ویب ڈیسک: قومی اسمبلی میں آئندہ مالی سال کیلئے بجٹ پیش کیا جارہا ہے تاہم اس اہم موقع پر سابق وزیراعظم میاں نواز شریف سمیت کئی اہم شخصیات ایوان سے غیرحاضر ہیں۔
تفصیلات کے مطابق وزیرخزانہ محمد اورنگزیب کیجانب سے قومی اسمبلی میں بجٹ پیش کرنے کے دوران سابق وزیراعظم میاں نواز شریف ایوان سےغیر حاضر رہے۔
اسی طرح بجٹ اجلاس سے چیئرمین پیپلز پارٹی بلاول بھٹو زرداری بھی غیر حاضر رہے۔ اس کے علاوہ بجٹ اجلاس سے مولانا فضل الرحمان، محمود اچکزئی بھی غیر حاضر رہے۔
(ویب ڈیسک ) بجٹ 26-2025 میں آن لائن خریداری پر 18 فیصد سیلز ٹیکس عائد کرنےکی تجویز دی گئی ہے۔
وفاقی وزیر خزانہ محمد اورنگزیب نے قومی اسمبلی میں بجٹ تقریر کرتے ہوئے کہا کہ آن لائن کاروبار اورڈیجیٹل مارکیٹ پلیسز (Digital Market Places) کی تیزی سے ترقی نے ٹیکس قوانین کی پاسداری کرنے والے روایتی کاروباروں کے لئے مشکلات پیدا کردی ہیں۔
انہوں نے کہا کہ معیاری مسابقتی فضا پیدا کرنے اور ٹیکس قوانین کی مکمل پاسداری کو یقینی بنانے کے لئے یہ تجویز کیا جاتا ہے کہ ای کامرس پلیٹ فارمز( E-Commerce Platforms) کی طرف سے ترسیل کرنے والے کورئیر اور لاجسٹکس( Logistics) خدمات فراہم کرنے والے ادارے 18 فیصد کی شرح سے ان ای کامرس پلیٹ فارمز( E-Commerce Platforms) سے سیلز ٹیکس وصول کر کے جمع کرائیں گے۔
June 10, 2025
June 10, 2025
(ویب ڈیسک ) غیر رجسٹرڈ کاروبار کرنے والوں کے خلاف گھیرا تنگ کرنے کا فیصلہ کیا گیا ہے۔
تفصیلات کے مطابق غیر رجسٹرڈ کاروباروں کے خلاف سخت سزاؤں کو مزید بڑھایا جائے گا۔بینک اکاؤنٹس منجمد، جائیداد کی منتقلی پر پابندی، کاروبار کو سیل اور سامان ضبط کرنے کے اقدامات تجویز کیے گئے ہیں۔
سیلز ٹیکس چوری کو روکنے کیلئے سخت اقدامات متعارف کرانے کا اعلان بھی کیا گیا ہے۔ فیڈرل ایکسائز ڈیوٹی کے تحت انفورسمنٹ کے اختیارات مخصوص صوبائی افسران کو تفویض کئے جارہے ہیں۔
وزیر خزانہ محمد اورنگزیب کا کہنا ہے کہ ٹیکس چوری کرنے والوں کا موثر احتساب کیا جائے گا، ہم ایک ایسا مضبوط اور ڈیجیٹل ٹیکس کا نظام متعارف کروا رہے ہیں جو ٹیکس چوری کا راستہ روکے۔
(ویب ڈیسک ) آئندہ مالی سال دفاع کے لیے 2550ارب روپے مختص کرنے کی تجویز دی گئی ہے۔رواں سال دفاع کے لیے 2122ارب روپے مختص کیے گئے۔ رواں سال دفاع پر اخراجات 2181ارب تک پہنچ جائیں گے۔
تفصیلات کے مطابق بری فوج کے لیے آئندہ سال 1165ارب سے زائد مختص کرنے کی تجویز دی گئی ہے۔ رواں سال بری فوج کے لیے 1ہزار9ارب روپے مختص کیے گئے ۔رواں سال بری فوج کے اخراجات کا نظر ثانی اخراجات کا تخمیہ ایک ہزار 58ارب روپے لگایا گیا۔
پاک فضائیہ کے لیے آئندہ مالی سال پانچ سو 20ارب 74کروڑمختص کرنے کی تجویز ہے ۔رواں مالی سال پاک فضائیہ کے لیے 451ارب روپے مختص کیے گئے۔
پاک بحریہ کے لیے آئندہ مالی سال 265ارب 97کروڑ روپے مختص کرنے کی تجویز ہے۔رواں مالی سال پاک بحریہ کے لیے 230ارب روپے مختص کیے گئے۔ رواں مالی سال بحریہ کے نظر ثانی شدہ اخراجات 238ارب روپے سے بڑھ جائیں گے۔
June 10, 2025
June 10, 2025
(ویب ڈیسک ) پٹرول و ڈیزل کیساتھ ہائبرڈ گاڑیوں پر یکساں ٹیکس نافذ کرنے کا اعلان کیا گیا ہے۔
قومی اسمبلی میں بجٹ تقریر کرتے ہوئے وفاقی وزیر خزانہ محمد اورنگزیب نے کہا کہ پٹرول یا ڈیزل استعمال کرنے والی اور ہائبرڈ گاڑیوں پر سیلز ٹیکس میں یکسانیت لانے کے لیے 18 فیصد ٹیکس سے کم شرح والی گاڑیوں پر بھی 18 فیصد عمومی سیلز ٹیکس عائد کیا جائے ۔ اس اصلاحی اقدام سے تضادات کا خاتمہ ہوگا اور ٹیکس کی ادائیگی کے عمل کو آسان بنایا جا سکے گا۔
(ویب ڈیسک ) بجٹ 2025-26 میں شریک حیات کے انتقال کے بعد فیملی پینشن کی مدت 10 سال تک محدود کردی گئی۔
وزیر خزانہ محمد اورنگزیب نے قومی اسمبلی میں بجٹ سیشن سے خطاب کرتے ہوئے کہا کہ پینشن، ریٹائرڈ ملازمین کا بنیادی حق ہے۔ پچھلی کچھ دہائیوں میں پنشن سکیم میں ایگزیکٹو آڈرز کے ذریعے تبدیلیاں کی گئیں جس کی وجہ سے سرکاری خزانے پر بوجھ بڑھا۔
انہوں نے کہا کہ پنشن سکیم کو درست کرنے اور سرکاری خزانے پر بوجھ کو کم کرنے کے لیے حکومت نے پنشن سکیم میں اصلاحات کی ہیں جیسے قبل از وقت ریٹائرمنٹ کی حوصلہ شکنی ہے۔
June 10, 2025
June 10, 2025
ویب ڈیسک: وفاقی حکومت نے مالی سال 2025-26 کے بجٹ میں تعمیراتی و ریئل اسٹیٹ سیکٹر کو فروغ دینے کے لیے متعدد اہم تجاویز پیش کی ہیں، جن کا مقصد سرمایہ کاری میں اضافہ اور کم آمدنی والے افراد کے لیے رہائش کو ممکن بنانا ہے۔
جائیداد کی خریداری پر ٹیکس میں نمایاں کمی
بجٹ تجاویز کے مطابق جائیداد کی خریداری پر ودہولڈنگ ٹیکس کی شرح کو مختلف سطحوں پر کم کرنے کی سفارش کی گئی ہے۔
4% سے کم کر کے 2.5%
3.5% سے کم کر کے 2%
3% سے کم کر کے 1.5%
فیڈرل ایکسائز ڈیوٹی ختم کرنے کی تجویز
گزشتہ سال عائد کی جانے والی 7 فیصد فیڈرل ایکسائز ڈیوٹی، جو کمرشل پراپرٹی، پلاٹس اور گھروں کی منتقلی پر لاگو تھی، مکمل طور پر ختم کرنے کی تجویز بھی شامل ہے۔
سستے گھروں کے لیے ٹیکس کریڈٹ اور قرض کی سہولت
کم آمدنی والے افراد کی رہائش کے مسئلے کو مدنظر رکھتے ہوئے 10 مرلے تک کے گھروں اور 2000 اسکوائر فٹ تک کے فلیٹس پر ٹیکس کریڈٹ دینے کی تجویز دی گئی ہے۔
حکومت کی جانب سے مورگیج فنانسنگ کو فروغ دینے کے لیے ایک جامع مالیاتی نظام متعارف کرانے کا ارادہ ہے، جس سے سستے گھروں کی تعمیر کو آسان بنایا جائے گا۔
اسلام آباد میں اسٹامپ ڈیوٹی میں نمایاں کمی
اسلام آباد کی حدود میں جائیداد کی خریداری پر اسٹامپ پیپر ڈیوٹی 4 فیصد سے کم کر کے صرف 1 فیصد کرنے کی تجویز دی گئی ہے، تاکہ گھروں کی بڑھتی ہوئی طلب کو پورا کیا جا سکے۔
یہ اقدامات حکومت کے اس عزم کا اظہار ہیں کہ وہ تعمیراتی صنعت کو دوبارہ متحرک کرے اور کم آمدنی والے افراد کو باعزت رہائش فراہم کرنے میں سہولت دے۔
(ویب ڈیسک ) بجٹ 2025ـ26 میں حکومت نے نان فائلر زکے گرد گھیرا مزید تنگ کرنے کا فیصلہ کیا ہے۔
تفصیلات کے مطابق آئندہ مالی سال 2025-26 میں نان فائلرز کے گرد گھیرا مزید تنگ کرنے کا فیصلہ کیا گیا ہے ۔ بینک سے رقم نکلوانے پر ایڈوانس ٹیکس کی شرح 1 فیصد کر دی گئی ہے۔
خیال رہے کہ رقم نکلوانے پر ایڈوانس ٹیکس کی شرح رواں مالی سال 0.6 فیصد عائد تھی۔
June 10, 2025
June 10, 2025
ویب ڈیسک: وفاقی حکومت نے سولر کے بڑھتے ہوئے استعمال اور بجلی کی کھپت میں کمی کو روکنے کا فیصلہ کرلیا ہے۔نئے بجٹ میں سولرپینل کی درآمد پر 18 فیصدسیلز ٹیکس عائد کر دیاگیا۔
تفصیلات کے مطابق سولر پینلز پر ٹیکس عائد کر نے کا فیصلہ مقامی صنعت کے فروغ کے لیے کیا گیا۔
رواں مالی سال کے دوران نیٹ میٹرنگ سے بجلی کی پیداوار 28 سو میگاواٹ سے تجاوز کر چکی ہے۔
گزشتہ چند سالوں میں سولر پینلز سے بجلی پیدا کرنے کا رحجان بڑھا ہے۔سولر پینلز پر انحصار سے گرڈ سے بجلی کے استعمال میں بڑی کمی آئی ہے۔
ویب ڈیسک: وفاقی بجٹ/ 2025,26قومی اسمبلی میں پیش کردیا گیا ہے۔جس میں وفاقی حکومت نے بھاری پینشن وصول کرنے والوں پر ٹیکس عائد کرنے کا فیصلہ کرلیا ہے۔
تفصیلات کے مطابق سالانہ ایک کروڑ سے زائد تک پینشن وصول کرنے والوں پر 5 فیصد انکم ٹیکس عائد کردیا گیا ہے۔ پینشن پر عائد ٹیکس کیلئے عمر کی حد کا بھی تعین کر دیا گیا ہے۔
70 سال سے کم عمر پینشرز کی ایک کروڑ سے زائد آمدن پر ٹیکس عائد کیا جائے گا۔کم اور درمیانی پینشن حاصل کرنے والوں پر کوئی ٹیکس عائد نہیں ہوگا۔
June 10, 2025
June 10, 2025
(ویب ڈیسک ) پیٹرولیم مصنوعات پر 2.5 روپے فی لٹر کاربن لیوی عائد کی جائے گی۔
وزیر خزانہ محمد اورنگزیب نے قومی اسمبلی میں بجٹ پیش کرتے ہوئے کہا کہ فوسل فیلوز کے زیادہ استعمال کی حوصلہ شکنی ، موسمیاتی تبدیلی اور گرین انرجی پروگرام کیلئے مالی وسائل مہیا کرنے کیلئے مالی سال 2025-26 کیلئے پیٹرول، ہائی سپیڈ ڈیزل اور فرنس آئل پر 2.5 روپے فی لٹر کاربن لیوی عائد کی جائے گی۔
انہوں نے کہا کہ جو مالی سال 2026-27 میں بڑھا کر 5 روپے فی لیٹر کردی جائے گی۔اس کے علاوہ فرنس آئل پر پیٹرولیم لیوی بھی وفاقی حکومت کی جانب سے اعلان کردہ شرح کے مطابق عائد کی جائے گی۔
کاربن لیوی کو مالی سال 2026-27 میں بڑھا کر 5 روپے لیٹر کردی جائے گا۔
ویب ڈیسک: وفاقی بجٹ 2025-26 وفاقی وزیرخزانہ محمد اورنگزیب نے قومی اسمبلی میں پیش کیا ہے۔ جس میں گریڈ 1تا22 کے وفاقی ملازمین کی تنخواہوں میں 10 فیصد اضافے کا اعلان کیا گیا ہے جبکہ پنشن میں 7فیصد اضافے کا اعلان کیا گیا ہے۔
تفصیلات کے مطابق وفاقی وزیرخزانہ نے بجٹ تقریر کے دوران اعلان کیا ہے کہ مسلح افواج کے افسروں اور سپاہیوں کو خصوصی ریلیف الاؤنس دیا جائے گا۔یہ اخراجات مالی سال 2025-26 کے دفاعی بجٹ سے پورے کئے جائیں گے۔
اس کے علاوہ گریڈ ایک سے 22 تک کےوفاقی ملازمین کی تنخواہوں میں 10 فیصد اضافے کی تجویز ہے۔ریٹائرڈ وفاقی ملازمین کی پینشن میں سات فیصد اضافہ کیا جائے گا۔اہل ملازمین کو 30 فیصد کی شرح سے ڈسپیرٹی ریڈکشن الاؤنس دینے کی تجویز ہے۔معذور ملازمین کے لیے خصوصی کنوینس الاؤنس 4 ہزار سے بڑھا کر چھ ہزار کیا جائے گا ۔
June 10, 2025
June 10, 2025
(ویب ڈیسک ) 10مرلہ تک کے گھروں اور 2 ہزار مربع فٹ کے فلیٹس پر ٹیکس کریڈٹ کا اعلان کیا گیا ہے۔
کارپوریٹ سیکٹر کیلئے نئے بجٹ میں ریلیف کا فیصلہ کیا گیا ہے۔ سالانہ20 کروڑ سے 50 کروڑ آمدنی پر سپر ٹیکس میں 0.5 فیصد کمی کا فیصلہ کیا گیا ہے۔
جائیداد کی خریداری پر ودہولڈنگ ٹیکس کی شرح میں کمی کردی گئی۔ ودہولڈنگ ٹیکس 4 فیصد سے کم کر کے اڑھائی فیصد کر دیا گیا۔ دوسری سلیب میں 3.5 فیصد سے کم کر کے 2 فیصد کر دیا گیا جبکہ تیسرے سلیب میں 3 فیصد سے کم کر ودہولڈنگ ٹیکس 1.5 فیصد کر دیا گیا۔
کمرشل جائیدادوں، پلاٹوں اور گھروں ٹرانسفر فیڈرل ایکسائز ڈیوٹی ختم کردیا ۔گزشتہ بجٹ میں 7 فیصد فیڈرل ایکسائز ڈیوٹی عائد کی گئی تھی۔
دس مرلہ تک کے گھروں اور دو ہزار مربع فٹ کے فلیٹس پر ٹیکس کریڈٹ کا اعلان کیا گیا ہے۔ حکومت نے مورگیج فنانسنگ کو فروغ دینے کا فیصلہ کیا ہے۔ اسلام آباد میں جائیداد کی خریداری پر اسٹاپ پیپر ڈیوٹی 4 فیصد سے کم کر کے 1 فیصد کر دی۔
ویب ڈیسک: پی ٹی آئی کی پارلیمانی پارٹی نے بجٹ 2025/26 کو مسترد کردیا۔قومی اسمبلی اور سینیٹ میں پی ٹی آئی نے احتجاج کرنے کا فیصلہ کیا ہے۔
پی ٹی آئی پارلیمانی پارٹی کے مطابق موجودہ حکومت جعلی ہے بجٹ پیش کرنے کا اختیار نہیں۔پی ٹی آئی پارلیمانی پارٹی نے بجٹ کو آئی ایم ایف کا بجٹ قرار دیا۔پارلیمانی پارٹی نے واضح کیا کہ آئی ایم ایف کے بجٹ کو تسلیم نہیں کرتے۔
پی ٹی آئی پارلیمانی پارٹی اجلاس میں سپیکر قومی اسمبلی کے رویے کی مذمت کی گئی۔انہوں نے الزام عائد کیا کہ سپیکر قومی اسمبلی جانبدار بن چکے ہیں۔سردار ایاز صادق پارٹی کے نمائندے نہ بنیں اسپیکر بنیں۔غریب غربت کی چکی میں پس رہے ہیں حکمرانوں کی عیاشیاں ختم نہیں ہورہیں۔
پی ٹی آئی نے فیصلہ کیا ہے کہ بجٹ سیشن میں ہر موقع پر بھرپور احتجاج کیا جائے گا۔بانی پی ٹی آئی پر جعلی مقدمات اور سیاسی انتقام کی شدید الفاظ پر مذمت کرتے ہیں۔قائدین کی رہائی کے لیے مربوط حکمت عملی طے کی جائے گی۔
پی ٹی آئی پارلیمانی پارٹی نے مطالبہ کیا کہ اسپیکر اور قومی اسمبلی سیکرٹریٹ ارکان کی تقاریر براہ راست دکھانے کا معاملہ اٹھائیں۔پی ٹی آئی ارکان کی تقاریر کی نشریات پر ایوان میں معاملہ اٹھایا جائے گا۔
پی ٹی آئی کی جانب سے فیصلہ کیا گیا ہے کہ پی ٹی آئی کی تقاریر نشر نہ کرنے پر تحریک استحقاق اور اسپیکر کے خلاف احتجاج کیا جائیگا۔قومی نشریاتی ادارے اگر تقریر نہیں نشر کرتے تو احتجاج کیا جائے گا۔پارلیمانی پارٹی میں پی پی 52 ضمنی الیکشن میں دھاندلی کی مذمت کی گئی۔
June 10, 2025
June 10, 2025
ویب ڈیسک: وفاقی وزیرخزانہ نے بجٹ پیش کرتے ہوئے ٹیکس ریٹرن کو آسان کرنے کااعلان کیا ہے۔
تفصیلات کے مطابق وزیرخزانہ محمد اورنگزیب نے اعلان کیا ہے کہ تنخواہ دار طبقے اور چھوٹے کاروباری افراد کی آسانی کیلئے ٹیکس ریٹرن کو آسان بنایا جارہا ہے۔
اب صرف 7 بنیادی سوالات کے جوابات دیکر ریٹرن جمع کروائی جاسکے گی۔ یہ فیصلہ تنخواہ دار طبقے کو ریلیف دینے کیلئے کیا گیا ہے۔
ویب ڈیسک: آئندہ مالی سال 26-2025 کے وفاقی بجٹ کا تخلیص میزانیہ اے پبلک نیوز نے حاصل کر لیا۔
بجٹ دستاویز کے مطابق مالی سال 2025,26 کیلئے وفاقی بجٹ کا حجم 17 ہزار 573 ارب مقرر ہے۔ایف بی آر کا ٹیکس ہدف 14 ہزار 131 ارب روپے مقرر ہے۔نان ٹیکس ریونیو کا ہدف 5 ہزار 147 ارب روپے مقرر ہے۔حکومت کی مجموعی آمدن کیلئے 19 ہزار 278 ارب روپے کا تخمینہ ہے۔آئندہ مالی سال صوبوں کو 8 ہزار 206 ارب روپے دئیے جائیں گے۔قرضوں پر سود کی ادائیگی کے لیے 8207 ارب روپے مختص کیے گئے ہیں۔
بجٹ دستاویز کے مطابق مالی سال 2025,26 کیلئے دفاع کا بجٹ 2550 ارب روپے مختص ہے۔گرانٹس اور سبسڈی کی مد میں 1 ہزار 928 روپے کا بجٹ مختص ہے۔پینشن کی مد میں آئندہ مالی سال کیلئے 1055 ارب روپے مختص ہیں۔سول حکومت کے اخراجات کیلئے آئندہ مالی سال 971 ارب روپے کا بجٹ مختص ہے۔ہنگامی حالات کیلئے آئندہ مالی سال 389 ارب کا بجٹ مختص ہے۔پی ایس ڈی پی کی مد میں آئندہ مالی سال کیلئے 1 ہزار ارب روپے کا بجٹ مختص ہے۔آئندہ مالی سال کیلئے وفاق کا بجٹ خسارہ 6 ہزار 105 ارب روپے ہوگا۔
June 10, 2025
June 10, 2025
(ویب ڈیسک ) وفاقی حکومت نے سیکریٹریٹ ملازمین کے لئے مہنگائی الاؤنس دینے کا فیصلہ کیا ہے۔
تفصیلات کے مطابق وفاقی کابینہ نے فنانس بل کی منظوری دے دی ہے۔ 1 سے16 گریڈ کے سیکریٹریٹ ملازمین کے لئے مہنگائی الاؤنس دینے کا فیصلہ کیا گیا ہے۔وفاقی کابینہ نے پنشن میں ساڑھے 7 فیصد اضافے کی منظوری بھی دے دی ہے۔
فنانس بل کے مطابق 6 لاکھ تک تنخواہ دار ٹیکس سے مستثنیٰ قراردیے گئے ہیں۔
فنانس بل کے مطابق 6 لاکھ سے 12 لاکھ تک تنخواہ لینے والے افراد 6 لاکھ سے اوپر رقم پر 1 فیصد ٹیکس ادا کرینگے، 12 لاکھ روپے سے 22 لاکھ روپے تک سالانہ تنخواہ لینے والے 6 ہزار روپے فکس ٹیکس اور اور 11 فیصد اضافی ٹیکس دینگے۔
اسی طرح 22 لاکھ روپے سے 32 لاکھ روپے تک سالانہ تنخواہ لینے والے افراد پر فکس ٹیکس 1 لاکھ 16 ہزار اور 23 فیصد اضافی ٹیکس ادا کرنا ہوگا، 32 سے 41 لاکھ روپے سالانہ تنخواہ لینے والے افراد پر فکس ٹیکس 3 لاکھ 46 ہزار اور 30 فیصد اضافی ٹیکس ادا کرینگے،جبکہ 41 لاکھ سے اوپر سالانہ تنخواہ لینے والوں کو 6 لاکھ 16 ہزار فکس ٹیکس اور 35 فیصد اضافی ٹیکس ادا کرنا ہوگا۔
ویب ڈیسک: وفاقی حکومت نے مالی سال 2025-26 کے لیے 17 ہزار 573 ارب روپے کا وفاقی بجٹ قومی اسمبلی میں پیش کر دیا۔ قومی اسمبلی کا اجلاس اسپیکر ایاز صادق کی صدارت میں منعقد ہوا، جہاں وفاقی وزیر خزانہ محمد اورنگزیب نے بجٹ پیش کیا۔ بجٹ پیشی کے دوران ایوان میں اپوزیشن کی جانب سے شور شرابا بھی دیکھنے میں آیا۔
وزیر خزانہ نے اپنی تقریر میں کہا کہ یہ بجٹ ایک تاریخی موقع پر پیش کیا جا رہا ہے، حالیہ پاک-بھارت جنگ میں قوم نے غیر معمولی اتحاد کا مظاہرہ کیا، اور اس کامیابی پر سیاسی و عسکری قیادت کو خراجِ تحسین پیش کیا۔ ان کے مطابق اس جنگ کے بعد عالمی سطح پر پاکستان کا وقار مزید بلند ہوا ہے۔
معاشی اشاریے اور اہداف
وزیر خزانہ کے مطابق اقتصادی ترقی کی متوقع شرح: 4.2 فیصد
افراط زر کی اوسط: 7.5 فیصد
بجٹ خسارہ: جی ڈی پی کا 3.9 فیصد
پرائمری سرپلس: جی ڈی پی کا 2.4 فیصد
وفاقی بجٹ میں ایف بی آر کی محصولات کا ہدف 14 ہزار 131 ارب روپے مقرر کیا گیا ہے، جبکہ دفاعی اخراجات کے لیے 2550 ارب روپے مختص کیے گئے ہیں۔
تنخواہوں اور پنشن میں اضافہ
سرکاری ملازمین اور پنشنرز کے لیے خوشخبری:
تنخواہوں میں 10 فیصد
پنشن میں 7 فیصد اضافے کی تجویز دی گئی ہے۔
انکم ٹیکس میں ریلیف
ملازمین کو ٹیکس میں بھی بڑی رعایت دی گئی:
سالانہ 6 سے 12 لاکھ روپے آمدن پر انکم ٹیکس کی شرح 5 فیصد سے کم ہو کر 2.5 فیصد
22 لاکھ روپے آمدن پر کم سے کم ٹیکس 11 فیصد تجویز (پہلے 15 فیصد)
22 سے 32 لاکھ روپے آمدن پر ٹیکس 25 سے کم ہو کر 23 فیصد کرنے کی تجویز
پراپرٹی سیکٹر کے لیے بڑی مراعات
بجٹ میں ریئل اسٹیٹ اور پراپرٹی سے متعلق کئی ریلیف تجویز کیے گئے:
جائیداد کی خریداری پر ودہولڈنگ ٹیکس 4 فیصد سے کم کر کے 2.5 فیصد
دیگر ٹرانزیکشنز پر ودہولڈنگ ٹیکس 3.5 فیصد سے کم ہو کر 2 فیصد
پلاٹس اور مکانات کی منتقلی پر فیڈرل ایکسائز ڈیوٹی 7 فیصد سے کم کرنے کی تجویز
اسلام آباد میں جائیداد کی خریداری پر اسٹامپ ڈیوٹی 4 فیصد سے کم کر کے 1 فیصد
بجٹ کے اہم خدوخال درج ذیل ہیں:
سرکاری ملازمین کی تنخواہوں میں اضافہ
پنشنرز کی پنشن میں اضافہ
ٹیکس ریٹرن کو آسان بنانے کا اعلان
بجلی کی تقسیم کارکمپنیوں کی نجکاری کا اعلان
ٹیرف ریفارمز پیکج متعارف کروانے کا اعلان
4سال میں کسٹم ڈیوٹی کا خاتمہ
کسٹم ڈیوٹی کے 4سلیبز بنادیے گئے، زیادہ سے زیادہ کسٹم ڈیوٹی 15 فیصد مقرر
1 سے 16 گریڈ کے سیکریٹریٹ ملازمین کو مہنگائی الاؤنس دینے کا فیصلہ
10 مرلہ تک کے گھروں، 2 ہزار مربع فٹ کے فلیٹس پر ٹیکس کریڈٹ کا اعلان
پیٹرولیم مصنوعات پر 2.5 روپے فی لٹر کاربن لیوی عائد کرنے کا اعلان
بینک سے رقم نکلوانے پر ایڈوانس ٹیکس کی شرح ایک فیصد کر دی گئی
سولرپینلزپر انکم ٹیکس عائد
بینک سے رقم نکلوانے پر ایڈوانس ٹیکس کی شرح 1 فیصد کردی گئی
پیٹرولیم مصنوعات پر 2.5 روپے فی لٹر کاربن لیوی عائد کرنے کا اعلان
10 مرلہ تک کے گھروں، 2 ہزار مربع فٹ کے فلیٹس پر ٹیکس کریڈٹ کا اعلان
ٹیکس ریٹرن کو آسان کرنے کا اعلان
June 10, 2025
June 10, 2025
(ویب ڈیسک ) وفاقی بجٹ 2025-26 میں حکومت نے تنخواہ دار طبقے کو ٹیکس ریلیف دینے فیصلہ کیا ہے۔
تفصیلات کے مطابق وفاقی کابینہ نے فنانس بل کی منظوری دے دی ہے۔فنانس بل کے مطابق 6 لاکھ تک تنخواہ دار ٹیکس سے مستثنیٰ قراردیے گئے ہیں۔
فنانس بل کے مطابق 6 لاکھ سے 12 لاکھ تک تنخواہ لینے والے افراد 6 لاکھ سے اوپر رقم پر 1 فیصد ٹیکس ادا کرینگے، 12 لاکھ روپے سے 22 لاکھ روپے تک سالانہ تنخواہ لینے والے 6 ہزار روپے فکس ٹیکس اور اور 11 فیصد اضافی ٹیکس دینگے۔
اسی طرح 22 لاکھ روپے سے 32 لاکھ روپے تک سالانہ تنخواہ لینے والے افراد پر فکس ٹیکس 1 لاکھ 16 ہزار اور 23 فیصد اضافی ٹیکس ادا کرنا ہوگا، 32 سے 41 لاکھ روپے سالانہ تنخواہ لینے والے افراد پر فکس ٹیکس 3 لاکھ 46 ہزار اور 30 فیصد اضافی ٹیکس ادا کرینگے،جبکہ 41 لاکھ سے اوپر سالانہ تنخواہ لینے والوں کو 6 لاکھ 16 ہزار فکس ٹیکس اور 35 فیصد اضافی ٹیکس ادا کرنا ہوگا۔
ویب ڈیسک: آئندہ مالی سال کے وفاقی بجٹ میں ریئل اسٹیٹ اور پراپرٹی سیکٹر کے لیے مختلف مراعات دینے پر غور کیا جا رہا ہے، جس میں فیڈرل ایکسائز ڈیوٹی (ایف ای ڈی) کے خاتمے اور اسٹامپ ڈیوٹی میں کمی جیسے اقدامات شامل ہیں۔ ذرائع کے مطابق حکومت کا مقصد اس شعبے میں سرمایہ کاری کو فروغ دینا اور معیشت کو متحرک کرنا ہے۔
حکومتی تجاویز میں بلڈرز اور ڈیولپرز کی باقاعدہ رجسٹریشن کا آغاز بھی شامل ہے، تاکہ شعبے کو دستاویزی بنایا جا سکے۔ اسی طرح پراپرٹی ٹرانزیکشنز پر ودہولڈنگ ٹیکس میں نرمی کی سفارشات پر بھی غور ہو رہا ہے۔
ذرائع کا کہنا ہے کہ اوورسیز پاکستانیوں کے لیے تعمیراتی میدان میں سرمایہ کاری کو مزید پرکشش بنانے کے لیے ایف ای ڈی مکمل ختم کرنے اور دیگر مالی مراعات فراہم کرنے کی تجاویز زیر غور ہیں۔ غیر مقیم پاکستانیوں کو پراپرٹی کی خریداری پر ٹیکس میں سہولت دی جا سکتی ہے، خاص طور پر نان فائلرز کے لیے ایکسائز ڈیوٹی میں تبدیلی متوقع ہے۔
دوسری جانب، معاشی تھنک ٹینک "اکنامک پالیسی اینڈ بزنس ڈیولپمنٹ" نے بھی بجٹ سے قبل حکومت کو تجاویز دی تھیں، جن میں پراپرٹی کی فروخت پر ٹیکس کی شرح کو 1.5 سے 2 فیصد تک محدود کرنے کی سفارش کی گئی تھی، جب کہ موجودہ شرح 3 سے 4 فیصد ہے۔ تھنک ٹینک نے جائیداد کی خریداری پر ٹیکس ختم کرنے، ایڈوانس ٹیکس اور سیلز ٹیکس ہٹانے اور ٹیکس قوانین کے سیکشن 7 ای اور 9 اے میں نرمی کی بھی تجویز دی۔
اگر یہ سفارشات منظور ہو جاتی ہیں تو ریئل اسٹیٹ سیکٹر میں کاروباری سرگرمیوں میں نمایاں تیزی آ سکتی ہے، اور تعمیراتی صنعت ایک بار پھر معاشی نمو میں اہم کردار ادا کر سکتی ہے۔
June 10, 2025
June 10, 2025
(ویب ڈیسک ) وزیر اعظم شہباز شریف کا کہنا ہے کہ قوم کی محنت سے ملک اب ٹیک آف کی پوزیشن میں آگیا ہے۔معاشی اشاریے مثبت سمت کی جانب گامزن ہیں۔موجودہ بجٹ میں معاشی ترقی پر خصوصی توجہ مرکوز کی ہے۔
وزیر اعظم شہباز شریف نے وفاقی کابینہ کے اجلاس سے خطاب کرتے ہوئے کہا کہ وفاقی کابینہ کو عید کی مبارکباد۔اللہ تعالی ہماری عید کی قربانیوں کو قبول کرے۔
وزیرا عظم کی فلسطین میں اسرائیلی بربریت کی مذمت کی۔ ۔انہوں نے کہا کہ فلسطین میں جارحیت عصر حاضر کا بد ترین ظلم ہے۔عالمی برادری غزہ میں فوری جنگ بندی کیلئے کردار ادا کرے۔انہوں نے کہا کہ کشمیر اور فلسطین کی عوام کو ضرور آزادی ملے گی۔
وزیر اعظم شہباز شریف نے کہا کہ حکومت اور عوام نے سنگین حالات اور چینلنجز کا سامنا کیا۔عام آدمی نے قربانیاں دی اور تنخواہ دار طبے نے بوجھ اٹھایا ہے۔تنخواہ دار طبقے نے خزانے میں 400 ارب روپے دیے۔قوم کی محنت سے ملک اب ٹیک آف کی پوزیشن میں آگیا ہے۔معاشی اشاریے مثبت سمت کی جانب گامزن ہیں۔موجودہ بجٹ میں معاشی ترقی پر خصوصی توجہ مرکوز کی ہے۔
انہوں نے کہا کہ مہنگائی کم ہوئی ہے ،آئی ٹی ایکسپورٹ میں اضافہ ہوا ہے، میں سمجھتا ہوں وقت آگیا ہے کہ ہم اس بجٹ کو جو آج پیش کیا جارہا ہے ،اس کے بعد ہمیں تیزی سے آگے بڑھنا ہے،۔
وزیر اعظم شہباز شریف نے کہا کہ حالیہ جنگ میں ایک بہت بڑے مخالف سے جنگی قوت کے حوالے سے وہ کہتا تھا کہ ان کا پاکستان سے کوئی موازنہ نہیں، ہم نے روایتی جنگ میں بھارت کو شکست فاش دی ہے،ہمیں معاشی میدان میں بھی آگے نکلنا ہے،یہ مشکل ہے مگر ناممکن نہیں ہے۔
(ویب ڈیسک ) وفاقی کابینہ کی جانب سےپنشنرز کی پنشن میں 7 فیصد اضافے کی منظوری دیدی گئی ہے۔
ذرائع کا کہنا ہے کہ وزیر اعظم شہباز شریف کی زیر صدارت وفاقی کابینہ کا اجلاس ہوا۔جس میں وفاقی کابینہ نے بجٹ تجاویز کی منظوری دے دی ۔
ذرائع کے مطابق وفاقی کابینہ کے اجلاس میں فنانس بل کی منظوری دے دی گئی ہے۔ وفاقی کابینہ نے سرکاری ملازمین کی تنخواہوں میں 6 فیصد اضافے جبکہ ریٹائرڈ سرکاری ملازمین کی پنشن میں 7 فیصد اضافے کی منظوری دے دی ہے۔
June 10, 2025
June 10, 2025
ویب ڈیسک: آج پیش کیے گئے وفاقی بجٹ میں کراچی کے چند کلیدی ترقیاتی منصوبوں کے لیے بھاری مالی معاونت کی سفارش کی گئی ہے۔
اہم نکات درج ذیل ہیں:
کراچی بلک واٹر سپلائی پراجیکٹ: شہر میں صاف پینے کے پانی کی دستیابی کے فروغ کے لیے ۸ ارب ۲۰ کروڑ روپے کی فراہمی تجویز کی گئی ہے۔
صنعتی علاقوں کی سڑکیں: صنعتی ٹریفک کے بہاؤ کو سہل بنانے اور تجارتی روابط کو تقویت دینے کے لیے سڑکوں کی تعمیر و مرمت پر ۲ ارب ۵۰ کروڑ روپے مختص کرنے کی منظوری دی گئی ہے۔
کے-۴ واٹر پراجیکٹ: طویل مدتی پانی کی ضروریات کو پورا کرنے کے لیے اس پراجیکٹ کے تحت ۹ ارب ۴۰ کروڑ روپے کے فنڈز جاری کرنے کی سفارش کی گئی ہے۔
حکومت کے مطابق یہ فنڈز کراچی کے شہریوں کو فوری طور پر صاف پانی تک رسائی فراہم کریں گے اور مقامی معیشت کو مستحکم کرنے میں مددگار ثابت ہوں گے۔
ویب ڈیسک: وزیراعظم شہباز شریف کی زیر صدارت اہم اجلاس میں وفاقی کابینہ نے سرکاری ملازمین کی تنخواہوں میں منظوری دے دی۔
ذرائع کے مطابق بجٹ تجاویز کی حتمی منظوری کابینہ کے اجلاس میں دی جائے گی، اس سے قبل سرکاری ملازمین کی تنخواہوں اور پنشن میں 10 فیصد اضافے اور گریڈ ایک تا 16 کے ملازمین کو 30 فیصد ڈسپیرٹی الاؤنس دینے کی تجویز بھی زیر غور تھی۔
آئندہ مالی سال 2025-26 کے لیے تقریباً 17 ہزار 600 ارب روپے سے زائد حجم کا وفاقی بجٹ آج شام 5 بجے اسپیکر ایاز صادق کی زیرصدارت قومی اسمبلی میں پیش کیا جائے گا۔
اجلاس میں شرکت کے لیے وفاقی وزیر خزانہ محمد اورنگزیب پارلیمنٹ کابینہ کو بجٹ پر بریفنگ دی۔
اس موقع پر ان سے سوال کیا گیا کہ ’مالی نظم و ضبط بجٹ کے بعد بھی برقرار رہے گا ؟اس پر وزیر خزانہ نے جواب دیا کہ انشا اللہ۔
رپورٹ کے مطابق ذرائع نے کہا کہ آئندہ مالی سال کے بجٹ میں حکومت کی جانب سے سرکاری ملازمین کی تنخواہوں میں 6 فیصد اضافہ کا امکان ہے۔
June 10, 2025
June 10, 2025
ویب ڈیسک: بھارت کا مسلسل بڑھتا ہوا جنگی جنون جنوبی ایشیا کے لیے بڑا خطرہ بنتا جا رہا ہے اور طاقت کے توازن کو برقرار رکھنے کے لیے پاکستان کے دفاعی بجٹ میں اضافہ ناگزیر قرار دیا جا رہا ہے۔
تفصیلات کے مطابق پاکستان اور بھارت کے درمیان حالیہ کشیدگی اور بھارت کا مسلسل بڑھتا جنگی جنون پورےخطے بالخصوص جنوبی ایشیا کے امن کے لیے مستقل خطرہ ہے، بھارت کی عسکری حکمت عملی ہمیشہ پاکستان کے گرد گھومتی رہی ہے، خواہ وہ سرحدی خلاف ورزیاں ہوں یا اسپانسرڈ دہشتگردی۔
حال ہی میں ہونے والے معرکہ حق آپریشن بنیان مرصوص میں ناکامی کے بعد جنگ بندی کے لیے بھارت کو امریکا کے پاس جانا پڑا جب کہ پاکستان دہشت گردی کے خلاف طویل جنگ کے ذریعے عالمی امن میں اہم کردار ادا کر رہا ہے۔
بھارت کا دفاعی بجٹ مالی سال 2025-26 میں 6,81,210 کروڑ روپے (تقریباً 77.4 ارب ڈالر) تک پہنچ گیا ہے، جو گزشتہ سال سے 9.5 فیصد زیادہ ہے۔
انسٹی ٹیوٹ آف اسٹریٹیجک اسٹڈیز اسلام آباد کے مطابق بھارت کے دفاعی اخراجات میں گزشتہ 5 برس میں 94 فیصد اور 10 برس میں 170 فیصد اضافہ ہوا ہے، جس کا مقصد جدید ٹیکنالوجی اپنانا اور پاکستان کے خلاف دفاعی صلاحیتیں مضبوط کرنا ہے۔
پاکستان کیخلاف بلاجواز بھارتی جارحیت میں جدید جنگی ٹیکنالوجی، خاص طور پر اسرائیلی ساختہ ہیروپ، ہارپی اور سوارم ڈرونز کا استعمال ہوا ۔ یہ خودکار یا انسانی کنٹرول والے خودکش ہتھیار ہیں۔ بھارت اپنی فوجی طاقت بڑھانے کے لیے بھاری دفاعی بجٹ مختص کرتا ہے اور جدید ٹیکنالوجی بروئے کار لاتا ہے۔
بھارتی میڈیا کے مطابق پاکستان کی سرحد کے قریب بھارتی فضائیہ کی وسیع مشقیں بھی جاری ہیں جنہیں دوسری جنگ عظیم کے بعد سب سے بڑی فضائی سرگرمیوں میں شمار کیا جا رہا ہے۔ ان مشقوں میں Rafale، Mirage 2000 اور Sukhoi-30 طیارے شامل تھے۔
ایک اہم پیش رفت بھارتی وزارت دفاع کی جانب سے 10,000 کروڑ روپے کے I-STAR نگرانی اور اسٹرائیک طیارہ منصوبے کی منظوری کی توقع ہے، جس کا مقصد فضائی برتری کو بڑھانا ہے۔
اس کے برعکس پاکستان کا دفاعی بجٹ 1980ء کے بعد سے کم ہوتا رہا ہے، مگر اس کے باوجود مسلح افواج نے دہشتگردی اور دیگر چیلنجز کا کامیابی سے مقابلہ کیا ہے۔ پاکستان کے دفاعی بجٹ کی زیادہ تر رقم افواج جن میں بری ، بحری ، فضائی اور دیگر قانون نافذ کرنے والے ادارے شامل ہیں کے اہلکاروں کی تنخواہوں، سماجی خدمات، شہدا اور ریٹائرڈ فوجیوں کے فنڈز پر خرچ ہوتی ہے۔
موجودہ حالات اور بھارتی جنگی جنون کے تناظر میں پاکستان کے دفاعی بجٹ میں اضافہ ایسی ضرورت ہے جسے کسی قیمت پر نظرانداز نہیں کیا جاسکتا۔جدید دور کی جنگوں میں سائبر حملے، ڈرون، مصنوعی ذہانت (AI) اور معلوماتی جنگ (Information Warfare) کے ذریعے بھی دشمن کو نقصان پہنچایا جاتا ہے۔ پاکستان کو بھی ان جدید شعبوں میں اپنی دفاعی تیاری کو اپ گریڈ کرنے کی اشد ضرورت ہے۔
پاکستان کو بھارت کی جانب سے مسلسل خطرات کے پیش نظر اور اپنی دفاعی ضروریات کو مدنظر رکھتے ہوئے چین اور دیگر دوست ممالک کی جانب سے دفاعی معاہدوں کی پیشکش کی گئی ہے ، جن میں ففتھ جنریشن جے-35 سٹیلتھ جنگی طیارے، کے جے-500 ایواکس اور ایچ کیو-19 لانگ رینج بیلسٹک دفاعی نظام شامل ہیں۔
یقیناً دفاعی خود مختاری کے اس عمل میں ان معاہدوں کو عملی جامہ پہنانے اور ٹیکنالوجی کے حصول کے لیے ایک خطیر رقم درکار ہے۔
پاکستان کے دفاعی بجٹ میں اضافہ اگرچہ اب بھی بھارتی دفاعی بجٹ کے مقابلے میں بہت کم ہے مگر یہ کہا جاسکتا ہے کہ کچھ حد تک اضافہ ٹیکنالوجی کے ذریعے ملکی سلامتی اور دفاع کو ناقابل تسخیر بنانے کے لیے ناگزیر ہے۔
ویب ڈیسک: آئندہ مالی سال 2025-26 کے سالانہ ترقیاتی پلان کے اہم اہداف طےکرلیے گئے۔
تفصیلات کے مطابق مالی سال 2025-26 کا کرنٹ اکاؤنٹ خسارہ جی ڈی پی کا 0.5- فیصد رکھنے کا تخمینہ ہے۔بجٹ دستاویز کے مطابق آئندہ مالی سال کرنٹ اکاؤنٹ خسارہ 2.1 ارب ڈالر مختص کیا گیا ہے ۔آئندہ مالی سال کیلئے برآمدات کا ہدف 35 ارب 28 کروڑ ڈالر مقرر کیا گیا ہے۔ آئندہ مالی سال کیلئے درآمدات کا ہدف 65 ارب 21 کروڑ ڈالر مقرر ہے۔
بجٹ دستاویزمیں بتایا گیا ہے کہ آئندہ مالی سال میں خدمات کے شعبہ میں برآمدات کا ہدف 9 ارب 55 کروڑ ڈالر مقرر ہے۔آئندہ مالی سال کیلئے خدمات کے شعبہ کی درآمدات کا ہدف 14 ارب ڈالر مختص ہے۔آئندہ مالی سال کیلئے ترسیلات زر کا ہدف 39.43 ارب ڈالر مقرر ہے۔آئندہ مالی سال کیلئے اشیا اور خدمات کی برآمدات کا ہدف 44 اعشاریہ نو ارب ڈالر جبکہ آئندہ مالی سال کیلئے اشیا اور خدمات کی درآمدات کا ہدفت 79 اعشاریہ 2 ارب ڈالر مقرر ہے۔
آئندہ مالی سال تجارتی خسارہ 29.92 ارب ڈالر رہنے کا تخمینہ لگایا گیا ہے۔
June 10, 2025
June 10, 2025
ویب ڈیسک: وفاقی حکومت مالی سال 2025-26 کے بجٹ میں نیشنل ٹیرف پالیسی کے تحت پرانی گاڑیوں کی درآمد سستی کرنے پر سنجیدگی سے غور کر رہی ہے۔ اس ضمن میں حکومت نے آئی ایم ایف کو بھی تجویز پیش کی ہے کہ پرانی گاڑیوں پر عائد ٹیکسز میں نرمی کی جائے۔
گاڑیوں کی درآمد کے نئے مجوزہ اقدامات:
ذرائع کے مطابق آئندہ بجٹ میں 5 سال پرانی گاڑیوں کی درآمد کی اجازت دینے کی تجویز ہے۔
ایڈیشنل کسٹمز ڈیوٹی (ACD) کو مرحلہ وار ختم کرنے کا منصوبہ ہے۔
ریگولیٹری ڈیوٹیز (RDs) میں کمی کی سفارش بھی شامل ہے۔
ٹیرف میں سالانہ 10 فیصد کمی کی تجویز دی گئی ہے تاکہ گاڑیوں کی قیمتوں میں واضح کمی ممکن ہو سکے۔
آٹو سیکٹر میں ریفارمز:
مزید تفصیلات کے مطابق کسٹمز ایکٹ کے پانچویں شیڈول میں اصلاحات کی تجویز زیرِ غور ہے۔
نئی ریگولیٹری ڈیوٹیز لاگو نہ کرنے کی سفارش کی گئی ہے۔
نان ٹیرف رکاوٹوں کو ختم کرنے پر بھی کام جاری ہے تاکہ گاڑیوں کی درآمد کا عمل آسان بنایا جا سکے۔
حکومت کی کوشش ہے کہ 2030 تک آٹو سیکٹر پر اوسط ٹیرف کو 6 فیصد سے کم کر دیا جائے۔
مالی دباؤ اور نئے ٹیکسز:
ذرائع کا کہنا ہے کہ حکومت آئندہ مالی سال کے لیے تقریباً 18 ہزار ارب روپے کا وفاقی بجٹ پیش کرنے جا رہی ہے جس میں تقریباً 2 ہزار ارب روپے کے نئے ٹیکس بھی متوقع ہیں۔
ویب ڈیسک: حکومت پاکستان نے مالی سال 2025-26 کے لیے قومی ترقیاتی بجٹ کا خاکہ پیش کر دیا ہے جس میں مجموعی طور پر 4223 ارب روپے سے زائد کی رقم ترقیاتی منصوبوں کے لیے مختص کی گئی ہے۔
وفاقی ترقیاتی بجٹ کا حجم 1000 ارب روپے رکھا گیا ہے جبکہ صوبائی سالانہ ترقیاتی پروگرامز (ADPs) کے لیے 2869 ارب روپے مختص کرنے کی تجویز دی گئی ہے۔
وفاقی وزارتوں و محکموں کی ترجیحات
وفاقی وزارتوں اور ڈویژنز کے ترقیاتی منصوبوں کے لیے 682 ارب روپے سے زائد رکھے گئے ہیں۔
ارکانِ پارلیمنٹ کی ترقیاتی اسکیموں کے لیے 70 ارب روپے مختص کیے گئے ہیں۔
نیشنل ہائی وے اتھارٹی (NHA) کو 302 ارب روپے جبکہ صرف بلوچستان میں این-25 سڑک کے تین سیکشنز کے لیے 100 ارب روپے مختص کیے گئے ہیں۔
پاور ڈویژن کو 90 ارب روپے اور آبی وسائل ڈویژن کو 147 ارب روپے کی رقم دی جائے گی۔
اہم منصوبے اور شعبہ جاتی مختصات
دیامیربھاشا ڈیم اور مہمند ڈیم کے لیے بالترتیب 35 ارب اور 35.7 ارب روپے رکھے گئے ہیں۔
کراچی بلک واٹر سپلائی کے لیے 8.2 ارب روپے اور کے-فور منصوبے کے لیے 9.4 ارب روپے مختص کیے گئے ہیں۔
تعلیم کے شعبے کے لیے مجموعی طور پر 45 ارب روپے رکھے گئے ہیں جن میں ہائر ایجوکیشن کمیشن کے لیے 39.5 ارب روپے شامل ہیں۔
صحت کے منصوبوں کے لیے 15.3 ارب روپے اور قائداعظم ہیلتھ ٹاور کراچی کے لیے 5 ارب روپے مختص کیے گئے ہیں۔
وزارت اطلاعات و ٹیکنالوجی کے لیے 13.5 ارب روپے، جن میں اسلام آباد اور کراچی میں آئی ٹی پارک منصوبے شامل ہیں۔
علاقائی ترقیاتی ترجیحات
بلوچستان کے ترقیاتی منصوبوں کے لیے 93 ارب روپے اور وفاق 85 منصوبوں کی فنڈنگ کرے گا۔
سندھ کے لیے 47.4 ارب روپے، جبکہ سیلاب سے متاثرہ علاقوں کے لیے 20 ارب روپے مختص کیے گئے ہیں۔
آزاد جموں و کشمیر کے لیے 45 ارب روپے جبکہ گلگت بلتستان کے لیے 37 ارب روپے کا ترقیاتی بجٹ تجویز کیا گیا ہے۔
خیبر پختونخوا کے ضم شدہ اضلاع کے لیے 70.4 ارب روپے کی خطیر رقم مختص کی گئی ہے۔
معاشی اہداف
آئندہ مالی سال ترسیلاتِ زر کا ہدف 39.43 ارب ڈالر، برآمدات کا ہدف 35.28 ارب ڈالر اور درآمدات کا ہدف 65.21 ارب ڈالر رکھا گیا ہے۔
کرنٹ اکاؤنٹ خسارہ جی ڈی پی کے 0.5 فیصد تک محدود رکھنے کی تجویز دی گئی ہے۔
June 10, 2025
June 10, 2025
ویب ڈیسک: وفاقی حکومت کے نئے بجٹ میں 2 ہزار ارب روپے کے نئے ٹیکسز عائد کیے جانے کا امکان ہے جب کہ پٹرولیم مصنوعات کی خریداری میں ڈیجیٹل ادائیگی پر کوئی اضافی چارجز نہیں ہوں گے لیکن نقد ادائیگی پر 2 روپے فی لیٹر اضافی دینا ہوگا۔
تفصیلات کے مطابق آئندہ مالی سال 2025-26 کے لیے تقریباً 17 ہزار 600 ارب روپے سے زائد حجم کا وفاقی بجٹ آج شام 5 بجے اسپیکر ایاز صادق کی زیرصدارت قومی اسمبلی میں پیش کیا جائے گا۔بجٹ میں پیٹرولیم مصنوعات پر کاربن لیوی کی نئی شرح 2.5 فیصد مقرر کیے جانے کی تجویز دی گئی ہے۔ ساتھ ہی پیٹرولیم لیوی 78 روپے سے بڑھا کر 100 روپے فی لیٹر کیے جانے کا امکان ہے، جس سے حکومت 1300 ارب روپے کی آمدن حاصل کرنے کا ہدف رکھتی ہے۔
پیٹرول کی خریداری کے طریقۂ کار میں بھی فرق رکھا گیا ہے، بجٹ سفارشات کے تحت ڈیجیٹل ادائیگی پر کسی قسم کا اضافی چارج نہیں ہوگا، تاہم نقد ادائیگی کرنے والے صارفین کو فی لیٹر 2 روپے اضافی دینا ہوں گے، جس کا مقصد الیکٹرانک ادائیگی کو فروغ دینا ہے۔
یہ اقدامات ٹیکس نیٹ میں وسعت اور مالی نظم و ضبط کو بہتر بنانے کے لیے کیے جا رہے ہیں، تاہم عوامی سطح پر ان تجاویز پر شدید ردعمل کا امکان بھی ظاہر کیا جا رہا ہے۔
ویب ڈیسک: وفاقی بجٹ میں سرکاری ملازمین اور پنشنرز کے لیے خوشخبری، تنخواہوں اور الاؤنسز میں اضافے کی تجویز شامل ہے۔
تفصیلات کے مطابق آئندہ مالی سال کے بجٹ میں گریڈ 1 سے 16 تک کے سرکاری ملازمین کے لیے 30 فیصد ڈسپیرٹی الاؤنس اور تمام سرکاری ملازمین کی بنیادی تنخواہوں میں 10 فیصد اضافے کی تجویز دی گئی ہے۔
اسی طرح پنشنرز کے لیے بھی 10 فیصد اضافے کا امکان ہے تاکہ مہنگائی کے پیش نظر بزرگ شہریوں کو ریلیف فراہم کیا جا سکے۔
ذرائع کا کہنا ہے کہ پنشن کی مد میں مجموعی طور پر 1 ہزار 55 ارب روپے مختص کیے جانے کی تجویز بجٹ میں شامل ہے، جو کہ ایک بڑا اقدام تصور کیا جا رہا ہے۔
دوسری جانب صوبوں کو 8 ہزار 206 ارب روپے منتقل کیے جائیں گے جب کہ صوبائی ترقیاتی بجٹ کا مجموعی حجم 3 ہزار 300 ارب روپے ہوگا۔
ذرائع کا کہنا ہے کہ بجٹ کی تیاری کے دوران آئی ایم ایف کے ساتھ ہونے والے مذاکرات کو بھی مدنظر رکھا گیا ہے تاکہ بین الاقوامی مالیاتی ادارے کے اہداف اور اصلاحات پر عمل درآمد یقینی بنایا جا سکے۔
واضح رہے کہ وفاقی حکومت آج قومی اسمبلی میں بجٹ پیش کرے گی، جس میں مہنگائی، تنخواہوں اور عوامی فلاح سے متعلق کئی اہم فیصلے متوقع ہیں۔
June 10, 2025
June 10, 2025
ویب ڈیسک: آئندہ مالی سال کے بجٹ میں متعدد اشیاء پر ایکسائز ڈیوٹی لگانے کی تجویز ہے۔
تفصیلات کے مطابق ذرائع کا کہناہےکہ وزارت خزانہ نے آئندہ مالی سال کے بجٹ میں چپس، نوڈلز، کولڈ ڈرنکس، آئس کریم، بسکٹس اور فروزن فوڈز سمیت کئی اشیاء پر 5 فیصد ایکسائز ڈیوٹی لگانے کی تجویز پیش کی ہے۔ اس کے علاوہ ساسز اور دیگر پراسیسڈ اشیاء کو بھی اس دائرے میں شامل کرنے کا امکان ظاہر کیا جا رہا ہے۔
ذرائع نے مزید بتایا کہ حکومت ای کامرس پلیٹ فارمز پر بھی 18 فیصد سیلز ٹیکس عائد کرنے پر غور کر رہی ہے، تاکہ ڈیجیٹل معیشت کو بھی ٹیکس نیٹ میں لایا جا سکے۔
یاد رہے کہ موجودہ مالی سال کے اختتام کے ساتھ ہی حکومت آج قومی اسمبلی میں آئندہ بجٹ پیش کرے گی، جس کا تخمینہ تقریباً 18 ہزار ارب روپے لگایا گیا ہے۔ بجٹ میں تقریباً 2 ہزار ارب روپے کے اضافی ٹیکس اقدامات متوقع ہیں۔
ویب ڈیسک: نئے وفاقی بجٹ میں بینک سے کیش نکلوانے پر کتنا ٹیکس کٹے گا اور نان فائلرز پر مزید کون کون سی پابندیاں لگیں گی، اس حوالے سے تفصیلات سامنے آ گئیں۔
تفصیلات کے مطابق وفاقی حکومت آج مالی سال 2025-26 کے لیے 17 ہزار 600 ارب روپے کا بجٹ پارلیمنٹ میں پیش کرے گی۔ بجٹ سے قبل وفاقی کابینہ کا خصوصی اجلاس سہ پہر 4 بجے پارلیمنٹ ہاؤس میں ہوگا، جس میں فنانس بل اور تنخواہوں و پنشن میں اضافے سمیت بجٹ تجاویز کی منظوری دی جائے گی۔
ذرائع کے مطابق وفاق کی آمدن 19 ہزار 300 ارب روپے تک رہنے کا تخمینہ ہے جبکہ ایف بی آر کا ٹیکس ہدف 14 ہزار 130 ارب روپے مقرر کیا جا رہا ہے، جس میں سے 57 فیصد حصے کے مطابق تقریباً 8300 ارب روپے صوبوں کو این ایف سی ایوارڈ کی مد میں منتقل ہوں گے۔
آئندہ مالی سال میں بجٹ خسارہ ساڑھے 6 ہزار ارب روپے تک رہنے کا امکان ہے جب کہ قرضوں پر سود کی ادائیگی کے لیے 8500 ارب روپے رکھے جا رہے ہیں۔ وفاقی ترقیاتی پروگرام کے لیے 1000 ارب روپے مختص کیے جائیں گے۔
نئے وفاقی بجٹ میں نان فائلرز (وہ افراد جو انکم ٹیکس ریٹرن جمع نہیں کرواتے) کے لیے بینک سے کیش نکلوانے پر ٹیکس شرح میں اضافہ اور اضافی پابندیاں عائد کرنے کی تجویز سامنے آئی ہے۔ ذیل میں تمام اہم نکات تفصیل سے پیش کیے جا رہے ہیں:
بینک سے کیش نکلوانے پر ٹیکس شرح میں اضافہ
نان فائلرز ایک دن میں 50,000 روپے سے زیادہ کیش نکلوانے پر 0.6٪ ودہولڈنگ ٹیکس ادا کرتے ہیں جبکہ نئی تجویز کے مطابق اس شرح کو دوگنا کر کے 1.2٪ کرنے کا ارادہ، یعنی اگر کوئی 100,000 روپے نکلوانے کی کوشش کرتا ہے،تو اسے 1,200 روپے بطور ٹیکس ادا کرنا پڑے گا۔
June 10, 2025
June 10, 2025
ویب ڈیسک: پاکستان تحریک انصاف نے آئندہ مالی سال کے بجٹ کے خلاف سخت موقف اپناتے ہوئے حکومت کے لیے مشکلات پیدا کرنے کی تیاری مکمل کر لی ہے۔ پارٹی ذرائع کے مطابق پی ٹی آئی بجٹ کے خلاف مؤثر احتجاج کی منصوبہ بندی کر رہی ہے اور اس مقصد کے لیے آج سہ پہر 3 بجے اہم مشاورتی اجلاس طلب کیا گیا ہے۔
تفصیلات کے مطابق ذرائع کا کہنا ہے کہ اس اجلاس میں پارٹی کی سینئر قیادت اور ارکان پارلیمنٹ کو شرکت کی ہدایت جاری کر دی گئی ہے۔ اجلاس میں پارلیمنٹ کے اندر بھرپور آواز اٹھانے کے ساتھ ساتھ سڑکوں پر بھی ممکنہ احتجاج پر غور کیا جائے گا۔
پارٹی چیئرمین بیرسٹر گوہر نے واضح کیا کہ پی ٹی آئی اس بجٹ کو کسی صورت قبول نہیں کرے گی۔ اُن کا کہنا تھا کہ نہ صرف بجٹ میں مہنگائی کے خاتمے اور کفایت شعاری کا کوئی خاکہ موجود نہیں، بلکہ معاشی اصلاحات کے لیے بھی حکومت نے کوئی سنجیدہ قدم نہیں اٹھایا۔
بیرسٹر گوہر نے بجٹ کو عوام دشمن قرار دیتے ہوئے کہا کہ ملک کی معیشت پہلے ہی نازک صورتحال کا شکار ہے اور موجودہ حکومت کی پیش کردہ مالی پالیسیوں میں بہتری کا کوئی راستہ دکھائی نہیں دیتا۔
اس کے ساتھ ہی، چیئرمین پبلک اکاؤنٹس کمیٹی جنید اکبر نے بھی بیان دیا ہے کہ پی ٹی آئی کی پارلیمانی ٹیم سہ پہر تین بجے اہم اجلاس میں سر جوڑ کر بیٹھے گی، جس میں بجٹ کے خلاف حکمت عملی کو حتمی شکل دی جائے گی۔ ان کا کہنا تھا کہ موجودہ بجٹ سے نہ عوام کو ریلیف ملے گا اور نہ معیشت کو استحکام۔
ویب ڈیسک: وفاقی حکومت آج مالی سال 2025-26 کا 17 ہزار 600 ارب روپے کا بجٹ قومی اسمبلی میں پیش کرنے جا رہی ہے، جس میں تقریباً 2 ہزار ارب روپے کے نئے ٹیکس شامل کیے جانے کا امکان ہے۔
تفصیلات کے مطابق بجٹ اجلاس سے قبل شام 4 بجے وزیرِاعظم شہباز شریف کی زیر صدارت کابینہ کا خصوصی اجلاس منعقد ہوگا، جس میں بجٹ دستاویزات کی منظوری کے ساتھ سرکاری ملازمین کی تنخواہوں اور پنشن میں ممکنہ اضافے پر فیصلہ متوقع ہے۔
قومی اسمبلی کا بجٹ اجلاس شام 5 بجے اسپیکر ایاز صادق کی صدارت میں منعقد ہوگا، جس میں وفاقی وزیر خزانہ محمد اورنگزیب بجٹ پیش کریں گے۔
سرکاری ذرائع کے مطابق بجٹ میں سرکاری ملازمین کی آمدنی پر عائد ٹیکس میں کچھ نرمی اور پنشن و تنخواہوں میں اضافہ متوقع ہے، جبکہ اگلے مالی سال کے دوران کرنٹ اکاؤنٹ خسارہ جی ڈی پی کا منفی 0.5 فیصد رکھنے کا ہدف طے کیا گیا ہے۔
برآمدات کا ہدف 35.3 ارب ڈالر اور درآمدات کا تخمینہ 65.2 ارب ڈالر لگایا گیا ہے، جبکہ وفاقی محصولات کا تخمینہ 19 ہزار 300 ارب روپے لگایا گیا ہے۔ ایف بی آر کو ٹیکس وصولیوں کے لیے 14 ہزار ارب روپے سے زائد کا ہدف دیا جائے گا۔
اقتصادی ترقی کی شرح 4.2 فیصد مقرر کرنے کی تجویز دی گئی ہے، جبکہ وفاقی ترقیاتی بجٹ (PSDP) کا حجم ایک ہزار ارب روپے متوقع ہے۔
نئے بجٹ میں این ایف سی ایوارڈ کے تحت صوبوں کو 8 ہزار 300 ارب روپے کی ادائیگی اور دفاعی اخراجات کے لیے 2 ہزار 550 ارب روپے مختص کیے جانے کی تجویز ہے۔ بجٹ خسارہ 6 ہزار ارب روپے کے قریب رہنے کا اندازہ ہے جبکہ قرضوں پر سود کی ادائیگی کے لیے 8 ہزار 500 ارب روپے خرچ ہوں گے۔
دوسری طرف سینیٹ کا اجلاس بھی آج شام 6 بجے ہوگا، جس کے لیے 8 نکاتی ایجنڈا جاری کر دیا گیا ہے۔ اجلاس میں سینیٹر فیصل سلیم رحمان اور سلیم مانڈوی والا سمیت دیگر اراکین ترامیمی بلز اور رپورٹس پیش کریں گے۔
اجلاس میں "سوسائٹیز رجسٹریشن ایکٹ 1860"، "نارکوٹک سبسٹینسز ایکٹ 1997" اور قیمتوں و ذخیرہ اندوزی سے متعلق قوانین میں ترامیم پر رپورٹس پیش کی جائیں گی۔ انکم ٹیکس ترمیمی بل 2025 کی منظوری کے لیے قرارداد بھی پیش کی جائے گی۔
سینیٹ وزیر خزانہ کی جانب سے پیش کردہ مالیاتی بل 2025 پر اپنی سفارشات بھی قومی اسمبلی کو بھجوائے گا۔
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025
June 10, 2025