
انہوں نے انشورنس ایجنٹس اور بروکرز پر لاگو ٹیکسز میں کمی کا اعلان کیا۔
مراد علی شاہ نے کہا کہ زرعی سپر ٹیکس کی استثنیٰ کی حد 150 ملین سے بڑھا کر 500 ملین روپے کر دی گئی،زرعی سپر ٹیکس کی شرح کو بھی 10 فیصد سے کم کر کے 8 فیصد کر دیا گیا،نئے مالی سال کے سالانہ ترقیاتی پروگرام (اے ڈی پی) کا حجم 400 ارب روپے مقرر ہے،لوکل گورنمنٹ اور میونسپل انفراسٹرکچر کے لیے سب سے زیادہ 121.6 ارب روپے مختص کیا گیا ہے۔
وزیر اعلیٰ سندھ نے کہا کہ پبلک ہیلتھ انجینئرنگ کے لیے 40.9 ارب روپے کی رقم مختص کی گئی ہے،ٹرانسپورٹ اور مواصلات کے منصوبوں کے لیے 39.5 ارب روپے مختص کیا گیا ہے،آبپاشی منصوبوں کیلئے 30.9 ارب روپے کی رقم رکھی گئی ہے، تعلیم کے شعبے کے لئے 25.9 ارب روپے کی ترقیاتی رقم مختص کی گئی ہے، صحت کے شعبے کے لیے 17.4 ارب روپے کا ترقیاتی بجٹ مقرر کیا گیا ہے،زراعت اور لائیوسٹاک کے ترقیاتی کاموں کے لیے 6.3 ارب روپے مختص کیا گیا ہے۔
مراد علی شاہ نے کراچی میں 'سندھ انٹرنیشنل فائننشل سینٹر' قائم کرنے کا اعلان کردیا۔
انہوں نے کہا کہ فائننشل سینٹر انفراسٹرکچر فنانس، اسلامک فنانس اور کلائمیٹ فنانس کا پلیٹ فارم ہوگا۔انہوں نے کیٹی بندر کو عالمی بحری، لاجسٹکس، انڈسٹریل اور توانائی مرکز بنائے کا عزم دہرایا۔
وزیر اعلیٰ سندھ نے کہا کہ شہید ذوالفقار علی بھٹو نے پورٹ قاسم کی بنیاد رکھی،شہید بینظیر بھٹو کے وژن کے تحت اب چیئرمین بلاول بھٹو کیٹی بندر کی نئی معاشی تقدیر رقم کرے گا،پورٹ قاسم کے بعد کیٹی بندر سندھ کی معاشی ترقی کا اگلا عظیم سنگِ میل بننے جا رہا ہے،کیٹی بندر کے ذریعے پاکستان عالمی تجارتی راستوں سے مزید مضبوط انداز میں منسلک ہوگا، کیٹی بندر منصوبہ دھابیجی اسپیشل اکنامک زون اور تھر کے کوئلہ وسائل سے منسلک ہوگا، ہم کیٹی بندر کو پاکستان کا نیا معاشی اور بحری گیٹ وے بنائیں گے۔
مراد علی شاہ نے کہا کہ پیپلز پارٹی کے وژن کے تحت کراچی کو عالمی سرمایہ کاری کے مرکز بنا رہے ہیں،شہر کراچی میں سندھ انٹرنیشنل فنانشل سینٹر قائم کیا جا رہا ہے،ڈیجیٹل سندھ وژن کے تحت گرین ڈیٹا انفراسٹرکچر اور اے آئی اکانومی کی بنیاد رکھی جا رہی ہے،بلاول بھٹو کے وژن کے مطابق سندھ کو قابلِ تجدید توانائی کا مرکز بنایا جا رہا ہے،پاکستان کی تاریخ کا سب سے بڑا سولر پروگرام شروع کیا جا رہا ہے۔18 ارب روپے کی لاگت سے 2 لاکھ 75 ہزار مفت سولر ہوم سسٹمز تقسیم کیے جائیں گے،غریب گھرانوں کو مفت سولر سسٹمز فراہم کیے جائیں گے۔
وزیراعلیٰ سندھ نے متوسط طبقے کے لیے رعایتی سولر فنانسنگ پروگرام متعارف کرانے کا اعلان کردیا۔
انہوں نے کہا کہ کسان دوست وژن کے تحت زرعی کلیکٹوز کے ذریعے چھوٹے ہاریوں کو نئی معاشی طاقت دی جا رہی ہے،ویسٹ ٹو ویلیو پروگرام سے کچرے کو معاشی وسائل میں تبدیل کیا جائے گا،سندھ میں سرمایہ کاری، صنعت، تجارت اور روزگار کے نئے دروازے کھولے جا رہے ہیں،ہم سندھ کو جنوبی ایشیا کی ابھرتی ہوئی معاشی طاقت بنانے کی بنیاد رکھ رہے ہیں۔
مراد علی شاہ نے کہا کہ پیپلز پارٹی کے ترقیاتی وژن کے تحت تجارت، ٹیکنالوجی، فنانس اور توانائی کا علاقائی مرکز بنایا جا رہا ہے،سندھ حکومت کا اگلا مرحلہ فلاح سے خوشحالی اور خوشحالی سے معاشی قیادت کی جانب سفر ہے۔
سندھ حکومت نے کچرے سے ایندھن اور تجارتی مصنوعات بنانے کا ویسٹ ٹو ویلیو پروگرام متعارف کرایدا۔
وزیر اعلیٰ سندھ نے کہا کہ ویسٹ ٹو ویلیو پروگرام سے کاربن کریڈٹس پیدا ہوں گے اور ماحولیاتی آلودگی کم ہوگی۔
سندھ حکومت نے چھوٹے کسانوں کیلئے خصوصی قانون سازی کا فیصلہ کیا۔انہوں نے کہا کہ چھوٹے آبادگاروں کے لیے زرعی اجتماعی اداروں کے قیام کی قانون سازی ہوگی،ہاریوں کو مشینری، مالیات، انشورنس اور جدید ٹیکنالوجی تک رسائی دی جائے گی،موسمیاتی چیلنجز کے باوجود کسان ملک کی غذائی ضروریات پوری کر رہے ہیں۔ہمارے محنت کش معیشت کا پہیہ رواں رکھنے میں کلیدی کردار ادا کر رہے ہیں، اساتذہ اور طبی عملہ خلوص اور لگن سے قوم کی خدمت کر رہے ہیں،معاشی مشکلات کے باوجود سرمایہ کار اور کاروباری طبقہ ترقی کے سفر میں شریک ہے۔
مراد علی شاہ نے کہا کہ گزشتہ سال میں ریکارڈ 900 ارب روپے سے زائد ترقیاتی سرگرمیوں پر خرچ کیے،شاہراہِ بھٹو سندھ کی تاریخ کا سب سے بڑا شہری انفراسٹرکچر منصوبہ ہے،کراچی کی ترقی کے لیے جدید انفراسٹرکچر اور مؤثر ٹرانسپورٹ نظام ناگزیر ہے،60.7 ارب روپے کی لاگت سے تعمیر ہونے والی شاہراہِ بھٹو عوام کے لیے بڑی سہولت ہے،39 کلومیٹر طویل جدید کوریڈور قیوم آباد سے ایم نائن موٹروے سے منسلک کرتا ہے،شاہراہِ بھٹو کراچی کے ٹریفک نظام میں انقلابی تبدیلی کا باعث بن رہی ہے،کراچی کا پہلا بڑا انفراسٹرکچر منصوبہ پبلک پرائیویٹ پارٹنرشپ ماڈل کے تحت مکمل کیا گیا۔
وزیراعلیٰ سندھ نے شاہراہِ بھٹو کو جدید مالیاتی حکمتِ عملی اور مؤثر منصوبہ بندی کی کامیاب مثال قرار دے دیا۔
انہوں نے کہا کہ شاہراہِ بھٹو کی تعمیر سے سفر کا دورانیہ کم ہو کر تقریباً 25 منٹ رہ گیا،شاہراہِ بھٹو منصوبے سے شہریوں کے وقت اور ایندھن کی بچت میں نمایاں بہتری آئی ہے،شاہراہِ بھٹو روزانہ تقریباً 25 ہزار گاڑیوں کو سفری سہولت فراہم کر رہی ہے،شاہراہِ بھٹو کراچی میں تیز، محفوظ اور مؤثر آمد و رفت کے نئے دور کا آغاز ہے،بڑی شہری شاہراہوں کو جدید طرز پر استوار کرنا سندھ حکومت کی ترجیحات میں شامل ہے،شاہراہِ بھٹو منصوبہ کراچی کی معاشی سرگرمیوں اور رابطوں کے فروغ میں اہم سنگِ میل ہے،شاہراہِ بھٹو منصوبے کی تکمیل سے صنعتی، تجارتی اور رہائشی علاقوں کے درمیان رابطے مزید مضبوط ہونگے، شاہراہِ بھٹو کراچی کے شہری انفراسٹرکچر میں تاریخی اضافہ ثابت ہوگا۔
مراد علی شاہ نے کہا کہ سال 2022 کے سیلاب متاثرین کے لیے 'سندھ پیپلز ہاؤسنگ پروگرام' کے تحت 10 لاکھ گھر مکمل کئے گئے،عالمی تعاون سے 1.675 ارب ڈالر کی لاگت سے مزید 17 لاکھ ہاؤسنگ یونٹس کے فنڈز حاصل کر لیے گئے،سیلاب متاثرین مکانات کے منصوبے میں لاکھوں خواتین کو زمین کے مالکانہ حقوق دے کر بااختیار بنایا گیا،صحت کے شعبے میں این آئی سی وی ڈی، ایس آئی سی وی ڈی، ایس آئی یو ٹی اور جے پی ایم سی کی خدمات میں توسیع کی جائے گی ،1123 ٹیلی طبیب سروس اور 1122 ایمبولینس نیٹ ورک مزید مضبوط بنایا گیا۔
وزیر اعلیٰ سندھ نے کہا کہ محکمہ تعلیم کے تحت 1300 سے زائد اسکولوں کی عمارات تعمیر اور اساتذہ کی بھرتیاں کی گئیں،نوجوانوں کی امیدیں اور امنگیں ہمیں بہتر مستقبل کی تعمیر کے لیے متحرک رکھتی ہیں،ٹیکنالوجی بیسڈ پولیسنگ سے کراچی میں گاڑیوں کی چوری اور چھیننے کی وارداتوں میں 67 فیصد کمی آئی ہےکراچی میں اسٹریٹ کرائم میں 54 فیصد کمی آئی، ٹریفک حادثات اور ہلاکتوں میں بھی واضح کمی آئی ہے۔
ان کا مزید کہنا تھا کہ سندھ بجٹ شہریوں کے تحفظ، انسانی ترقی اور روشن مستقبل کی تعمیر کا عکاس ہے،ہر بچے کو تعلیم، ہر شہری کو صحت اور ہر نوجوان کو مواقع میسر کرنا پیپلز پارٹی کا وژن ہے،سندھ حکومت کے بجٹ سے ہر ضلع کو خوشحالی اور ترقی کے ثمرات حاصل ہوں گے۔
June 17, 2026
June 16, 2026
(ویب ڈیسک)وزیر خزانہ میاں مجتبیٰ شجاع الرحمن نے 5 ہزار 903 ارب روپے حجم کا بجٹ 27-2026 پیش کردیا۔
پنجاب اسمبلی کا اجلاس اسپیکر ملک محمد احمد خان کی زیر صدارت شروع ہوگیا۔وزیر اعلی پنجاب مریم نواز اجلاس میں شریک ہیں ۔
وزیر خزانہ میاں مجتبیٰ شجاع الرحمن نے کہا کہ ایران امریکہ امن معاہدہ پر پوری قوم کو مبارکباد پیش کرتا ہوں۔قائد محمد نواز شریف ، وزیر اعظم شہباز شریف کو امن معاہدے پر مبارکباد پیش کرتا ہوں۔فیلڈ مارشل سید عاصم منیر کو بھی امن معاہدے پر مبارکباد پیش کرتا ہوں۔
انہوں نے کہاکہ مریم نواز نے پنجاب میں انقلابی اقدامات کیے۔مسلم لیگ ن نے ملک کو دیوالیہ ہونے سے بچایا۔معرکہ حق میں کامیابی کی دنیا معترف ہے۔ایران امریکا جنگ نے دنیا کی معیشت کی بنیاد ہلا دی۔مریم نواز شریف نے کفایت شعاری کی عمدہ مثال قائم کی۔پنجاب میں ترقیاتی منصوبوں پر آنچ نہیں آنے دی گئی۔وزیروں کی تنخواہوں پر کٹ لگایا گیا۔
وزیر خزانہ میاں مجتبیٰ شجاع الرحمن نے کہا کہ مریم نواز شریف کی قیادت میں کیے گئے کام کو ہر فورم پر سراہا گیا۔حکومت نے معیشت بچانے کیلئے ہر ممکن کردار ادا کیا۔سیلاب کے دوران عوام کو ہر ممکن امداد فراہم کی گئی۔آج پنجاب میں عوام کی دہلیز پر سہولیات فراہم کی جا رہی ہیں ۔پنجاب کا ہر ضلع اور ہر تحصیل ترقی کے سفر میں شریک ہے۔
وزیر خزانہ نے کہا کہ دفاع پاکستان کی مضبوطی کیلئے پنجاب نے بڑے بھائی ہونے میں اہم کردار دا کیا۔پنجاب نے 546 ارب روپے وفاق کو فراہم کیے۔پنجاب پاکستان کی ریڑھ کی ہڈی ہے۔پنجاب میں ریکارڈ مدت میں عوام کی فلاح کیلئے ادارے قائم کیے گئے ہیں ۔پنجاب میں 4 لاکھ سے زائد افراد کو میرٹ پر نوکریاں دی گئیں۔
وزیر خزانہ میاں مجتبیٰ شجاع الرحمن نے کہا کہ تمام معاشی مشکلات کے باوجود وزیر اعلیٰ مریم نواز کا عوام پر نیا بوجھ نہ بڑھانے کا فیصلہ کیا۔ پراپرٹی ٹیکس کے لیٹ پیمنٹ سرچارج میں ریلیف دیا گیا، پراپرٹی ٹیکس اب ماہانہ کی بجائے سہ ماہی بنیادوں پر وصولی کا فیصلہ کیا گیا ہے۔ 'سیلف اسیسمنٹ اسکیم' کے تحت ٹیکس نیٹ بڑھانے کے لیے 5 فیصد رعایت دی گئی ہے۔
انہوں نے کہا کہ الیکٹرک گاڑیوں پر ٹوکن ٹیکس کی چھوٹ 95 فیصد سے بڑھا کر 99 فیصد ہوگی۔لاہور: زرعی ٹیکس ، 'فکسڈ ٹیکس اسٹرکچر' کے تحت ضروری اصلاحات متعارف کروائی گئی ہیں۔ صوبے بھر میں 'کپاس فیس' مکمل طور پر ختم کردی گئی۔ کپاس فیس کے خاتمے سے کسانوں اور ٹیکسٹائل سیکٹر کو براہِ راست فائدہ ہوگا۔
وزیر خزانہ نے کہا کہ ملکی مجموعی قومی پیداوار میں پنجاب کا حصہ 55.7 فیصد ہے،پنجاب کی آبادی تقریباً 13 کروڑ اور ملازمت یافتہ افرادی قوت 3 کروڑ 58 لاکھ افراد پر مشتمل ہے، پنجاب کی فی کس آمدنی 1904 ڈالر ہے، گزشتہ 3 سال کے مقابلے میں 47 فیصد کا ریکارڈ اضافہ ہوا، حکومت نے معاشی تبدیلی کے لیے 'پنجاب انوویٹو فار ویلیو' کے نام سے جامع منصوبہ ترتیب دے دیا۔
انہوں نے پنجاب کی معیشت کی ترقی کے لیے 'پیوٹ' روڈ میپ متعارف کروانے کا اعلان کیا۔
وزیر خزانہ میاں مجتبیٰ شجاع الرحمن نے کہا کہ نوجوانوں کی ترقی، تعلیم اور روزگار کے لیے 39 ارب روپے کا جامع پروگرام متعارف کروایا گیا ہے، کچے کے علاقوں کی پائیدار ترقی کے لیے 'کچہ ایریا ڈیولپمنٹ پروگرام' کی منظوری دی گئی ہے، کچے کے علاقوں میں بنیادی سہولیات کے لیے 38 ارب 86 کروڑ روپے کی لاگت سے 53 اسکیمیں متعارف کروائی گئی ہیں ۔
انہوں نے کہا کہ معاشی تبدیلی کا تین سالہ منصوبہ تقریباً 1995 ارب روپے کی مجموعی سرمایہ کاری پر مشتمل ہے، معاشی منصوبے میں 1090 ارب روپے سرکاری سرمایہ کاری جبکہ 905 ارب پرائیویٹ سیکٹر سے آئیں گے، اگلے تین سالوں میں صنعت کے شعبے میں تقریباً 1188 ارب روپے کی سرمایہ کاری کی جائے گی، زراعت میں تقریباً 586 ارب اور لائیو اسٹاک میں 230 ارب روپے کی سرمایہ کاری کی جائے گی، سیاحت میں 642 ارب اور ایکوا فارمنگ کے شعبے میں 190 ارب روپے مختص کرنے کا اعلان کرتا ہوں، شعبہ مہارت میں 186 ارب اور آئی ٹی سیکٹر میں 64 ارب روپے کی سرمایہ کاری کی جائے گی۔
وزیر خزانہ نے کہا کہ تین سالہ پروگرام کے نتیجے میں 6 ارب 80 کروڑ ڈالر کی اضافی برآمدات متوقع ہیں، معاشی ترقی کے اس بڑے منصوبے سے 1 لاکھ 62 ہزار نئی ملازمتیں پیدا ہونے کی توقع ہے، پائیدار معاشی ترقی صرف سرکاری وسائل سے ممکن نہیں بلکہ نجی شعبے کی شراکت لازمی ہے۔
ان کا کہنا تھا کہ گزشتہ ایک سال کے دوران حکومتی پالیسیوں کے نتیجے میں معاشی شرح نمو بڑھ کر 3.7 فیصد تک پہنچ گئی، معاشی شرحِ نمو گزشتہ چار سالوں کی بلند ترین سطح پر ریکارڈ کی گئی ہے، بیرونِ ملک مقیم پاکستانیوں کی جانب سے بھیجی جانے والی ترسیلاتِ زر 38 ارب 10 کروڑ ڈالر تک پہنچ گئیں، سمندر پار پاکستانیوں کے بھیجے گئے زرِ مبادلہ میں گزشتہ سال کے مقابلے میں 9.2 فیصد اضافہ ہوا، ملک کے مجموعی زرِ مبادلہ کے ذخائر بڑھ کر 22 ارب 67 کروڑ ڈالر تک پہنچ گئے ہیں، زرِ مبادلہ کے ذخائر میں ریکارڈ اضافہ قومی معیشت کے استحکام اور مضبوطی کا واضح اظہار ہے۔
وزیر خزانہ مجتبیٰ شجاع الرحمان نے کہا کہ پنجاب کی تاریخ میں پہلی بار بجٹ تجاویز کے لیے 'پری بجٹ راؤنڈ ٹیبل کانفرنس' کا انعقاد کیا گیا، نئے مالی سال 2026-27 کے لیے مجموعی بجٹ کا حجم 5903 ارب 46 کروڑ روپے تجویز کیا گیا ہے، صوبے کا مجموعی بجٹ حجم رواں مالی سال کے مقابلے میں 10.7 فیصد زیادہ ہے، نئے مالی سال میں جاری اخراجات کا تخمینہ 1962 ارب 93 کروڑ روپے لگایا گیا ہے۔
انہوں نے کہاکہ مالی سال 2025-26 کے ترقیاتی بجٹ کے تحت 2638 منصوبے پایہ تکمیل تک پہنچے، 2638 ترقیاتی منصوبوں کی تکمیل 1150 ارب روپے کی لاگت سے کی گئی، یہ منصوبے مالی سال 2024-25 کے ترقیاتی اخراجات سے 16 فیصد زیادہ ہیں، وسائل کے مؤثر استعمال اور اخراجات کو معقول بنانے کی پالیسی سے ترقیاتی بجٹ کے لیے 752 ارب روپے مختص کیے جا رہے ہیں۔ وفاقی حکومت کی جانب سے این ایف سی ایوارڈ کے تحت پنجاب کے لیے 4390 ارب 94 کروڑ روپے کا تخمینہ ہے، این ایف سی کے تحت پنجاب کا تخمینہ گزشتہ مالی سال کی نسبت 8.1 فیصد زیادہ ہے، نئے مالی سال کے لیے صوبائی آمدن کے حصول کا ہدف 1209 ارب 86 کروڑ روپے مقرر کیا گیا ہے۔
وزیر خزانہ نے کہا کہ پنجاب ریونیو اتھارٹی کے لیے 528 ارب 50 کروڑ روپے کی وصولی کا ہدف مقرر کیا گیا ہے، پنجاب ریونیو اتھارٹی کا یہ ہدف مالی سال 2025-26 کے مقابلے میں 55.4 فیصد زائد ہے، بورڈ آف ریونیو کے لیے ٹیکس وصولی کا ہدف 86 ارب 19 کروڑ روپے مقرر کیا گیا ہے، ایکسائز اینڈ ٹیکسیشن ڈیپارٹمنٹ کو 124 ارب روپے کی وصولی کا ہدف دیا گیا ہے، ایکسائز ڈیپارٹمنٹ کا ہدف رواں مالی سال کی نسبت 77 فیصد کا نمایاں اضافہ ظاہر کرتا ہے، صوبائی نان ٹیکس محصولات کا تخمینہ 461 ارب 17 کروڑ روپے لگایا گیا ہے، صوبائی نان ٹیکس محصولات کا یہ تخمینہ سال 2025-26 کی نسبت 52 فیصد زیادہ ہے۔
ان کا کہنا تھا کہ نئے مالی سال 2026-27 میں تعلیم کے شعبے کے لیے 750 ارب روپے مختص کرنے کی تجویز ہے، تعلیم کے بجٹ میں ترقیاتی مد کے لیے 63 ارب 30 کروڑ روپے تجویز کیے گئے ہیں، تعلیمی شعبے کے غیر ترقیاتی مد میں 686 ارب 80 کروڑ روپے شامل کیے گئے ہیں، نئے مالی سال کے بجٹ میں شعبہ تعلیم کے لیے مختص رقم مجموعی بجٹ کا 15 فیصد سے زائد ہے، تعلیمی انفراسٹرکچر کی بہتری، ڈیجیٹل سہولیات اور معیاری تعلیم تک رسائی کو مزید وسعت دی جائے گی، وزیر اعلیٰ پنجاب لیپ ٹاپ پروگرام کے تحت 1 لاکھ 10 ہزار جدید لیپ ٹاپس فراہم کیے جائیں گے،لیپ ٹاپس کی فراہمی کا یہ منصوبہ 27 ارب روپے کی خطیر لاگت سے شروع کیا گیا ہے، مالی سال 26-2025 میں اب تک 42 ہزار لیپ ٹاپس تقسیم کیے جا چکے ہیں۔
وزیر خزانہ مجتبیٰ شجاع الرحمان نے کہا کہ ہونہار اسکالرشپ پروگرام کے لیے 15 ارب روپے مختص کیے گئے ہیں ، اسکول میل پروگرام کے تحت پنجاب کے 13 اضلاع کا انتخاب کیا گیا ہے، صوبے کے 44 فیصد بچے غذائیت کی کمی کا شکار تھے، حقائق کو مدنظر رکھ کر پروگرام شروع کیا گیا، غذائیت کی کمی دور کرنے کے پروگرام کے لیے آئندہ مالی سال میں 4 ارب روپے تجویز دی گئی ہے۔ پیما (PEIMA) کے تحت اسکولوں میں اضافی کلاس رومز اور بنیادی سہولیات کی بحالی کا آغاز کردیا، خطرناک اسکول عمارات کی بحالی کے لیے 40 ارب روپے کے پروگرام کا آغاز کیا گیا ہے۔
انہوں نے کہا کہ آئندہ مالی سال میں 244 کالجز میں آئی ٹی لیبس قائم کی جائیں گی، کالجوں میں آئی ٹی لیبس کا قیام 6 ارب 90 کروڑ روپے کی لاگت سے عمل میں لایا جا رہا ہے، آئی ٹی لیبس کے اس بڑے منصوبے سے 4 لاکھ 47 ہزار سے زائد طلبہ مستفید ہوں گے، مریم نواز شریف سینٹر فار اکیڈمک لیڈرشپ اور اسٹیم لیبارٹریز کے لیے بجٹ تجویز کی گئی ہے، نواز شریف سینٹرز آف ایکسیلنس پروگرامز کے لیے مجموعی طور پر 40 ارب روپے مختص کیے گئے ہیں۔ تعلیمی منصوبوں سے لاکھوں بچوں کو بین الاقوامی معیار کی تعلیم میسر آئے گی، پنجاب ایجوکیشن فاؤنڈیشن نجی شعبے کے اشتراک سے معیاری تعلیم کے لیے کوشاں ہے۔ مالی سال 26-2025 میں پی ای ایف کے پروگرام پر 36 ارب 50 کروڑ روپے صرف کیے گئے، پنجاب ایجوکیشن فاؤنڈیشن کے اقدامات سے 38 لاکھ بچوں کو تعلیمی مواقع میسر آئے۔
وزیر خزانہ نے کہا کہ مالی سال 27-2026 میں صحت کے شعبے کے لیے 500 ارب 62 کروڑ روپے مختص کرنے کی تجویز دی گئی ہے، صحت کے بجٹ میں غیر ترقیاتی اخراجات کی مد میں 424 ارب 32 کروڑ روپے مختص کیے گئے ہیں ، صحت کے شعبے میں ترقیاتی اخراجات کی مد کے لیے 76 ارب 30 کروڑ روپے تجویز کیے گئے ہیں ، شعبہ صحت کے لیے مختص کل رقم صوبے کے مجموعی بجٹ کا 10 فیصد سے زائد ہے، نواز شریف انسٹی ٹیوٹ آف کینسر ٹریٹمنٹ اینڈ ریسرچ کی تعمیر 75 ارب کی لاگت سے جاری ہے، کینسر ٹریٹمنٹ اینڈ ریسرچ انسٹی ٹیوٹ کے لیے آئندہ مالی سال میں 20 ارب روپے مختص کیے گئے ہیں ، نواز شریف انسٹی ٹیوٹ آف کارڈیالوجی سرگودھا اور جناح انسٹی ٹیوٹ آف کارڈیالوجی لاہور کا قیام کیا جائے گا۔
انہوں نے کہا کہ کارڈیالوجی ہسپتالوں کے منصوبوں پر مجموعی طور پر 28 ارب 94 کروڑ روپے کی لاگت آئے گی، پنجاب انسٹی ٹیوٹ آف مینٹل ہیلتھ لاہور کے پرانے بلاکس کی بحالی پر 2 ارب 45 کروڑ روپے خرچ ہوں گے، نشتر ہسپتال ملتان کے بلاکس کی بحالی اور اپ گریڈیشن کا 5 ارب روپے کی لاگت سے آغاز کر دیا گیا۔ مریم نواز ہیلتھ کلینک اقدام پر 21 ارب روپے کی لاگت سے عملدرآمد جاری ہے، پروگرام کے تحت 2508 بنیادی مراکزِ صحت اور 115 دیہی مراکزِ صحت کو آؤٹ سورس کیا گیا، کلینک آن ویلز منصوبے پر رواں مالی سال میں 3 ارب 50 کروڑ روپے خرچ کیے گئے،کلینک آن ویلز سے 3 کروڑ 7 لاکھ سے زائد مریضوں کو طبی فائدہ پہنچا، کلینک آن ویلز کے لیے آئندہ مالی سال میں 3 ارب 85 کروڑ روپے مختص کیے گئے ہیں ۔
وزیر خزانہ مجتبیٰ شجاع الرحمان نے کہا کہ وزیر اعلیٰ ہارٹ سرجری پروگرام پر 3 ارب 21 کروڑ روپے کی لاگت آئے گی، وزیر اعلیٰ ڈائلسیز پروگرام کے لیے 8 ارب 66 کروڑ روپے مختص کیے گئے ہیں، وزیر اعلیٰ ٹرانسپلانٹ پروگرام پر 3 ارب 64 کروڑ روپے کی لاگت کا تخمینہ ہے، دل، ڈائلسیز اور ٹرانسپلانٹ پروگراموں سے مجموعی طور پر 14 لاکھ سے زائد مریض مستفید ہوئے، ذیابیطس کے مریضوں کو انسولین اور ادویات کی فراہمی کے لیے 1 ارب 5 کروڑ روپے صرف کیے جائیں گے، شمالی اور وسطی پنجاب میں 434 بنیادی مراکزِ صحت کی بحالی اور اپ گریڈیشن کی جائے گی، بنیادی مراکزِ صحت کی اپ گریڈیشن کے اس منصوبے پر 9 ارب 60 کروڑ روپے لاگت آئے گی، آئندہ مالی سال میں نواز شریف میڈیکل ڈسٹرکٹ قائم کرنے کی تجویز پیش کرتاہوں ، نواز شریف میڈیکل ڈسٹرکٹ کا بڑا منصوبہ 169 ارب روپے کی لاگت سے مکمل کیا جائے گا۔
انہوں نے کہا کہ اقتصادی تبدیلی اور غربت کا خاتمہ ایک دوسرے سے جڑے ہوئے ہیں، سرمایہ کاری، برآمدات میں اضافہ اور معاشی مواقع کی فراہمی عوام کا معیارِ زندگی بہتر بنانے کا ذریعہ ہیں، کاروباری سرگرمیوں، سرمایہ کاری اور روزگار کے فروغ کے لیے 47 ارب 70 کروڑ روپے کی لاگت سے اسکیمیں متعارف کروائی جائیں گی، سی ایم پنجاب آسان کاروبار کارڈ، آسان کاروبار فنانس اور ایکسپورٹ فنانس کے منصوبوں پر عملدرآمد جاری ہے، آسان کاروبار منصوبوں کے تحت 1 لاکھ 10 ہزار سے زائد کاروباری افراد کو 125 ارب کے بلا سود قرضے فراہم کیے گئے، قائد اعظم بزنس پارک شیخوپورہ میں 4 ارب روپے کی لاگت سے 'گارمنٹ سٹی' کا قیام عمل میں لایا گیا، گارمنٹ سٹی کے قیام سے ٹیکسٹائل صنعت اور وہیکل سیکٹر کو جدید سہولیات میسر آئیں گی، فیصل آباد میں 6 ارب روپے کی لاگت سے 'علامہ اقبال انڈسٹریل سٹی' کی تعمیر کا منصوبہ اگلے مالی سال میں شامل ہے۔
وزیر خزانہ نے کہا کہ اسپورٹس گڈز سیکٹر کی ترقی کے لیے 5 ارب 50 کروڑ روپے کی لاگت سے اہم پروگرام متعارف کروائے جائیں گے، کھیلوں کے سامان کے لیے FIFA، ICC اور ITF معیار کی ٹیسٹنگ فیسلٹیز اور سرٹیفیکیشن پروگرام شروع ہوں گے، کھیلوں کے سامان کی صنعت کی ترقی سے ایک ہزار سے زائد برآمدی ادارے مستفید ہوں گے، اسپورٹس انڈسٹری کے اقدامات کے نتیجے میں 100 ملین ڈالر کی اضافی برآمدات متوقع ہیں، کٹلری اور ہینڈ ٹولز سیکٹر میں 4 ارب روپے کی لاگت سے آرٹس اینڈ کرافٹس ویلیج قائم کیا جائے گا، کٹلری سیکٹر کی اپ گریڈیشن سے ٹیکنالوجی کی معاونت فراہم کی جائے گی جس سے 2500 نئی ملازمتیں پیدا ہوں گی، سرامکس سیکٹر میں گجرات انسٹی ٹیوٹ کو 25 کروڑ روپے کی لاگت سے جدید بھٹیوں اور ٹیسٹنگ سہولیات سے آراستہ کیا جائے گا، فینز (پنکھا) سیکٹر میں 70 کروڑ روپے کی لاگت سے سمبڑیال مٹیریل ٹیسٹنگ لیب قائم کی جائے گی، سمبڑیال مٹیریل ٹیسٹنگ لیب کے قیام سے یورپی اور دیگر ریگولیٹڈ منڈیوں تک رسائی آسان ہوگی، صنعتی بنیادوں کو مزید مضبوط بنانے کے لیے 35 ارب کی لاگت سے انڈسٹریل اسٹیٹس ڈویلپمنٹ پروگرام شروع کیا جائے گا۔
انہوں نے کہا کہ فیصل آباد، وہاڑی، رحیم یار خان، بہاولپور اور آئی ای سی میں صنعتی اسٹیٹس کی ترقی کی جائے گی، صنعتی اسٹیٹس کے اس پروگرام سے ایک ہزار سے زائد نئی صنعتی اکائیاں قائم ہوں گی، انڈسٹریل اسٹیٹس کی ترقی سے 80 ارب روپے کی نجی سرمایہ کاری اور 40 ہزار سے زائد روزگار کے مواقع پیدا ہوں گے، صنعتی کلسٹرز کے بنیادی ڈھانچے کی بہتری کے لیے مزید 20 ارب روپے کا پروگرام بھی شامل ہے۔
وزیر خزانہ مجتبیٰ شجاع الرحمان نے کہا کہ کلسٹر انفراسٹرکچر ڈویلپمنٹ پروگرام کے تحت کلسٹرز میں 100 فیصد مالی معاونت دی جائے گی، صنعتی شعبے کی پائیدار ترقی اور بین الاقوامی منڈیوں تک رسائی کے لیے ماحولیاتی معیار کی پاسداری لازمی ہے، نئے مالی سال میں 25 ارب روپے کی لاگت سے کمبائنڈ ایفلوئنٹ ٹریٹمنٹ پلانٹ پیکیج متعارف کرایا جائے گا، اس اقدام کے تحت چار صنعتی اسٹیٹس میں 70 MGD ویسٹ واٹر ٹریٹمنٹ کی استعداد پیدا کی جائے گی، صنعتی ترقی اور برآمدات کے فروغ کے لیے 193 ارب روپے کی لاگت سے 'اسٹیپ' فنانسنگ کا آغاز کیا جائے گا، اسٹیپ (STEP) فنانسنگ کے تحت 463 صنعتی منصوبوں کو رعایتی مالی معاونت فراہم کی جائے گی، رعایتی مالی معاونت کے ان صنعتی منصوبوں سے مجموعی طور پر 300 ارب روپے کی نجی سرمایہ کاری متحرک ہوگی، صنعتی ترقی کے ان اقدامات سے 29 ہزار 400 براہِ راست ملازمتیں پیدا ہوں گی، انڈسٹریل ڈویلپمنٹ اقدامات کے نتیجے میں 5 ارب 60 کروڑ ڈالر کی اضافی برآمدات متوقع ہیں۔
انہوں نے کہا کہ صنعتی ترقی کے لیے 100 ارب روپے کی لاگت سے 'انڈسٹریل گروتھ ایکسلریٹر' پروگرام کا آغاز کیا گیا، پروگرام کے تحت 2 صنعتی اسٹیٹس اور 4 ایگرو پروسیسنگ پارکس کے لیے مشینری اور سولر پر معاونت دی جائے گی، ڈیجیٹل تجارت کے فروغ کے لیے 70 کروڑ روپے کی لاگت سے ای-بزنس اور ای-کامرس ریڈینس پروگرام شروع کیا جائے گا، ڈیجیٹل ذرائع سے حاصل ہونے والی کاروباری وصولیاں اب تک 6 ارب 90 کروڑ روپے تک پہنچ چکی ہیں، نئے مالی سال میں 4 مراکز کے تحت 2000 کاروباری اداروں کو ای-کامرس ہبز سے منسلک کیا جائے گا، ای-کامرس اقدامات سے سالانہ 2 کروڑ 45 لاکھ امریکی ڈالر مالیت کی ڈیجیٹل فروخت اور برآمدات متوقع ہیں، باغبانوں اور فلوریکلچر کے شعبے کی ترقی کے لیے اسٹیپ (STEP) پروگرام کے تحت 30 کروڑ روپے کی مالی معاونت کی جائے گی ، فلوریکلچر سیکٹر میں کولڈ چین اور رساو و ترسیل کے نظام کو بہتر بنا کر 100 سے زائد اداروں کو فائدہ پہنچایا جائے گا۔
وزیر خزانہ نے کہا کہ صوبے کے معدنی وسائل سے زیادہ معاشی فائدے کے لیے 'سی ایم پنجاب ویلیو ایڈیشن فنانسنگ فار پنک سالٹ' اسکیم تجویز دی گئی ہے، پنک سالٹ اسکیم کے لیے بجٹ میں 1 ارب 50 کروڑ روپے مختص کرنے کی تجویز دی گئی ہے، پنک سالٹ کے اقدام کے تحت معدنی و صنعتی شعبے سے وابستہ 200 اداروں کو رعایتی مالی معاونت ملے گی، عوام کو صاف پانی اور سینیٹیشن کی فراہمی کے لیے نئے بجٹ میں مجموعی طور پر 507 ارب روپے مختص کیے گئے ہیں ، واٹر اینڈ سینیٹیشن کے بجٹ میں ترقیاتی اخراجات کی مد کے لیے 187 ارب 10 کروڑ روپے تجویز دی گئی ہے۔
ان کا کہنا تھا کہ پنجاب ڈویلپمنٹ پروگرام کا آغاز مالی سال 26-2025 میں 505 ارب کی مجموعی لاگت سے کیا گیا، اس پروگرام کے پایہ تکمیل تک پہنچنے سے پنجاب کے 66 بڑے شہروں کے عوام مستفید ہوں گے، پنجاب ڈویلپمنٹ پروگرام کے لیے آئندہ مالی سال کے بجٹ میں 31 ارب روپے مختص کرنے کی تجویز ہے، مثالی گاؤں پروگرام کے لیے 59 ارب روپے کی لاگت کا تخمینہ لگایا گیا ہے، پروگرام کے ذریعے پنجاب کے 10 ڈویژنز میں 485 دیہات کو جدید بنیادی سہولیات سے آراستہ کیا جائے گا، مثالی گاؤں پروگرام کے لیے آئندہ مالی سال کے بجٹ میں 10 ارب روپے مختص کرنے کی تجویز ہے، بے گھر اور کم آمدنی والے خاندانوں کے لیے 'اپنی چھت اپنا گھر پروگرام' کے تحت ہاؤسنگ قرضے جاری کیے گئے، اپنی چھت اپنا گھر پروگرام کے تحت اب تک 1 لاکھ 73 ہزار ہاؤسنگ قرضے جاری کیے جا چکے ہیں، ہاؤسنگ اسکیم میں قرضوں کے حصول کے لیے اب تک 255 ارب روپے صرف کیے جا چکے ہیں، پروگرام کے تحت اب تک 1 لاکھ 1 ہزار سے زائد گھر تعمیر جبکہ 32 ہزار سے زائد گھر زیرِ تعمیر ہیں، اگلے مالی سال کے دوران اس پروگرام کے تحت 2 لاکھ افراد کو 300 ارب روپے کے بلا سود قرضے دیے جائیں گے۔
وزیر خزانہ مجتبیٰ شجاع الرحمان نے کہا کہ رواں سال کے اہم ترین سماجی تحفظ کے منصوبوں میں 'ہمت کارڈ' پروگرام بھی شامل ہے، خصوصی افراد کی معاونت کے لیے 4 ارب 83 کروڑ روپے مختص کیے گئے تھے، خصوصی افراد کے لیے مختص فنڈز سے اب تک 1 لاکھ خصوصی افراد مستفید ہو چکے ہیں، آئندہ مالی سال میں ہمت کارڈ اور خصوصی افراد کے اس منصوبے کے لیے 5 ارب روپے تجویز کیے گئے ہیں ، لائیو اسٹاک کے شعبے میں 3 ارب روپے کی لاگت سے 'لائیو اسٹاک کارڈ پروگرام' شروع کیا گیا، لائیو اسٹاک کارڈ کے ذریعے اب تک 29,265 مویشی پال حضرات کو مالی معاونت فراہم کی گئی، لائیو اسٹاک کارڈ پروگرام کے لیے آئندہ مالی سال کے بجٹ میں 4 ارب 40 کروڑ روپے مختص کیے گئے، مریم نواز سوشل سیکیورٹی راشن کارڈ کے تحت اب تک 24 ارب 87 کروڑ روپے خرچ کیے گئے ہیں، راشن کارڈ کے ذریعے صنعتی کارکنوں اور کم آمدن والے خاندانوں کو بنیادی ضروریات میں معاونت فراہم کی گئی، مریم نواز سوشل سیکیورٹی راشن کارڈ کے لیے نئے مالی سال 27-2026 میں 40 ارب روپے کی خطیر رقم مختص کی گئی، دھی رانی پروگرام کے تحت 5000 مستحق جوڑوں کی اجتماعی شادیوں کا شاندار انعقاد کیا گیا، دھی رانی پروگرام کے تحت اب تک اجتماعی شادیوں پر 1 ارب 77 کروڑ روپے خرچ کیے جا چکے ہیں، دھی رانی پروگرام کے تسلسل کے لیے آئندہ مالی سال کے بجٹ میں 1 ارب 70 کروڑ روپے تجویز کیے گئے ہیں ، خصوصی افراد کے لیے مصنوعی اعضاء، سماعتی آلات اور دیگر معاون سہولیات کے لیے 1 ارب روپے کی لاگت تجویز کی گئی ہے۔
انہوں نے کہا کہ مالی سال 26-2025 میں 1 ارب روپے کی لاگت سے 'مریم کو بتائیں' پروگرام کا آغاز کیا گیا، 'مریم کو بتائیں' پروگرام کے تحت اب تک 13 ہزار 757 شہریوں کو مالی معاونت فراہم کی گئی، رمضان 2026 کے تحت 'رمضان نگہبان پیکیج' کے لیے 39 ارب روپے کی خطیر رقم صرف کی گئی، رمضان پیکیج کے ذریعے تقریباً 34 لاکھ مستحق خاندانوں کو 10 ہزار روپے کی مالی امداد ملی، امام مساجد کی مالی معاونت کے لیے 9 ارب 22 کروڑ روپے صرف کیے گئے ہیں، امام مساجد فنڈ کے تحت صوبے کے 60 ہزار آئمہ مساجد کو ماہانہ 25 ہزار روپے فراہم کیے گئے، امام مساجد اسکیم کے تسلسل کے لیے اگلے مالی سال میں 18 ارب 50 کروڑ روپے کی خطیر رقم مختص کی گئی، مالی سال 26-2025 کے دوران اقلیتی برادریوں اور خواتین کی سماجی شمولیت کے متعدد اقدامات کیے گئے۔
وزیر خزانہ نے کہا کہ اقلیتی برادری کی فلاح کے لیے مالی سال 27-2026 میں بھی خطیر رقم مختص کرنے کی تجویز ہے، رواں سال گوردواروں، مندروں، گرجا گھروں اور قبرستانوں کی تعمیر و بحالی پر 2 ارب 11 کروڑ روپے خرچ ہوئے، مذہبی و تاریخی مقامات کی تعمیر و ترقی کے لیے آئندہ مالی سال کے بجٹ میں 5 ارب روپے مختص کیے گئے ہیں ، مستحق اقلیتی خاندانوں کی مالی معاونت کے لیے 3 ارب روپے کی لاگت سے 'CM Minority Card' متعارف کرائے جائیں گے، اقلیتی برادری کو بنیادی سہولیات کی فراہمی کے لیے 4 ارب روپے کی لاگت سے متعدد منصوبے تجویز کیے گئے ہیں ۔
انہوں نے کہا کہ خواتین کی ترقی کا مطلب صرف معاشی خود مختاری نہیں بلکہ ایک پورے قبیلے کی ترقی ہے، جب خواتین کو یکساں مواقع ملتے ہیں تو پورا گھر، معاشرہ اور صوبہ ترقی کی راہ پر گامزن ہوتا ہے، پنجاب بھر میں خواتین کو بااختیار اور روزگار بنانے کے لیے 1 ارب روپے کی لاگت سے آئی ٹی ٹریننگ دی گئی، خواتین کے لیے خصوصی آئی ٹی ٹریننگ پروگرام سے اب تک 2400 خواتین مستفید ہو چکی ہیں، خواتین آئی ٹی ٹریننگ کے اس مقصد کے لیے اگلے مالی سال میں 15 کروڑ روپے تجویز کیے گئے ہیں، قانونی شعبے میں خواتین کی مؤثر شمولیت اور پیشہ ورانہ سہولیات کے لیے پنجاب بھر میں 'لیڈی بار رومز' کی تعمیر کا آغاز کردیا گیا، پنجاب بھر میں لیڈی بار رومز کی تعمیر کے منصوبے پر 1.4 ارب روپے کی لاگت آئے گی، لیڈی بار رومز کا قیام خاتون وکلاء کے لیے محفوظ، باوقار اور سازگار پیشہ ورانہ ماحول کی فراہمی کے لیے اہم پیش رفت ہے، منصوبے کی تکمیل کے لیے مالی سال 27-2026 میں 332 ملین روپے مختص کیے جا رہے ہیں، لیڈی بار رومز کی تعمیر کے اس اقدام سے تقریباً 2 لاکھ افراد کے مستفید ہونے کی توقع ہے، خواتین اور نوجوانوں کو مارکیٹ کے مطابق فنی تربیت دینے کے لیے 'ایس ای ایچ آر' پروگرام متعارف کرایا گیا ہے، ہنرمندی کے اس پروگرام کے تحت 97 کروڑ 50 لاکھ روپے کی لاگت سے فنی و پیشہ ورانہ تربیت فراہم کی گئی۔
وزیر خزانہ مجتبیٰ شجاع الرحمان نے کہا کہ اسمارٹ سیف سٹیز سی ایم تحصیلز، سمارٹ سیف سٹیز پراجیکٹ اور ریجنل ڈیٹا سینٹرز کا قیام عمل میں لایا جا رہا ہے، سیف سٹی اور ڈیٹا سینٹرز کے ذریعے پنجاب میں جدید ڈیجیٹل سیکیورٹی اور نگرانی کے نظام کو وسعت دی جا رہی ہے، سمارٹ سیف سٹیز کے ان جاری منصوبوں پر مجموعی طور پر 47 ارب 10 کروڑ روپے لاگت آئے گی، منصوبوں کے تحت جدید کیمروں، ڈیٹا اینالیٹکس اور کمانڈ اینڈ کنٹرول سسٹم کا مربوط نظام فروغ پا رہا ہے، جدید نگرانی کے نظام سے جرائم کی روک تھام، عوام کے جان و مال کا تحفظ اور قانون نافذ کرنے والے اداروں کی استعداد بڑھے گی، سمارٹ سیکیورٹی اقدامات سے پنجاب کے 19 اضلاع اور بڑی تحصیلوں کی آبادی مستفید ہو رہی ہے، کچے کے علاقوں میں 2 ارب 20 کروڑ روپے کی لاگت سے پولیس اسٹیشنز، پولیس پوسٹس اور پکیٹس کی تعمیر تجویز کی گئی ہے، پنجاب کے 28 اضلاع میں 14 ارب 21 لاکھ روپے کی لاگت سے 'کرائم سین یونٹس' قائم کیے جا رہے ہیں، کرائم سین یونٹس جرائم کے شواہد کے سائنسی حصول، پیکنگ اور تحفظ کو بین الاقوامی معیار کے مطابق بنائیں گے۔
انہوں نے کہا کہ نوجوانوں کو مارکیٹ کی ضروریات کے مطابق فنی تربیت دینے کے لیے 'چیف منسٹر سکلز ڈویلپمنٹ پروگرام' کا آغاز کیا جائے گا، چیف منسٹر سکلز ڈویلپمنٹ پروگرام پر 2 ارب 30 کروڑ روپے کی لاگت کا تخمینہ لگایا گیا ہے، ہنرمندی کے اس پروگرام کے تحت اب تک 5000 نوجوان فائدہ اٹھا چکے ہیں، اگلے مالی سال کے لیے سکلز ڈویلپمنٹ پروگرام کی مد میں 26 کروڑ روپے کی رقم مختص کیے گئے ہیں ، نوجوانوں کو بیرونِ ملک روزگار کے مواقع دینے کے لیے 1 ارب 44 کروڑ روپے کی لاگت سے 'سی ایم سکلڈ پنجاب پروگرام' کا آغاز کیا گیا ہے۔
وزیر خزانہ نے کہا کہ جدید اور مؤثر ٹرانسپورٹ نظام معاشی ترقی، شہری روابط اور عوامی سہولت کے فروغ میں بنیادی کردار ادا کرتا ہے، حکومت پنجاب نے 143 ارب روپے کی مجموعی لاگت سے فیصل آباد اور گوجرانوالہ میں ماس ٹرانزٹ سسٹمز کی تعمیر کا آغاز کر دیا، فیصل آباد اور گوجرانوالہ ماس ٹرانزٹ سسٹمز کے لیے اگلے مالی سال میں 26 ارب 60 کروڑ روپے مختص کیے گئے ہیں ، پنجاب بھر میں 94 ارب روپے کی لاگت سے 1100 ماحول دوست الیکٹرک بسوں کی خریداری کا منصوبہ جاری ہے، الیکٹرک بسوں کے اس اقدام سے پنجاب کے 9 ڈویژنز میں جدید، کم لاگت اور ماحول دوست پبلک ٹرانسپورٹ نظام کو فروغ ملے گا، منصوبے کے تحت 400 سے زائد ماحول دوست گاڑیاں سڑکوں پر رواں دواں جبکہ مزید 700 بسیں مستقبل قریب میں نظر آئیں گی، الیکٹرک بسوں کے لیے 18 ارب 90 کروڑ روپے کی لاگت سے 'اربن بس ڈپوز' قائم کرنے کا منصوبہ شروع کیا، آئندہ مالی سال میں 168 ارب روپے کی لاگت سے 2000 ماحول دوست الیکٹرک بسیں لانے کا بڑا منصوبہ تجویز کیا گیا ہے، الیکٹرک بس سروس کے دائرہ کار کو پنجاب کے تمام تحصیل ہیڈ کوارٹرز تک وسعت دی جائے گی، پنجاب بھر میں ڈویژنل اور تحصیل سطح پر بس ڈپوز کی تعمیر کے لیے 164 ارب روپے کی لاگت سے 21 منصوبے متعارف کرائے گئے ہیں ، ٹرانسپورٹ اقدامات کا مقصد صوبے بھر میں عوام کو محفوظ، معیاری اور سستی سفری سہولیات فراہم کرنا ہے۔
انہوں نے کہا کہ مالی سال 26-2025 میں سڑکوں کی بحالی و مرمت پر 290 ارب روپے کی مجموعی لاگت سے متعدد منصوبوں پر عملدرآمد جاری ہے، سڑکوں کی بحالی کے لیے 'سڑکیں بحال پنجاب خوشحال پروگرام' اور 'روڈز ریسٹوریشن پروگرام' کامیابی سے جاری ہیں، راولپنڈی رنگ روڈ ری ہیبلیٹیشن پروگرام فیز-II اور قائد اعظم انٹرچینج تا واہگہ ہارڈ رسی روڈ منصوبے بجٹ کا حصہ ہیں، ملتان، وہاڑی روڈ، فیصل آباد اور چنیوٹ روڈز کی اپ گریڈیشن اور کچہری چوک راولپنڈی کا منصوبہ بھی جاری ہے، پچھلے مالی سالوں میں شروع ہونے والی سڑکوں کی تکمیل کے لیے موجودہ بجٹ میں 36 ارب روپے مختص کرنے کی تجویز ہے، آئندہ مالی سال کے لیے 5 ارب روپے کی لاگت سے 'انٹیگریٹڈ اربن ڈویلپمنٹ اینڈ انفراسٹرکچر امپروومنٹ' پروگرام کا آغاز کیا جائے گا، اس پروگرام کا مقصد مربوط انفراسٹرکچر اور بلدیاتی خدمات کی فراہمی کے ذریعے متوازن شہری ترقی کو فروغ دینا ہے، سڑکوں کے بنیادی ڈھانچے کی بہتری کے لیے 100 ارب روپے کی لاگت سے متعارف کرائی جائے گی، وزیر اعلیٰ روڈ انفراسٹرکچر پروگرام کے تحت مختلف اضلاع میں سڑکوں کی تعمیر، بحالی اور اپ گریڈیشن کی جائے گی، اس تسلسل میں اسٹریٹجک روڈ انفراسٹرکچر کی بہتری کے لیے 20 ارب روپے تجویز کیے گئے ہیں۔
وزیر خزانہ مجتبیٰ شجاع الرحمان کا کہنا ہے کہ توانائی کا شعبہ معاشی ترقی، صنعتی استحکام اور پائیدار ترقی کے اہداف کے حصول میں کلیدی اہمیت کا حامل ہے، محکمہ توانائی کے لیے آئندہ مالی سال میں ترقیاتی اخراجات کی مد میں 4 ارب 30 کروڑ روپے مختص کیے گئے ہیں ، محکمہ توانائی کے غیر ترقیاتی اخراجات کی مد کے لیے بجٹ میں 1 ارب 43 کروڑ روپے مختص کیے گئے ہیں، قابلِ تجدید توانائی کے مؤثر استعمال کے لیے 12 ارب 86 کروڑ روپے کی لاگت سے پروگرام جاری ہے، رینیوایبل انرجی ڈویلپمنٹ سیکٹر انویسٹمنٹ پروگرام کے تحت گرین انرجی کو فروغ دیا جا رہا ہے، 'سی ایم فری سولر پینل اسکیم' کے تحت 9 ارب 97 کروڑ روپے کی لاگت سے 94 ہزار 483 گھرانوں کو سولر سسٹم فراہم کیا جائے گا، وزیر اعلیٰ مفت سولر پینل اسکیم کے تسلسل کے لیے آئندہ مالی سال میں 90 کروڑ روپے مختص کیے گئے ہیں ۔
انہوں نے کہا کہ انرجی ایفیشنسی اینڈ کنزرویشن پروگرام کے لیے بجٹ میں 8 ارب 50 کروڑ روپے کی رقم مختص کی گئی ہے، پروگرام کے تحت 38 واسا سائٹس اور 51 تحصیل ہیڈ کوارٹر ہسپتالوں میں 30 میگاواٹ کے سولر سسٹم نصب کیے گئے، آئندہ مالی سال میں انرجی کنزرویشن بلڈنگ کوڈ کی آگاہی کا عمل شروع کیا جائے گا، توانائی کی بچت کے لیے 'پنجاب ایپلائینس پرفارمنس اینڈ انرجی لیب' قائم کرنے کی تجویز بجٹ کا حصہ ہے، انڈسٹریل فیسلیٹیشن تھرو انوویٹو انرجی سلوشن کے تحت تقریباً 12 ارب کی مجموعی لاگت سے جدید صنعتی حل متعارف کرایا جائے گا۔
وزیر خزانہ نے کہا کہ پنجاب اربن لینڈ سسٹمز اینہانسمنٹ پروگرام کے لیے 26 ارب 44 کروڑ روپے کی لاگت مختص کی گئی ہے، پلس پروگرام کے ذریعے زمینوں کے ریکارڈ، اراضی کے انتظام اور عوامی خدمات کی ڈیجیٹائزیشن کو فروغ ملے گا، پنجاب میں آرٹیفیشل انٹیلیجنس کے انفراسٹرکچر کی ترقی کے لیے بجٹ میں 2 ارب روپے کی لاگت تجویز کی گئی ہے، ڈیجیٹل رابطوں کے فروغ اور شہریوں کو جدید سہولیات دینے کے لیے نئے مالی سال میں 11 ارب روپے مختص کیے گئے ہیں، وزیر اعلیٰ مریم نواز شریف فری وائی فائی انیشیٹو کے لیے 32 کروڑ 51 لاکھ روپے کی لاگت تجویز دی گئی ہے، مفت انٹرنیٹ سے طلبہ، نوجوانوں، کاروباری افراد اور عام شہریوں کو معلومات اور سرکاری خدمات تک آسان رسائی ملے گی، فری وائی فائی منصوبے نے صوبے میں ڈیجیٹل شمولیت کے فروغ اور شہری سہولیات میں نمایاں کردار ادا کیا، آئی ٹی شعبے میں 8 ارب 82 کروڑ روپے کی لاگت سے 'چیف منسٹر آئی ٹی انٹرنشپ پروگرام فیز-II' کا آغاز ہوگیا، آئی ٹی انٹرنشپ اسکیم کے تحت آئندہ چار برسوں میں 30 ہزار آئی ٹی گریجویٹس کو انٹرنشپ کے مواقع دیے جائیں گے، انفارمیشن ٹیکنالوجی کے فروغ کے لیے اس کے علاوہ آئندہ مالی سال کے بجٹ میں میاں نواز شریف کے نام سے منسوب اسکیم کے لیے 9 ارب روپے کی لاگت تجویز دی گئی ہے۔
(ویب ڈیسک) وزیراعلی پنجاب مریم نواز شریف نے صوبائی بجٹ 2026-2027 ڈاکومنٹ پر دستخط کردیے۔ صوبائی کابینہ نے قبل از خصوصی اجلاس میں صوبائی بجٹ 2026-2027 کی منظوری دیدی ۔
وزیراعلی مریم نواز شریف نے سینئر منسٹر مریم اورنگزیب،صوبائی وزیر خزانہ مجتبیٰ شجاع الرحمن، وزیر اطلاعات عظمیٰ زاہد بخاری کو سراہا ۔انہوں نے چیف سیکرٹری زاہد اختر زمان سیکرٹری فنانس مجاہد شیر دل سمیت پوری ٹیم کو شاباش دی۔
وزیراعلی مریم نواز شریف نے پنجاب ریونیو اتھارٹی کو ریونیو بڑھانے کے لئے اقدامات کا حکم دیا۔
وزیراعلیٰ پنجاب مریم نواز شریف کا صوبائی کابینہ کے بجٹ اجلاس سے خطاب کرتے ہوئے کہا کہ پوری ٹیم نے عوام کو ریلیف دینے کے لئے ون یونٹ بن کر کام کیا۔ وفاق کو شیئر دینے پر بہت بڑی رقم دینے سے اثر تو آیا لیکن پوری کوشش کی کہ عوام پر بوجھ نہ ڈالا جائے۔پوری کوشش کی کہ عوام پر کم سے کم بوجھ ڈالیں۔
انہوں نے کہا کہ مالی مسائل اور عالمی حالات کے باوجود بغیر کسی نئے ٹیکس کے عوام کی خوشحالی پر مرکوز بجٹ پیش کیا۔پنجاب کے بجٹ کی توجہ عوامی ترقی اور ریلیف پر مرکوز ہے۔پوری امید ہے کہ گزشتہ سالوں کی طرح عوام کی امنگوں پر پورا اتریں گے۔
مریم نواز نے کہا کہ اللہ تعالیٰ سے دعا ہے کہ صدق دل سے پنجاب کے عوام کی خدمت کی توفیق دے۔ یہ امید کا بجٹ ہے،اپنی عوام کو اپنی ہی وسائل سے ریلیف دیں گے۔
June 16, 2026
June 12, 2026
(ویب ڈیسک) بجٹ 2026-27 میں کریڈٹ وڈیبٹ کارڈ کی بین الاقوامی ٹرانزیکشنر ز پر عائد ود ہولڈنگ ٹیکس میں کمی کی تجویز دی گئی ۔
قومی اسمبلی میں بجٹ اجلاس اسپیکر قومی اسمبلی ایاز صادق کی زیر صدارت ہوا۔وفاقی وزیر خزانہ محمد اورنگزیب نے خطاب کرتے ہوئے کہا کہ اس وقت ملک میں بنکوں کے جاری کردہ کریڈٹ یا ڈیبٹ کارڈ کے بیرون ملک استعمال پر ہر ٹرانزکشن (transaction) پر 5 فیصد ود ہولڈنگ ٹیکس دینا پڑتا ہے۔
انہوں نے کہا کہ اس ٹیکس کی وجہ سے رقم کی منتقلی کے لئے غیر روایتی ذرائع کے استعمال کا رجحان بڑھ رہا ہے جس کی حوصلہ شکنی کے لیے ود ہولڈنگ ٹیکس کی اس شرح کو صفر اعشاریہ پانچ فیصد (0.5) فیصد کرنے کی تجویز ہے تا کہ اسے معمول کی financial transaction کی سطح پر لایا جاسکے اور معیشت کو دستاویزی بنانے کی حکومتی کوششوں کو تقویت مل سکے ۔
(ویب ڈیسک ) بجٹ 2026-27 میں تنخواہ دار طبقہ کے لئے بڑا ریلیف دیا گیا ہے۔
قومی اسمبلی میں بجٹ اجلاس اسپیکر قومی اسمبلی ایاز صادق کی زیر صدارت ہوا۔وفاقی وزیر خزانہ محمد اورنگزیب نے خطاب کرتے ہوئے کہا کہ وزیر اعظم شہباز شریف کی حکومت سرکاری اور نجی تنخواہ دار طبقے کی مشکلات سے آگاہ ہے۔ وزیر اعظم کی ہدایت پر آج مجھے یہ اعلان کرتے ہوئے خوشی محسوس ہورہی ہے کہ ہماری حکومت نے آمدنی کی چار سلیبز( slabs) کے تنخواہ دار افراد کو ریلیف فراہم کا فیصلہ کیا ہے۔
انہوں نے کہا کہ اس سلسلے میں جو تنخواہ دار 22 سے 32 لاکھ روپے کے درمیان سالانہ کماتے ہیں، ان کے ٹیکس کی شرح تمھیں 23 فیصد سے کم کر کے 20 فیصد کرنے کی تجویز ہے۔ 32 سے 41 لاکھ روپے کے درمیان آمدن والے تنخواہ داروں کے لئے ٹیکس کی شرح 30 فیصد سے کم کر کے 25 فیصد کرنے کی تجویز ہے۔
وفاقی وزیر خزانہ محمد اورنگزیب نے کہا کہ 41 سے 56 لاکھ روپے آمدن والوں کے لئے انکم ٹیکس کی شرح 35 فیصد سے کم کر کے 29 فیصد کی تجویز ہے۔ اسی طرح 56 لاکھ سے 70 لاکھ روپے تک تنخواہ حاصل کرنے والوں کے لئے ٹیکس کی شرح 35 فیصد سے کم کر کے 32 فیصد کرنے کی تجویز ہے۔
June 12, 2026
June 12, 2026
(ویب ڈیسک) بجٹ 2026ـ27 میں سوشل میڈیا سے ہونے والی آمدن پر ودہولڈنگ ٹیکس لگانے کا فیصلہ کیا ہے۔
حکومت نے سوشل میڈیا انفلوئنسرز پر ٹیکس کا شکنجہ مزید سخت کرنے کا فیصلہ کیا ہے۔یوٹیوبرز، ٹک ٹاکرز اور ڈیجیٹل کانٹینٹ کریئیٹرز کے لیے نئی مشکل کھڑی ہو گئی۔
سوشل میڈیا آمدنی پر 5 فیصد ود ہولڈنگ ٹیکس عائد کرنے کی تجویز دی گئی ہے۔یوٹیوب، فیس بک، انسٹاگرام اور ٹک ٹاک سے کمائی کرنے والے ٹیکس نیٹ میں آ جائیں گے۔
ڈیجیٹل کانٹینٹ بنانے والوں کی آمدنی پر ود ہولڈنگ ٹیکس نافذ کرنے کی تجویز دی گئی ہے۔آن لائن مونیٹائزیشن اور اسپانسرشپ آمدن بھی ٹیکس کے دائرے میں آنے کا امکان ہے۔
ہزاروں سوشل میڈیا انفلوئنسرز اور کانٹینٹ کریئیٹرز براہ راست متاثر ہوں گے۔بینک اور مالیاتی ادارے ادائیگیوں پر 5 فیصد ود ہولڈنگ ٹیکس کاٹیں گے۔سوشل میڈیا پلیٹ فارمز سے موصول ہونے والی رقوم پر ٹیکس وصول کیا جائے گا۔
بجٹ منظوری کی صورت میں ڈیجیٹل کانٹینٹ انڈسٹری پر نمایاں اثرات ہونگے۔
(ویب ڈیسک ) بجٹ 2026-27 میں انکم ٹیکس آرڈینینس کے سیکشن 99B کے تحت چھوٹے دکانداروں کے لئے فکسڈ ٹیکس سسٹم متعارف کرانے کی تجویز ہے۔
قومی اسمبلی میں بجٹ اجلاس اسپیکر قومی اسمبلی ایاز صادق کی زیر صدارت ہوا۔وفاقی وزیر خزانہ محمد اورنگزیب نے خطاب کرتے ہوئے کہا کہ اس سسٹم میں وہ دکاندار آسکتے ہیں جن کی سالانہ فروخت ہیں کروڑ رو پے یا اس سے کم ہے۔ وہ اس نظام کے تحت اپنی سالانہ سیلز کا ایک فیصد ٹیکس ادا کریں ہے ۔
انہوں نے کہا کہ اس ٹیکس میں وہ اپنا ود ہولڈنگ ٹیکس ایڈجسٹ کرا سکیں سے مگر گوشوارہ جمع کراتے وقت انہیں کم از کم 25 ہزار روپے جمع کرانا ہو گا۔ روٹین میں کوئی آؤٹ نہیں ہوگا۔ خریداری پر ودہولڈنگ کی کوئی ذمہ داری نہیں ہوگی اور انہیں POS مشین رکھنے سے استثنا ہو گا۔
وفاقی وزیر خزانہ نے کہا کہ جو دکاندار فکسڈ ٹیکس سسٹم کا انتخاب کرے گا اس کو سبز رنگ کی ایک سختی دی جائے گی جس پر ایک تصدیقی کیو آر کوڈ چسپاں ہوگا جو ان دکانوں پر آویزاں ہو گی۔ اس تختی کی موجودگی میں ایف بی آر اہل کاروں کو پوچھ کچھ کے لیے دکان میں داخل ہونے کی اجازت نہیں ہو گی۔ اس سکیم کے تحت ایک سادہ اور ایک صفحے کا ٹیکس گوشوارہ ہو گا جو اردو کے علاوہ تمام بڑی مقامی زبانوں میں دستیاب ہو گا۔
June 12, 2026
June 12, 2026
(ویب ڈیسک ) بجٹ 2026-27 میں کم سے کم ماہانہ اجرت میں 10 فیصداضافے کی تجویز دی گئی ہے۔
قومی اسمبلی میں بجٹ اجلاس اسپیکر قومی اسمبلی ایاز صادق کی زیر صدارت ہوا۔وفاقی وزیر خزانہ محمد اورنگزیب نے خطاب کرتے ہوئے کہا کہ مہنگائی کی وجہ سے تنخواہ دار طبقے کی مشکلات میں اضافہ ہوا ہے۔ان مشکلات کا ادراک کرتے ہوئے سرکاری ملازمین کی تنخواہوں میں 7 فیصد اضافہ کیا جارہا ہے۔ ریٹائرڈ ملازمین کی پنشن میں بھی 7 فیصد اضافہ کرنے کی تجویز ہے۔
وفاقی وزیر خزانہ نے کہا کہ کم سے کم ماہانہ تنخواه (minimum wage) میں10 فیصداضافہ کرنے کی تجویز ہے۔
ویب ڈیسک: حکومت نے بجٹ 27 – 2026 میں سپر ٹیکس ختم کرنے کا فیصلہ کیا ہے۔
قومی اسمبلی میں اپنی بجٹ تقریر میں وفاقی وزیر خزانہ محمد اورنگزیب نے کہا کہ مجھے یہ اعلان کرتے ہوئے خوشی محسوس ہو رہی ہے کہ ہماری حکومت نے کاروبار سے پندرہ کروڑ روپے سے پچاس کروڑ روپے تک کی آمدنی کی چھ Slabs پر عائد سپر ٹیکس جو ایک فیصد سے لیکر ساڑھے سات فیصد کی سطح تک تھا، کو مکمل طور پر ختم کرنے کا فیصلہ کیا ہے۔اسی طرح پچاس کروڑ روپے سے زیادہ آمدنی پر سپر ٹیکس کی شرح دس فیصد سے کم کر کے آٹھ فیصد کرنے کی تجویز ہے۔
انہوں نے کہا کہ اس اقدام کا مقصد چھوٹے کاروبار اور صنعتوں کو فروغ دینے کے علاوہ کاروبار میں آسانیاں پیدا کرنا ہے۔ تاہم بنکوں، تیل اور گیس تلاش کرنے والی کمپنیوں اور فرٹیلائزر کمپنیوں پر موجودہ سرچارج برقرار رہے گا۔
June 12, 2026
June 12, 2026
(ویب ڈیسک)وزیرخزانہ محمد اورنگزیب نے 18 ہزار ارب روپے سے زائد کا وفاقی بجٹ پیش کردیا۔
قومی اسمبلی کا بجٹ اجلاس اسپیکر ایاز صادق کی زیر صدارت ہوا۔اپوزیشن کا وزیر خزانہ کی تقریر کے دوران احتجاج اور شرابہ ،اپوزیشن نے نامنظور نامنظور کے نعرے لگائے۔
وفاقی وزیر خزانہ محمد اورنگزیب نے بجٹ اجلاس سے خطاب کرتے ہوئے کہا کہ تیسرا بجٹ پیش کرنا میرے لیے اعزاز ہے،بجٹ تیاری میں تعاون پر وزیر اعظم اور بلاول بھٹو کا مشکور ہوں ۔بھارتی جارحیت کا پاکستانی فورسز نے بھرپور جواب دیا۔بنیان مرصوص کی کامیابی ہماری تاریخ کا روشن حصہ ہے۔بنیان مرصوص میں عظیم کامیابی پر فخر ہے، مضبوط دفاع معاشی قوت میں معاون ثابت ہوسکتا ہے۔پاکستان اور سعودی عرب کے درمیان سٹریٹجک معاہدہ انتہائی اہم ہے۔سعودی عرب کے ساتھ دفاعی معاہدے کے باعث دو طرفہ تعلقات کو نئی جہت ملی۔دفاعی صنعت زرمبادلہ کمانے کا ذریعہ بن چکی ہے۔
وزیر خزانہ محمد اورنگزیب نے کہا کہ امریکا اور ایران کے درمیان پاکستان نے ثالث کا اہم کردار ادا کیا۔چین کے ساتھ تعلقات ہماری خارجہ پالیسی کا اہم ستون ہیں ۔پاک ، چین دوستی حکومتوں تک محدود نہیں بلکہ اقوام کی تقدیر سے جڑا رشتہ ہے۔ایران امریکا کی جنگ کی وجہ سے پٹرولیم مصنوعات میں بہت زیادہ اضافہ ہوا۔ہر گھر کے بجٹ پر غیر متوقع بوجھ آیا۔وزیر اعظم کی ہدایت پر 128 ارب روپے کی راہ راست سبسڈی دی۔حکومت کے بروقت اور مدبرانہ فیصلوں کی وجہ سے ملک میں ایندھن کی کمی نہیں ہوئی۔بین الاقوامی اداروں بشمول فچ نے پاکستان کی ریٹنگ کو مستحکم قرار دیا۔
انہوں نے کہا کہ موجودہ حکومت نے ایک مشکل معاشی سفر شروع کیا تھا۔حکومت نے انتھک محنت سے مشکل حالات پر قابو پایا ہے۔امریکا ، ایران جنگ اور سیلاب کے باوجود شرح نمو 3۔7 فیصد رہی۔صنعتوں کی پیداواری صلاحیت مسلسل بڑھ رہی ہے۔صنعتوں کی شرح نمو 6۔1 فیصد ، خدمات کے شعبے میں 4۔1 فیصد ترقی ہوئی۔معیشت کا حجم 452 ارب ڈالر تک پہنچ چکا ہے۔
وزیر خزانہ نے گزشتہ 2 سال میں پالیسی ریٹ میں تاریخی کمی ہوئی ہے۔پالیسی ریٹ 22 فیصد سے کم ہو کر 11۔5 فیصد پر آگیا۔زرمبادلہ ذخائر میں نمایاں اضافہ ہوا ہے۔اسٹیٹ بینک کے زرمبادلہ ذخائر 17 ارب ڈالر سے زیادہ ہوچکے ہیں ۔افراط زر کی شرح 23۔4 فیصد سے کم ہوکر 4۔5 فیصد تک آگئی تھی۔ایس ای سی پی میں 39 ہزار نئی کمپنیوں کا اندراج ہوا۔دنیا کی بڑی کمپنیاں پاکستان میں سرمایہ کاری کر رہی ہیں ۔حکومت کے قائم کردہ ٹیکنالوجی زون میں 250 سے زیادہ کمپنیوں نے کاروبار شروع کیا۔25 ہزار سے زائد ٹیک پروفیشنلز کو روزگار ملا ہے۔
انہوں نے کہا کہ دہائیوں سے التوا کے شکار نجکاری ایجنڈے کو عملی شکل دیں گے۔پی آئی اے کو 185 ارب روپے کے عوض نجی شعبے کے حوالے کیا۔ایف بی آر میں اصلاحات کے نتائج حوصلہ افزاء رہے۔3 سال میں ٹیکس وصول 2 گنا ہوگئی ہے۔موجودہ مالی سال کے اختتام پر ٹیکس وصولی 13 ہزار ارب روپے تک پہنچ جائے گی۔
وزیر خزانہ نے کہا کہ چھوٹے کاروبار ، نوجوانوں اور خواتین تک معاشی ترقی کے اثرات پہنچ رہے ہیں ۔نجی شعبے کے تعاون سے چھوٹے کاروبار کیلئے قرض فراہم کیے جا رہے ہیں ۔کم لاگت گھروں کیلئے وزیر اعظم ہاؤسنگ سکیم کے ذریعے 5 فیصد مارک اپ پر قرضے فراہم کر رہے ہیں ۔ای بائیکس اور ای رکشوں کی خریداری کیلئے سبسڈائزڈ فنانسنگ فراہم کر رہے ہیں ۔
انہوں نے کہا کہ رواں سال 16 لاکھ 70 ہزار تاجر ڈیجیٹل پیمنٹ نظام سے جڑے ہیں ۔ڈیجیٹل بینکنگ کی سہولت سے 133 ملین صارفین مستفید ہو رہے ہیں ۔ترسیلات زر کا 92 فیصد بینک اکاؤنٹس کے ذریعے موصول ہو رہا ہے۔
ویب ڈیسک: وزیراعظم شہباز شریف نے مالی سال 2026-27 کے وفاقی بجٹ کی دستاویزات پر دستخط کر دیے، جس کے بعد بجٹ قومی اسمبلی میں پیش کیے جانے کے لیے تیار ہے۔
موصولہ بجٹ دستاویزات کے مطابق آئندہ مالی سال کے دوران پنشن کی مد میں مجموعی طور پر ایک ہزار 169 ارب روپے مختص کیے جانے کا تخمینہ لگایا گیا ہے۔ اس رقم میں سے 822 ارب روپے فوجی پنشن جبکہ 272 ارب روپے سول پنشن کی ادائیگیوں کے لیے رکھے گئے ہیں۔
بجٹ دستاویزات کے مطابق قومی دفاع کے لیے 3 ہزار ارب روپے مختص کرنے کی تجویز دی گئی ہے، جو ملک کی دفاعی ضروریات اور سکیورٹی تقاضوں کو پورا کرنے کے لیے استعمال کیے جائیں گے۔
علاوہ ازیں مختلف شعبوں اور اداروں کے لیے گرانٹس کی مد میں مجموعی طور پر 2 ہزار 680 ارب روپے مختص کرنے کا تخمینہ بھی بجٹ کا حصہ ہے۔
حکومت کا کہنا ہے کہ بجٹ میں معاشی استحکام، مالیاتی نظم و ضبط اور قومی ترجیحات کو مدنظر رکھتے ہوئے وسائل کی تقسیم کی گئی ہے، جبکہ تفصیلی اعداد و شمار قومی اسمبلی میں بجٹ پیش کیے جانے کے بعد عوام کے سامنے رکھے جائیں گے۔
June 12, 2026
June 12, 2026
ویب ڈیسک: وزیراعظم شہباز شریف کی زیرِ صدارت وفاقی کابینہ کے خصوصی اجلاس میں مالی سال 2026-27 کے وفاقی بجٹ اور فنانس بل کے مسودے کی منظوری دے دی گئی۔
اجلاس میں سرکاری ملازمین اور پنشنرز کے لیے اہم ریلیف کی منظوری بھی دی گئی، جس کے تحت سرکاری ملازمین کی تنخواہوں اور ریٹائرڈ ملازمین کی پنشن میں 7 فیصد اضافے کا فیصلہ کیا گیا ہے۔
کابینہ نے بجٹ تجاویز کا تفصیلی جائزہ لینے کے بعد انہیں حتمی شکل دے دی، جس کے بعد بجٹ دستاویزات پارلیمنٹ میں پیش کیے جانے کے لیے تیار ہیں۔
حکومتی ذرائع کے مطابق تنخواہوں اور پنشن میں اضافے کا فیصلہ مہنگائی کے اثرات کو کم کرنے اور سرکاری ملازمین و پنشنرز کو مالی ریلیف فراہم کرنے کے مقصد سے کیا گیا ہے۔
وفاقی بجٹ اب قومی اسمبلی کے خصوصی اجلاس میں پیش کیا جائے گا، جہاں وزیر خزانہ مالی سال 2026-27 کے بجٹ کی تفصیلات، حکومتی ترجیحات اور معاشی اہداف سے قوم کو آگاہ کریں گے۔
(ویب ڈیسک ) ترجمان پیپلزپارٹی کا کہنا ہے کہ پیپلز پارٹی نے بجٹ اجلاس کے بائیکاٹ کا فیصلہ نہیں کیا۔
ترجمان پیپلزپارٹی کا کہنا ہے کہ چیئرمین پیپلزپارٹی بلاول بھٹو زرداری بجٹ اجلاس میں شریک نہیں ہوں گے۔بجٹ اجلاس میں پیپلز پارٹی کے صرف چند ارکان جائیں گے۔
ترجمان نے بتایا ہے کہ قومی مفاد کے تحت پیپلزپارٹی بجٹ اجلاس میں حصہ لے گی ۔
June 12, 2026
June 12, 2026
ویب ڈیسک: وفاقی حکومت نے آئندہ مالی سال 2026-27 کے بجٹ میں سولر پینلز پر سیلز ٹیکس کی شرح برقرار رکھنے کا فیصلہ کر لیا ہے، جسے مہنگی بجلی سے متاثرہ صارفین کے لیے ایک اہم ریلیف قرار دیا جا رہا ہے۔
ذرائع کے مطابق حکومت نے سولر توانائی کے فروغ اور گھریلو صارفین کو سہولت فراہم کرنے کے پیشِ نظر سولر پینلز پر موجودہ ٹیکس شرح میں اضافہ نہ کرنے کا فیصلہ کیا ہے۔ اس فیصلے کے تحت سولر پینلز پر سیلز ٹیکس میں کسی اضافے کی تجویز شامل نہیں کی جائے گی۔
یاد رہے کہ بین الاقوامی مالیاتی فنڈ (آئی ایم ایف) نے سولر پینلز پر دی گئی ٹیکس رعایت ختم کرنے اور سیلز ٹیکس کی شرح 1 فیصد سے بڑھا کر 18 فیصد کرنے کی سفارش کی تھی، تاہم حکومت نے اس مطالبے کو بجٹ تجاویز میں شامل نہ کرنے کا فیصلہ کیا ہے۔
دوسری جانب بجٹ سے قبل ہی سولر آلات کی قیمتوں میں اضافہ دیکھنے میں آیا ہے۔ مارکیٹ ذرائع کے مطابق مختلف صلاحیتوں کے سولر پینلز کی قیمتوں میں 4 ہزار روپے تک اضافہ ریکارڈ کیا گیا، جس کے بعد 585، 645 اور 720 واٹ کے پینلز 26 ہزار سے 32 ہزار روپے تک فروخت ہو رہے ہیں۔
سولر پینلز کے ساتھ ساتھ انورٹرز کی قیمتوں میں بھی نمایاں اضافہ ہوا ہے۔ مارکیٹ ذرائع کا کہنا ہے کہ مختلف ماڈلز کے سولر انورٹرز 20 ہزار روپے تک مہنگے ہو چکے ہیں، جبکہ گھریلو صارفین کے لیے استعمال ہونے والے 1 سے 3 کلو واٹ صلاحیت کے انورٹرز کی قیمتوں میں 5 ہزار سے 10 ہزار روپے تک اضافہ ریکارڈ کیا گیا ہے۔
توانائی کے شعبے سے وابستہ ماہرین کا کہنا ہے کہ سولر پینلز پر ٹیکس برقرار رکھنے کا فیصلہ قابلِ تجدید توانائی کے فروغ اور بجلی کے بڑھتے ہوئے اخراجات سے نمٹنے میں صارفین کے لیے مددگار ثابت ہو سکتا ہے۔
(ویب ڈیسک) وزیر اعظم شہباز شریف کا کہنا ہے کہ صبرو تحمل سے مہنگائی کا مقابلہ کرنے پر پاکستان کے 24 کروڑ عوام کا شکریہ ادا کرتا ہوں۔
وزیراعظم محمد شہباز شریف نے وفاقی کابینہ کے خصوصی اجلاس میں ابتدائی گفتگو کرتے ہوئے کہا کہ آج وفاقی کابینہ کا ایک نکاتی ایجنڈا وفاقی بجٹ ہے۔گزشتہ روز ہیلی کاپٹر حادثے میں شہید ہونے والے جوانوں کی نماز جنازہ میں شرکت کی، شہید ہونے والوں میں پاک فوج کے افسران ، جوان اور دو مسیحی بھائی بھی شامل تھے، ہیلی کاپٹر حادثے کے دلخراش واقعہ نے ہر آنکھ کو نم کردیا، مجھے یقین ہے کہ یہ قربانیاں رائیگاں نہیں جائیں گی۔
انہوں نے کہا کہ آج ہماری حکومت تیسرا وفاقی بجٹ پیش کرنے جا رہی ہے۔تمام تر معاشی چیلنجز کے باوجود بہتر بجٹ پیش کرنے کی کوشش کی۔ہمیں عام آدمی کی مشکلات کا بخوبی اندازہ ہے۔صبرو تحمل سے مہنگائی کا مقابلہ کرنے پر پاکستان کے 24 کروڑ عوام کا شکریہ ادا کرتا ہوں۔
وزیر اعظم نے کہا کہ گزشتہ 2 سال کے دوران حکومتی کاوشوں سے مہنگائی کی شرح 38 فیصد سے کم ہو کر سنگل ڈیجٹ پر آگئی،پالیسی ریٹ بھی 22۔5 سے کم ہو کر 11 فیصد پر آیا۔تمام معاشی چینلجز کے باوجود ہماری معیشت آج مستحکم ہے۔توقع ہے کہ تیسرا بجٹ ہماری معیشت کو مزید تیزی سے آگے لے کر جائے گا۔پاکستان کے معاشی اشاریئے بہتری کی جانب گامزن ہیں ۔
انہوں نے کہا کہ ہمیں سولر، ونڈ اور بیٹری اسٹوریج جیسے توانائی ذرائع پر توجہ دینے کی ضروت ہے، ہمیں پانی کے ذخائر اور ڈیمز تعمیر کرنے ہیں ،وفاق اور صوبوں کے درمیان معاشی اہداف کے حوالے سے مثبت گفتگو ہوئی۔قومی ہم آہنگی اور موثر تعاون سے چیلجنز پر قابو پایا جاسکتا ہے۔
June 12, 2026
June 12, 2026
ویب ڈیسک: ویب ڈیسک: بجٹ 2026,27 میں تنخواہ دار طبقے کیلئے ٹیکس سلیبز میں ردوبدل کی حتمی تجاویز تیار۔ سالانہ 12 سے 22 لاکھ تنخواہ دار پر ٹیکس میں کمی کا امکان ہے۔
ذرائع کے مطابق حکومت ماہانہ 1 لاکھ، 2 لاکھ اور 3 لاکھ روپے تنخواہ دار افراد کو ٹیکس ریلیف دے گی۔ سالانہ 36 لاکھ روپے کی تنخواہ پر ریلیف دینے کی بھی تجویز ہے۔ اسی طرح سالانہ 1 کروڑ روپے یا اس سے زائد تنخواہ پر 10 فیصد سرچارج ختم کرنے کی تجویز دی گئی ہے۔
تنخواہ دار طبقے کیلئے ٹیکس سلیز 6 سے بڑھا کر 8 کرنے کی تجویز ہے۔ ٹیکس ریلیف وفاقی کابینہ کی حتمی منظوری سے مشروط ہوگا۔
آئندہ مالی سال پنشن کے لیے 1100 ارب روپے سے زائد مختص کیے جانے کا امکان ہے۔
بے نظیر انکم سپورٹ پروگرام کےلیے 838 ارب روپے رکھے جانے کی تجویز ہے۔ سپورٹ پروگرام کے تحت مستحقین کا سہ ماہی وظیفہ بڑھانے کی تجویز ہے۔
(ویب ڈیسک ) آئندہ مالی سال میں ملک میں اسٹریٹجک ایندھن ذخائر قائم کرنے کا فیصلہ کیا گیا ہے۔
بجٹ دستاویز کےمطابق آئندہ مالی سال کے دوران 30 سے 40 دنوں کا ایندھن ذخیرہ کرنے کا ہدف مقرر کیا گیا ہے۔آئندہ مالی سال کے دوران پاور سیکٹر کے لیے متعین اہم اہداف سامنے آ گئے۔
دستاویز کے مطابق آئندہ مالی سال کے دوران 3 ہزار 787 میگاواٹ گرین انرجی کو سسٹم میں شامل کرنے کا ہدف ہے۔مالی سال 2030 تک 30 فیصد گرین انرجی کو سسٹم میں شامل کرنے کا ہدف مقرر کیا گیا ہے۔آئندہ مالی سال کے دوران این این جی پبلک سیکٹر کو شامل کرنے کا ہدف مقرر کیا گیا ہے۔
گزشتہ مالی سال کے دوران پاور سیکٹر نے اہم اہداف حاصل کیے۔
دستاویز کے مطابق 500 کلو واٹ کی غازی بروتھا سے فیصل آباد ٹرانسمیشن لائن مکمل کی گئی ،گزشتہ مالی سال کے دوران 1 ہزار 820 میگاواٹ گرین انرجی کو سسٹم میں شامل کیا گیا ۔
June 12, 2026
June 12, 2026
ویب ڈیسک: وفاقی کابینہ نے فنانس بل 27-2026 کی منظوری دے دی۔
وزیراعظم شہباز شریف کی زیر صدارت وفاقی کابینہ کا اجلاس ہوا جس میں وزیر خزانہ محمد اورنگزیب نے کابینہ اراکین کو آئندہ مالی سال کے وفاقی بجٹ اور معاشی اہداف پر بریفنگ گئی۔
وفاقی کابینہ نے مالی سال 2026-27 کے وفاقی بجٹ کی باضابطہ منظوری دے دی، جس کے بعد بجٹ قومی اسمبلی میں پیش کیے جانے کی راہ ہموار ہوگئی۔
وفاقی کابینہ اجلاس سے خطاب کرتے ہوئے وزیراعظم شہباز شریف نے بجٹ 27-2026 میں بھرپور ساتھ دینے پر اتحادی جماعتوں کا شکریہ ادا کیا۔ انہوں نے آئی ایم ایف کی معاونت کا بھی شکریہ ادا کیا۔ کابینہ اجلاس میں وفاقی وزرائے و وزرائے مملکت نے ڈیسک بجا کر وزیراعظم کی تائید کی۔
اس سے قبل وزیراعظم شہباز شریف نے سماجی رابطے کی ویب سائٹ ایکس پر اپنے پیغام میں کہا کہ مالی سال 2026-27 کا بجٹ انتہائی محنت، مشاورت اور خلوصِ نیت کے ساتھ تیار کیا گیا ہے۔
الحمدللہ اس بجٹ کو بہت محنت اور خلوص سے تیار کیا گیا ہے، اور پاکستان کی عظیم قوم کی فلاح و بہبود کو اولین ترجیح دی گئی ہے۔
— Shehbaz Sharif (@CMShehbaz) June 12, 2026
وزیراعظم نے کہا کہ حکومت نے بجٹ کی تیاری میں قومی مفاد کو مقدم رکھا اور عوامی فلاح و بہبود کو اولین ترجیح دی ہے۔ انہوں نے اس عزم کا اعادہ کیا کہ بجٹ کے ذریعے معاشی استحکام، ترقی اور عوامی ریلیف کے اہداف کے حصول کی کوشش کی جائے گی۔
شہباز شریف کا کہنا تھا کہ حکومت ملک کو معاشی طور پر مضبوط بنانے اور عوام کے معیارِ زندگی میں بہتری لانے کے لیے اپنی کوششیں جاری رکھے گی۔
June 19, 2026
June 19, 2026
June 19, 2026
June 17, 2026
June 17, 2026
June 17, 2026
June 17, 2026
June 16, 2026
June 16, 2026
June 12, 2026
June 12, 2026
June 12, 2026
June 12, 2026
June 12, 2026
June 12, 2026
June 12, 2026
June 12, 2026
June 12, 2026
June 12, 2026
June 12, 2026
June 12, 2026
June 12, 2026
June 12, 2026
June 12, 2026
ویب ڈیسک: وفاقی کابینہ نے فنانس بل 27-2026 کی منظوری دے دی۔
وزیراعظم شہباز شریف کی زیر صدارت وفاقی کابینہ کا اجلاس ہوا جس میں وزیر خزانہ محمد اورنگزیب نے کابینہ اراکین کو آئندہ مالی سال کے وفاقی بجٹ اور معاشی اہداف پر بریفنگ گئی۔
وفاقی کابینہ نے مالی سال 2026-27 کے وفاقی بجٹ کی باضابطہ منظوری دے دی، جس کے بعد بجٹ قومی اسمبلی میں پیش کیے جانے کی راہ ہموار ہوگئی۔
وفاقی کابینہ اجلاس سے خطاب کرتے ہوئے وزیراعظم شہباز شریف نے بجٹ 27-2026 میں بھرپور ساتھ دینے پر اتحادی جماعتوں کا شکریہ ادا کیا۔ انہوں نے آئی ایم ایف کی معاونت کا بھی شکریہ ادا کیا۔ کابینہ اجلاس میں وفاقی وزرائے و وزرائے مملکت نے ڈیسک بجا کر وزیراعظم کی تائید کی۔
اس سے قبل وزیراعظم شہباز شریف نے سماجی رابطے کی ویب سائٹ ایکس پر اپنے پیغام میں کہا کہ مالی سال 2026-27 کا بجٹ انتہائی محنت، مشاورت اور خلوصِ نیت کے ساتھ تیار کیا گیا ہے۔
الحمدللہ اس بجٹ کو بہت محنت اور خلوص سے تیار کیا گیا ہے، اور پاکستان کی عظیم قوم کی فلاح و بہبود کو اولین ترجیح دی گئی ہے۔
— Shehbaz Sharif (@CMShehbaz) June 12, 2026
وزیراعظم نے کہا کہ حکومت نے بجٹ کی تیاری میں قومی مفاد کو مقدم رکھا اور عوامی فلاح و بہبود کو اولین ترجیح دی ہے۔ انہوں نے اس عزم کا اعادہ کیا کہ بجٹ کے ذریعے معاشی استحکام، ترقی اور عوامی ریلیف کے اہداف کے حصول کی کوشش کی جائے گی۔
شہباز شریف کا کہنا تھا کہ حکومت ملک کو معاشی طور پر مضبوط بنانے اور عوام کے معیارِ زندگی میں بہتری لانے کے لیے اپنی کوششیں جاری رکھے گی۔