پی ٹی آئی کے زیرحراست امیدوار کی آڈیووائرل ،سنسنی خیز انکشافات کردیے

فراڈ سے کیسے بچا جائے؟ واٹس ایپ نے بڑی مشکل حل کردی

(ویب ڈیسک)گزشتہ چند سالوں سے واٹس ایپ فراڈ کے واقعات میں اضافہ ہواہے جس میں صارفین کو مختلف طریقوں سے جعل سازی میں پھنسا کر مالی نقصان پہنچایا جارہا ہے۔

واٹس ایپ پر اس فراڈ سے  بچنے کے لئے کچھ احتیاطی تدابیر اختیار کریں۔

1-رابطوں کی تصدیق کریں

واٹس ایپ  پر کسی کو بھی جواب دینے سے پہلے ہمیشہ پیغام  بھیجنے والے  کی تصدیق کرلیں، خاص طور پر  اس وقت جب آپ کسی کو واٹس ایپ میسجز کے ذریعے  ذاتی معلومات یا رقم  بھیج رہے ہوں،میسج بھیجنے والے کی  تصدیق کیلئے  ایک دوسرے نمبر سے  اس سے لازمی رابطہ  کریں۔

2-مشکوک لنکس کو نہ کھولیں

 پیغامات  کی صورت بھیجے گئے  لنکس کو  کلک کرنے سے گریز کریں،خاص طور  پر ایسے لنکس جو  انعامات، ڈسکاؤنٹ جیسی آفرز کے ہوں، یہ لنکس آپ کی ذاتی معلومات  چرانے کا باعث بن سکتے ہیں۔

3-ٹو اسٹیپ ویری فکیشن کو فعال کریں

واٹس ایپ پر اضافی سکیورٹی  کے لیے ٹو اسٹیپ ویری فکیشن فعال کریں، اس کے بعد   آپ کے اکاؤنٹ تک رسائی کے لیے ایک PIN کی ضرورت درکار ہوگی ،یہی وجہ ہے کہ ٹو اسٹیپ ویری فکیشن کی موجودگی میں جعلسازوں کیلئے آپ  کا اکاؤنٹ ہائی جیک کرنا مشکل ہو جاتا ہے چاہے ان کے پاس آپ کا فون نمبر ہی کیوں نہ موجودہو۔

 4-پیشکش والے  پیغامات سے محتاط

 واٹس پر ملازمت  کے مواقع، مالی امداد یا انعامات جیسی  پیشکش لیے پیغامات سے محتاط رہیں،  ایسے پیغامات پر کوئی بھی ذاتی معلومات یا مالی تفصیلات فراہم کرنے سے پہلے آفیشیلز  چینلز  سے بھی تصدیق کریں۔
 
 

بجلی کا زیادہ بل آنے پر پریشان عوام کیلئے اچھی خبر

(احتشام یوسف)وزیرِ اعظم شہباز شریف نےبجلی صارفین کے بِلوں میں زائد یونٹس شامل کرنے والے افسران و اہلکاروں کے خلاف کارروائی کی ہدایت کردی۔

وزیرِ اعظم شہباز شریف کی زیرِ صدارت بجلی شعبے کی اصلاحات اور ملک میں شمسی توانائی کے حوالے سے اعلی سطح کا اجلاس ہوا،وزیرِ اعظم کی پاور ڈویژن کو تقسیم کار کمپنیوں کے ایسے اہلکاروں و افسران کو فوری معطل کرنے اور ان کے خلاف ایف آئی اے کو تحقیقات کرنے کی ہدایت کی۔

وزیرِ اعظم  نے ہدایت کی کہ مصنوعی طور پر بجلی کے زائد یونٹس بِل میں شامل کرکے صارفین پر ظلم کرنے والے عوام دشمن افسران و اہلکاروں کو قرار واقعی سزا دی جائے،دو سو یونٹس سے نیچے تحفظ شدہ صارفین کے بِلوں میں مصنوعی طور پر زائد یونٹس شامل  کرکے غیر تحفظ شدہ درجے میں شامل کرنے والے اہلکاروں و افسران کو قوم کے سامنے بے نقاب کیا جائے.

وزیرِ اعظم نے ملک میں قابلِ تجدید ذرائع سے بجلی پیدا کرنے کے حوالے سے اقدامات میں تیزی لانے کی ہدایت بھی کی اور کہا پاکستان درآمدی ایندھن سے بجلی بنانے کا مزید متحمل نہیں ہو سکتا،ماضی میں کئے گئے غلط پالیسی اقدامات کا بوجھ غریب عوام کو قطعاً برداشت نہیں کرنے دونگا،کم لاگت قابلِ تجدید ذرائع سے بجلی کی پیداوار سے صارفین کو بِلوں میں ریلیف ملے گا۔

وزیرِ اعظم نےپاور ڈویژن کو ہدایت کی کہ ملک میں درآمدی ایندھن سے مہنگی بجلی پیدا کرنے والے اور ناکارہ سرکاری کارخانوں کو فوری طور پر بند کیا جائے،پوری دنیا قابلِ تجدید توانائی سے بجلی پیدا کر رہی ہے،پاکستان میں شمسی ذرائع سے بجلی پیدا کرنے کی وسیع استعداد موجود ہے،شمسی توانائی کی استعداد سے بھرپور فائدہ اٹھانے کیلئے ترجیحی بنیادوں پر اقدامات کئے جائیں.

اجلاس میں نائب وزیرِ اعظم و وزیرَ خارجہ اسحاق ڈار، وفاقی وزراء جام کمال خان، سردار اویس خان لغاری، احسن اقبال، احد خان چیمہ، عطاء اللہ تارڑ، وزیرِ مملکت علی پرویز ملک اور متعلقہ اعلی حکام نے  شرکت کی۔

یکم محرم الحرام 8 جولائی کو ہوگی: مولانا الخبیر آزاد

(ویب ڈیسک)مولانا الخبیر آزاد نے کہا محرم الحرام کا چاند نظر نہیں  ہے،یکم محرم الحرام 8 جولائی 2024 بروز پیر ہوگئی۔

تفصیلات کےمطابق کوئٹہ میں مرکزی رویت ہلال کمیٹی کے چیئرمین مولانا الخبیر آزاد و دیگر  نےپریس کانفرنس کی،مولانا الخبیر آزاد نے بتایا کہ آج پاکستان کے اکثر و بیشتر مقامات پر مطلع آبرالود رہا،پاکستان کی کسی بھی مقام سے ماہ محرم الحرام کا چند نظر آنے کے شہادت موصول نہیں ہوئی, یوم عاشور 17 جولائی بدھ کو ہوگا۔

ممبر پنجاب رویت ہلال کمیٹی عارف سیالوی، مفتی اسحاق ساقی نے کہا  کہ لاہور میں محرم الحرام 1446ھ کا چاند نظر نہیں آیا، پنجاب بھر میں کہیں سے بھی چاند نظر آنے کی شہادتیں موصول نہیں ہوئیں،لاہور میں چاند نظر آنے کا وقت7:51منٹ تھا۔

 کراچی زونل رویت ہلال کمیٹی کا اجلاس مولانا محمد سلفی کی صدارت میں اختتام پذیرہو گیا،مولانا محمد سلفی نے گفتگو کرتے ہوئے کہاکہ کراچی میں مطلع مکمل ابر آلود ہے جس کی وجہ سے چاند نظر آنا مشکل ہے،مختلف علاقوں سے چاند کی شہادتیں موصول نہیں ہوئی ہیں۔

 زونل رویت ہلال کمیٹی نے کہاکہ اسلام آباد میں بھی محرم الحرام کا چاند نہیں آیا،وفاقی دارالحکومت میں چاند نظر آنے کی شہادت موصول نہیں ہوئی۔

ٹی 20 ورلڈکپ کی چیمپئن بھارتی ٹیم کو زمبابوے نے شکست دیدی

(ویب ڈیسک)5 ٹی ٹوئنٹی میچز کی سیریز کے پہلے ٹی ٹوئنٹی میں زمبابوے نے  ٹی ٹوئنٹی ورلڈ چیمپئن بھارت کو  ہرادیا۔

تفصیلات کےمطابق ہرارے میں کھیلے گئے میچ میں زمبابوے نے پہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر 115 رنز بنائے،زمبابوے کے 116 رنز کے تعاقب میں بھارتی ٹیم 102 رنز بناسکی اور اسے پہلے ٹی ٹوئنٹی میں 13 رنز سے شکست کا سامنا کرنا پڑا،بھارتی کپتان شبمن گل 31 اور سندر 27 رنز بنا کر نمایاں رہے۔

زمبابوے کے سکندر رضا اور ٹینڈائی چتارا نے 3، 3کھلاڑیوں کو آؤٹ کیا، 2016 کےبعد کسی بھی فارمیٹ میں بھارت کے خلاف زمبابوے کی یہ پہلی فتح ہے اور زمبابوے ٹیم ٹی ٹوئنٹی ورلڈکپ کےلیےکوالیفائی کرنے والی20ٹیموں میں شامل نہیں تھی۔

دوسری جانب بھارتی ٹی ٹوئنٹی ورلڈ چیمپئن ٹیم کے15رکنی اسکواڈ کاکوئی پلیئر میچ میں شامل نہیں تھا،یاد رہے کہ گزشتہ دنوں ہی بھارت ٹی ٹوئنٹی ورلڈکپ کے فائنل میں جنوبی افریقا کو شکست دیکر چیمپئن بنا تھا۔
 
 

ماہانہ کتنے یونٹ کے استعمال پر کتنا ٹیرف ہوگا؟ بڑی خبر آگئی

(ویب ڈیسک)آئی ایم ایف کا بجلی قیمتوں میں اضافے کی شرط پر نظر ثانی کرنے سے انکار،آئی ایم ایف جولائی میں ٹیکسز اور ٹیرف کے نفاذ کے مطالبے پر ڈٹ گیا۔

اعلیٰ سرکاری ذرائع کے مطابق آئی ایم ایف کو شرط پر نظر ثانی کی درخواست بھی کی گئی، بجلی قیمتوں میں اضافہ نئے پروگرام کے لئے آئی ایم ایف کا بنیادی مطالبہ ہے، آئی ایم ایف نے ٹیرف کےساتھ بجلی پر سیلز ٹیکس کے نفاذ کا بھی مطالبہ کیا، رواں سال گھریلو صارفین کا بنیادی ٹیرف 69.27 روپے تک جانے کا خدشہ ہے،ماہانہ اور سہہ ماہی ایڈ جسٹمنٹس کے تحت بھی الگ سے اضافہ ہوگا۔
100 یوںٹ والے نان پروٹیکٹڈ صارفین کا ٹیرف 37.38 روپے ہو جائیگا،ماہانہ 101 سے 200 یونٹ تک کا بنیادی ٹیرف 45.15 روپے تک چلا جائے گا، ماہانہ 300 یونٹ تک استعمال پر ٹیرف 50.17 روپے ہو جائے گا۔

پاور ڈویژن ذرائع کا کہناتھا کہ 400 یونٹ ماہانہ استعمال کا بنیادی ٹیرف 56.73 روپے ہو جائیگا، ماہانہ 500 یونٹ تک استعمال پر بنیادی ٹیرف 59.76 روپے تک چلا جائیگا،501 سے 600 تک یونٹ کا بنیادی ٹیرف 61.70 روپےہو جائیگا، ماہانہ 700 یونٹ کے استعمال پر ٹیرف 63.24 روپے ہو جائیگا،ٹیکسز کے ساتھ 700 یانٹ سے زائد ٹیرف 69.27 روپے ہو جائیگا۔

پنجاب میں موبائل فون سروس کی بند کرنے کی تجویز، اطلاق کب ہوگا؟

(ویب ڈیسک)محرم الحرام کے دوران پنجاب میں سکیورٹی انتظامات کا معاملہ، محکمہ داخلہ پنجاب نے موبائل فون سروس جام کرنے کا مراسلہ وفاقی حکومت کو بھیج دیا۔

تفصیلات کےمطابق یوم عاشورکے موقع پر مخصوص علاقوں میں موبائل فون سروس جام کرنے کے حوالے سےمحکمہ داخلہ پنجاب نے تجویز بھجوا دی ہے، محکمہ داخلہ نے وفاقی حکومت کو تجویز بھجوائی ہے، امن و امان کے قیام کے لئےعاشورا کو صوبے کے اہم شہروں میں موبائل فون سروس جام کرنے کی استدعا کی گئی ہے۔

سروس جام کرنے کا حتمی فیصلہ وفاقی حکومت کرے گی، اضلاع کے حساس ترین جلوسوں اور حساس مجالس کے راستوں میں موبائل فون سروس جام کرنے کا لکھا گیا ہے، محکمہ داخلہ کو یہ درخواست پولیس کی جانب سے دی گئی تھی، محکمہ داخلہ نے منظوری کے لئےوفاق کو ارسال کر دی ہے۔

شمالی وزیرستان کےغیورعوام پاک فوج کے شانہ بشانہ دہشتگردوں کے خلاف صف آراء

ویب ڈیسک: شمالی وزیرستان کے علاقے ‎عیدک میں عوام نے گھات لگائے ہوئے خوارج کے پاک فوج پے حملے کی کوشش کو ناکام بنا دیا۔

شمالی وزیرستان کےغیورعوام کاکہنا تھا کہ ہم ہمیشہ دہشتگردی کےخلاف عملی طور پرسیکیورٹی اداروں کے شانہ بشانہ کھڑے رہیں گے۔

عوام کا کہنا تھاکہ دہشت گردگیدڑکی طرح حملہ کرتے ہیں،اگرہمت ہیں تو میدان میں مقابلہ کریں،ہم شہادت کے لیےتیار ہیں،انکا مزیدکہنا تھا کہ ہم دہشت گردوں کےخلاف پاکستان کی سرزمین کے لیےہرقسم کی قربانی دینےکو تیار ہیں۔

ایک بار پھرشمالی وزیرستان کی عوام نے یہ ثابت کیا ہےکہ نہتے عوام کو نشانہ بنانے والےاوربھتہ خوری کرنے والے خوارج کا وجود ہر گز برداشت نہیں کریں گے۔

شمالی وزیرستان کےعوام نےعیدک بازارمیں دہشتگردی کےخلاف ریلی نکال کر سیکورٹی فورسز اور آپریشن عزم استحکام کی مکمل حمایت کی یقین دہانی کرائی۔

 شمالی وزیرستان کےغیورعوام نےعہدکیا کہ دہشتگردی کےاس جنگ میں سیکیورٹی اداروں کےساتھ مل کرہرحد تک جائیں گے اورآئندہ کسی شرپسندکو انتشار پھیلانے کی اجازت نہیں دیں گےتاکہ علاقہ میں دیرپا امن کا قیام ممکن ہو۔

100 روپے کے لوڈ پر اب کتنی کٹوتی ہو گی؟ 

ویب ڈیسک: 100 روپے کا بیلنس کروانے پر اب کتنے پیسے ملیں گے ؟ جان کر آپ حیران رہ جائیں گے۔

موبائل فون جو جدید دور میں عوام کے لیے ایک دوسرے سے رابطے کے لیے بہترین سہولت ہے، لیکن اب پاکستانیوں کے لیے یہ سہولت بھی مشکل بنا دی گئی ہے، کیوں کہ موبائل فون اور اس کے استعمال پر نئے بجٹ میں اس قدر بھاری بھرکم ٹیکس عائد کر دیے گئے ہیں کہ ہر صارف کے لیے بیلنس لوڈ کرنا مشکل ہوگیا ہے۔

نئے ٹیکسز سے موبائل فونز اور اس کا استعمال اس قدر مہنگا ہوگیا ہے کہ ڈیجیٹل ترقی پر اس کے منفی اثرات مرتب ہوں گے۔

صدر الیکٹرون ڈیلرز منہاج گلفام کے مطابق صارفین کے ساتھ ستم ظریفی یہ بھی کہ بڑے ڈیلرز نے منافع کمانے کے لیے موبائل فونز کی کھیپ ذخیرہ کرنا شروع کردی ہے۔

حکومت نے نئے بجٹ میں موبائل بیلنس لوڈ کرنے پر 75 فیصد ایڈوانس ٹیکس اور جنرل سیکز ٹیکس کو 15  فیصد سے بڑھا کر 19 فیصد کردیا ہے، یعنی سو روپے کا لوڈ کرانے پر صارف کو صرف 5 روپے 50 پیسے کا بیلنس ہی میسر آسکے گا۔

  مودی سرکار کا بھارتی اقلیتوں پر نئے فوجداری قوانیں کا نفاذ

ویب ڈیسک: بھارتی اقلیتیں ہمیشہ سے مودی سرکار کو کٹھکتی رہی ہیں جس کی بنا پر انھیں بھارتی حکومت کے عتاب کا نشانہ بننا پڑتا ہے۔

مودی سرکارکےاقتدار میں آنے کےبعدگزشتہ ایک دہائی سےبھارت میں اقلیتیں خود کو غیرمحفوظ سمجھتی ہیں،مودی نےحالیہ انتخابات میں بھی اس بات کوواضح کردیا ہےکہ مودی بھارت کو اقلیتوں سےپاک کرکےصرف ہندوتوا ریاست کےقیام کو یقینی بنائےگا۔

بھارت میں آئے روزمودی سرکارکی جانب سےاقلیتوں پرہونے والےمظالم اس بات کی عکاسی کرتےہیں کہ”بھارت میں اقلیتوں کے لئےکوئی جگہ نہیں،انتخابات سےقبل مودی نےدیگراقلیتوں کونشانے پررکھتےہوئےمسلمانوں کے خلاف بھی شدید زہر اُگلا۔

انتہاپسندمودی سرکار نےناصرف مسلمانوں کوناسورسےتشبیہ دی بلکہ اُن کے گھروں،دکانوں حتی کہ مساجدکوبھی مسمارکردیا،بھارتی انتخابات میں مسلمان مخالف کارڈکامیابی سےکھیلنےکےبعد اب مودی سرکارعملی اقدامات پراتر اۤئی ہے۔

مودی سرکار نے بھارتی مسلمانوں،آدیواسیوں اوردلتوں کےخلاف نئےفوجداری قوانین متعارف کروادئیے،مودی سرکارکی جانب سے متعارف کروائے گئے ان فوجداری قوانین میں ”بھارتیہ نیا سنہیتیا“،”بھارتیہ ساکشیہ دھینیم“ اور”بھارتیہ نگاری سرکشہ سنہیتا شامل ہیں۔

بی این ایس،بی ایس اے اوربی این ایس ایس قوانین کااطلاق یکم جولائی سےکیا جا چکا ہےآل انڈیا مجلس اتحاد المسلمین کےصدراسد الدین اویسی کا کہنا تھا کہ” مودی سرکارکی جانب سےنافذ کئے کئےیہ ظالمانہ قوانین اب بھارت میں مسلمانوں، دلتوں اوردیگر متوسط طبقات کے خلاف استعما ل ہونگے“ 

”بھارتیہ نیا سنہیتیا“”بھارتیہ ساکشیہ دھینیم  اور”بھارتیہ نگاری سرکشہ سنہیتا سے کمزورطبقات کےحقوق مزید سلب کرتےہوئےبھارتی پولیس کو ان کےخلاف کارروائیوں کےلئےوسیع تر اختیارات حاصل ہو نگے۔

رکن پارلیمنٹ حیدرآبادکاکہناتھاکہ ان قوانین میں کہیں بھی اس با ت کا ذکر نہیں کیا گیاکہ”اگر بھارتی پولیس سے کوئی جرم سرزدہوجاتا ہے تواُس کےخلاف کیا کارروائی عمل میں لائی جائے گی؟“۔

 رکن پارلیمنٹ حیدر آباد کا کہنا ہےکہ یہ یکطرفہ قوانین ہیں، یہ نئے قوانین کے قانون سے بھی زیادہ خطرناک ہیں،سوال یہ ہے کہ آخر کب تک مودی سرکار کی ظالمانہ پالیسیوں کے خلاف انسانی حقو ق کی تنظیمیں خاموش رہیں گی؟

کیا مودی کے اقتدار میں رہتے ہوئے بھارت کی مظلوم اقلیتوں کو کبھی انصاف ملے گا؟

صرف خدا ہی مجھے صدارتی دوڑ سے باہر رہنے پر قائل کرسکتا ہے، بائیڈن

ویب ڈیسک: میں انتخابی دوڑ میں موجود رہوں گا، صرف خدا ہی مجھے صدارتی دوڑ سے باہر رہنے پر قائل کرسکتا ہے یہ بات امریکی صدر جو بائیڈن نے جمعے کے روز ایک انتخابی ریلی میں کہی اور پھر امریکی ٹیلی ویژن نیٹ ورک اے بی سی کے ساتھ ایک انٹرویو کی ریکارڈنگ میں اس کا اعادہ بھی کیا۔

وسکونسن کے ایک مڈل اسکول میں تقریباً 300 حامیوں کے سامنے، بائیڈن نے گزشتہ ہفتے ایک بار پھر اپنی ذیلی بحث کا اعتراف کرتے ہوئے کہا کہ وہ "یہ نہیں کہہ سکتے کہ یہ ان کی بہترین کارکردگی تھی۔ لیکن ان قیاس آرائیوں کے درمیان کہ وہ اب کیا کریں گے؟ ان کا جواب تھا کہ وہ انتخاب لڑیں گے اور دوبارہ جیتیں گے۔

ریلی میں مجمعے سے خطاب کرتے ہوئے صدر بائیڈن نے اپنی عمر سے متعلق سوالات اور خدشات کو دور کرنے کی کوشش کرتے ہوئے کہا، کیا میں گنز کا قانون منظور کرنے کے لیے معمر ہوں؟ کیا ملازمتیں پیدا کرنے کے لیے اور طلباء کو قرضوں میں رعایت دینے کے لیے میری عمر زیادہ ہے؟ اور پھر ریلی میں موجود اپنے حامیوں سے انہوں نے کہا کہ اپنی دوسری مدتِ صدارت میں وہ اس سے زیادہ کریں گے۔

صدر بائیڈن کی دوبارہ منتخب ہونے کی کوشش اس وقت خطرے سے دوچار ہوئی جب 27 جون کو ریپبلکن صدارتی امیدوار ڈونلڈ ٹرمپ کے ساتھ اپنے پہلے صدارتی مباحثے میں ان کی کارکردگی کمزور رہی اور ڈیمو کریٹک پارٹی میں ان کی جگہ کسی اور کو امیدوار کے طور پر لانے کی باتیں ہونے لگیں۔

کراچی ایکسپریس خوفناک حادثے سے بال بال بچ گئی

کراچی : کراچی سے لاہور جانے والے کراچی ایکسپریس حادثے سے بال بال بچ گئی۔

تفصیلات کے مطابق کراچی اور حیدر آباد کے درمیان تکنیکی خرابی کے سبب کوچ نمبر سولہ سے دھواں نکلنے لگا ،کراچی ایکسپریس کی کوچ نمبر 16 کے مسافروں نے ٹرین سے اتر کر جان بچائی۔

ڈی ایس ریلوے ناصر خلیلی کا کہنا تھا کہ تکنیکی خرابی کے سبب ایکسل گرم ہوگیا تھا، دھواں نکلنے کے سبب مسافر پریشان ہوکر اترے،  تکنیکی خرابی کو دور کرکے ٹرین کو روانہ کردیا گیا۔

خیال رہے کہ کراچی ایکسپریس کراچی سے 2گھنٹے کی تاخیر سے روانہ ہوئی تھی۔

واضح رہے کہ گزشتہ دنوں کراچی سے فیصل آباد جانے والی ملت ایکسپریس بڑے حادثے سے بچ گئی تھی تاہم حادثے کے باعث متعدد افراد زخمی ہوگئے تھے۔

ویرات کوہلی بھارت چھوڑ کر کونسے ملک رہائش پذیر ہورہے ہیں؟

(ویب ڈیسک)بارباڈوس میں بھارت کو ٹی ٹوئنٹی ورلڈ کپ میں شاندار فتح دلوانے والے سپر اسٹار ویرات کوہلی اور ان کی اہلیہ بالی وڈ اداکارہ انوشکا شرما اپنے دونوں بچوں کے ساتھ مستقل طور پر ممبئی سے لندن منتقل ہونے کی منصوبہ بندی کررہے ہیں۔

تفصیلات کےمطابق کوہلی اور انوشکا بھارت میں شور شرابے اور کروڑوں مداحوں سے دور اپنی نجی زندگی پرسکون ماحول میں گزارنا چاہتے ہیں جہاں ہنگامہ اور شور شرابے نہ ہو اور دونوں آزادانہ گھوم پھر سکیں، ان کے بچے بیرون ملک تعلیم حاصل کرسکیں ان کا ہدف ایسا شہر ہے جہاں عام لوگ انہیں پہچان نہ سکیں،فائنل کے ہیرو جمعرات کو ممبئی میں وکٹری پریڈ میں شرکت کے بعد اپنی اہلیہ اور دونوں بچوں وامیکا(بیٹی)اور اکائے(بیٹا) کے ساتھ روانہ ہوگئے۔

بھارتی میڈیا کے مطابق جب سے انوشکا شرما اور ویرات کوہلی دوسرے بچے آکائے کوہلی کے والدین بنے ہیں، اس کے بعد سے یہ جوڑا لندن شفٹ ہونے کا سوچ رہا ہے،ان کے قریبی حلقے دعویٰ کررہے ہیں کہ اب یہ خاندان لندن میں مستقل طور پر آباد ہوسکتا ہے جہاں وہ ایک عالیشان گھر خریدنے کی منصوبہ بندی کررہے ہیں،آکائے کی پیدائش سے پہلے ویرات کوہلی اور انوشکا شرما نے لندن میں کافی وقت گزارا اور انہوں نے اسے وہیں جنم دینے کا فیصلہ کیا۔

اس جوڑے نے آکائے کی پیدائش کے بعد بھی تقریباً  2ماہ لندن میں گزارے اور کرکٹ سے دور رہے، ویرات کوہلی ٹی ٹوئنٹی ورلڈکپ اور آئی پی ایل کے لیے بھارت واپس آئے تھے، اس کے کئی دن بعد انوشکا بھی بھارت واپس آئیں،انوشکا اور ویرات کو اکثر لندن میں شاپنگ کے دوران یا ریسٹورنٹ  میں وقت گزارتے دیکھا گیا ہے۔ 

35 سالہ ویرات کی لندن میں ان کے بیٹے کی پیدائش کے چند دن بعد تصویر بھی لی گئی تھی،ان کے قریبی لوگوں کا کہنا ہے کہ ویرات چونکہ ریٹائرمنٹ کے قریب ہیں، وہ اب برطانیہ میں مستقل ہی رہیں گے۔

انہوں نے ایک انٹر ویو میں انکشاف کیا تھاکہ وہ یورپ میں رہنا پسند کرتے ہیں کیونکہ یورپ زیادہ تر لوگ انہیں پہچان نہیں پاتے اور اس سے انہیں معمول کی زندگی ملتی ہے۔
 
 

فارم 47 والے ملک نہیں بنا سکتے؛ شاہد خاقان عباسی کا بڑا بیان آگیا

(ویب ڈیسک)شاہد خاقان عباسی نے کہا دنیا میں پاکستان پہلے نمبر پر ہے جہاں 2 کروڑ 60 لاکھ بچے سکولز سے باہر ہیں ،اقتدار میں زیادہ وہ لوگ شامل ہیں جو الیکشن ہارے ہوئے ہیں ، فارم 47 والے ملک نہیں بناتے اور نہ وہ بنا سکتے ہیں ۔

تفصیلات کےمطابق شاہد خاقان عباسی نے’عوام پاکستان پارٹی‘ کی افتتاحی تقریب سے خطاب کرتے ہوئے کہا اس بات میں کوئی دو رائے نہیں کہ ملک کے اندرمعاشی استحکام ہے اور نہ سیاسی استحکام،دنیا میں پاکستان پہلے نمبر پر ہے جہاں 2 کروڑ 60 لاکھ بچے سکولز سے باہر ہیں،جس ملک میں دودھ پر ٹیکس لگایا گیا ہو تو آپ آئندہ برس کیا کریں گے ؟وزیر خزانہ سمیت کسی کی بھی بھی تقریر سن لیں ملک کے مسائل کے حل کی بات نہیں کی ،تین بڑی جماعتیں اس وقت اقتدار میں ہیں کیا ان کو ملک کی فکر ہے؟

شاہد خاقان عباسی نے کہا ملک کو ان لوگوں کی ضرورت ہے جو کرسیاں تلاش نہ کرتے ہوں ،اقتدار میں زیادہ وہ لوگ شامل ہیں جو الیکشن ہارے ہوئے ہیں، ملک کے اندر ریڈی میٹ جماعتیں آتی ہیں، ’عوام پاکستان‘ ایک الگ جماعت ہے ، عوام پاکستان میں اچھی شہرت کے لوگوں کو دعوت دیں گے ،ہم اقتدار کی تلاش میں نہیں ہیں وہ دوسری جماعتوں کو مبارک ہو۔
’عوام پاکستان‘ میں وہ لوگ شامل ہوں گے جو ملک کو کچھ دیں گے، آج منزل کی جانب سے پہلا مشکل قدم ہے، یہ اقتدار کا سفر نہیں ہے،فارم 47 والے ملک نہیں بناتے اور نہ وہ بنا سکتے ہیں,پاکستان ہماری پہنچان ہے اور یہ ہماری آئیڈیالوجی ہے،عوام کی خدمت ہماری ذمہ داری ہے,ملک کو آگے لے کر جانا ہے، آج کوشش نہ کی گئی تو کون کرے گا ؟24 کروڑ لوگ یہ سمجھتے ہیں کہ اسٹیبلشمنٹ کے بغیر کوئی جماعت اقتدار میں نہیں آ سکتی،ہم آئین کو کاغذ کا ٹکڑا سمجھتے ہیں، اس ملک کا وزیراعظم آرمی چیف کا تابع نہیں ہو سکتا ۔
جج اور بیوروکریٹ کسی اور کے تابع نہیں ملک کے آئین کے تابع ہیں ،یہ کسی کی خام خیالی ہے، ایک دفعہ ملک کو آئین کے مطابق چلانا ہو گا ،24 کروڑ کا ملک یہ ممکن نہیں کہ آئین توڑتے رہیں اور یہ ملک چلتا رہے ،اس ملک کی بدقسمتی ہے کہ آئینی عہدہ رکھنے والے آئین توڑتے ہیں ،غیر آئینی عمل نے ملک کے اندر کرپٹ ترین سیاست دان اس ملک کو دیئے ہیں،ملک میں وسائل کی بات سب کرتے ہیں مسائل کی بات کوئی نہیں کرتا ،ان لوگوں کا احتساب ہونا چاہئے جو ٹیکس کی بات کرتے ہیں اور خود نہیں دیتے ،کروڑوں کی آمدن رکھنے والے خود ٹیکس دینے سے انکار کرتے ہیں ۔

سابق وزیراعظم نے کہا ہماری سرحدوں سے ایرانی تیل، پٹرول اور سیکریٹ اور دیگر  اربوں کا مال اسمگل ہو کر آتا ہے،ہم اس ملک کے مسائل کا حل بتائیں گے صرف باتیں نہیں کریں گے ،ہم بغیر پڑھے قانون ہو پاس کرتے ہیں،95 فیصد قانون حکومت کی سہولت کے لیے ہوتے ہیں،ملک کے اندر بجٹ پر بات کرنے کے لیے کوئی تیار نہیں،5 ارب روپے اپنی ایم این اے کو دے دی لیکن سکولز کے باہر بچوں کو نہیں سوچا گیا ،افغانستان کی نسبت ہمارے ملک میں بچوں کے انتقال کی شرح زیادہ ہے ،موجودہ حکمرانوں کو حکمرانی کا شوق ہے، یہ فرسودہ نظام کو ختم کرنا ہو گا ۔
30 سال سے بیوروکریٹک ریفارمز کی بات ہو رہی ہے لیکن آج تک نہ ہو سکی،اختیارات اور طاقت کو نچلے طبقے میں لانا ہو گا، شہری کی عزت کرنا ہو گا ،جس ملک میں انٹرنیٹ بند کر دیا جائے تو معیشت کیسے چلے گی ،معیشت کو درست کرنا ہے تو لوگون سے ان سے استطاعت کے مطابق ٹیکس وصول کریں ،ملک کے اندر ٹیکنالوجی موجود ہے جو ٹیکس چوری کرنا والا پکڑا جا سکتا ہے،اشرافیہ نہیں چاہتی کہ یہ نظام چلے، یہ لمبی داستانیں ہیں ،حق کی بات کرنے والا اس ملک اور لوگوں کو حامی ہوتا ہے۔

لاپتہ افراد کی رہائی کے بدلے بھاری رقوم کا مطالبہ، پشاورہائیکورٹ نے وزیراعلیٰ کو طلب کرلیا

ویب ڈیسک: چیف جسٹس پشاور ہائی کورٹ نے لاپتا افراد کے کیس میں اضافہ ہونے اور پولیس اور سی ٹی ڈی حکام کی جانب لوگوں کی رہائی کے عوض بھاری رقوم طلب کرنے پر وزیراعلیٰ علی امین گنڈاپور کو 22 جولائی کو طلب کرلیا۔

تفصیلات کے مطابق پشاور ہائی کورٹ نے لاپتا افراد کے کیسز کی سماعت کی۔ سماعت چیف جسٹس پشاور ہائی کورٹ جسٹس اشتیاق ابراہیم پر مشتمل سنگل بنچ نے کی۔

چیف جسٹس نے کہا کہ وزیراعلی خیبر پختونخوا منتخب وزیراعلی ہیں، وہ خود عدالت میں آ کر اس حوالے سے پیش ہوں، گلبرگ سے صوابی کے رہائشی کو اغوا کیا گیا اور اب پولیس 70 لاکھ روپے طلب کررہی ہے۔ خیبر پختونخوا میں روز بروز لاپتا افراد کے کیسز میں اضافہ ہو رہا ہے۔

جسٹس اشتیاق ابراہیم نے کہا کہ لاپتا افراد کے رشتہ داروں کی جانب سے پولیس اور سی ٹی ڈی حکام کے اس عمل میں ملوث ہونے کی شکایات آ رہی ہیں، حکم نامہ کے مطابق اس ضمن میں پولیس اور سی ٹی ڈی پر یہ بھی الزام ہے کہ وہ ان لاپتا افراد کی رہائی کے بدلے بھاری رقوم طلب کررہے ہیں جو کہ ایک سنگین مسئلہ ہے۔

   جسٹس اشتیاق ابراہیم نے کہا کہ پولیس کے خلاف ان واقعات کی شکایات بڑھ رہی ہیں اور آئے روز پولیس اور سی ٹی ڈی حکام کے خلاف ایسے الزامات لگ رہے ہیں، عدالت کے پاس اس کے سوا دوسرا کوئی چارہ نہیں کہ وزیراعلی خیبرپختونخوا کو عدالت طلب کیا جائے۔

بعدازاں عدالت نے وزیراعلی خیبر پختونخوا علی امین گنڈا پور کو 22 جولائی کو طلب کرلیا۔ عدالت نے کہا کہ ایک صوبے کے منتخب وزیراعلی کی حیثیت سے یہ واقعات رونما ہورہے ہیں لہذا ان کا اس سلسلے میں کیا کردار رہا ہے؟ اس ضمن میں اب تک ان واقعات کی روک تھام کے لیے کیا اقدامات اٹھائے گئے؟

پاک فوج نے لائن آف کنٹرول کے دور افتادہ علاقوں میں فری میڈیکل کیمپس کا انعقاد کیا

ویب ڈیسک: پاک فوج کی جانب سے لائن آف کنٹرول کے دور افتادہ علاقوں میں فری میڈیکل کیمپس کا انعقاد کیا گیا ۔

تفصیلات کے مطابق فری میڈیکل و آئی کیمپس کا انعقاد رکھ چکڑی اور تحصیل ممتاز آباد کے گاؤں دھڑا خاص میں کیا گیا۔میڈیکل و آئی کیمپس میں پاک فوج اور الشفا آئی ہسپتال کے ڈاکٹرز نے شرکت کی،رکھ چکڑی میں 1000 جبکہ دھڑا خاص میں 1500 مریضوں کا مفت علاج ہوا۔ 

میڈیکل کیمپس میں 600 مریضوں نے آنکھوں کا معائنہ و علاج کروایا جبکہ 200 مریضوں کو بینائی کے چشمے مفت فراہم کیے گئے۔

اس حوالے سے مقامی لوگوں نے میڈیکل کیمپ کے انعقاد اور پاک فوج کی کاوشوں کو بھرپور سراہا ہے۔

غریب لوگوں کو علاج معالجہ کی سہولیات گھر کی دہلیز پر پہنچا کر پاک فوج نے اپنے لوگوں کے دل جیت لیے۔

وزیراطلاعات عظمی بخاری کو ایک اور عہدہ مل گیا

(ویب ڈیسک)وزیراطلاعات پنجاب عظمیٰ بخاری  کلچرل ڈیپارٹمنٹ کا اضافی چارج سونپ  دیا ۔

تفصیلات کےمطابق چیف سیکرٹری پنجاب نے عظمی بخاری کے اضافی چارج کا نوٹی فکیشن جاری کردیا ،کیبنٹ ڈویژن ٹو نے نوٹی فکیشن جاری کیا۔

اس کے علاوہ پنجاب حکومت نے سید کوثرعباس کو وزیراعلیٰ پنجاب مریم نواز کا میڈیا کوآرڈی نیٹر مقرر کر دیا ہے، سید کوثرعباس کو اعزازی طور پر میڈیا کوآرڈی نیٹرمقرر کیا گیا ہے،اس حوالے سے چیف سیکرٹری نے نوٹی فکیشن جاری کر دیا ہے ۔

داؤدی بوہرہ کمیونٹی کا کراچی میں اجتماع شیڈول

ویب ڈیسک: کراچی میں بوہرہ کمیونٹی کا اجتماع 7 سے 16 جولائی 2024 تک شیڈول کردیا گیا۔

تفصیلات کے مطابق دنیا بھر سے 39,000 سے زیادہ کمیونٹی ممبران کے پاکستان آنے کی توقع جن میں 16,000 ہندوستان سے بھی شامل ہیں۔

حکومت پاکستان نے 39,000 سے زیادہ کمیونٹی ممبران کی شرکت اور اجتماعی عمل کو ہموار کرنے کے لیے دنیا بھر میں اپنے سفارت خانوں کے ساتھ بڑے پیمانے پر اقدامات کیے ہیں۔

پاکستانی سفارت خانوں نے موثر رابطے اور مدد کو یقینی بنانے کے لیے واٹس ایپ گروپس قائم کیے ہیں۔ویزا سہولت کے بہتر اقدامات کے نتیجے میں صرف ہندوستان سے تقریباً 16,000 درخواستیں موصول ہوئی ہیں۔ 

خصوصی ویزا پروسیسنگ پروٹوکول نے عالمی سطح پر بوہرہ کمیونٹی کے اراکین کی درخواستوں کو ترجیح دی اور ان کو جلد نمٹایا ہے۔ مختلف سرکاری ایجنسیوں نے بڑے پیمانے پر لاجسٹک ضروریات کے لیے ایک مربوط حکمت عملی بنانے کے لیے بھی تعاون کیا ہے۔

مذہبی ہم آہنگی کے لیے پاکستان کا عزم بین الاقوامی مذہبی اجتماعات کے انعقاد اور حمایت کے بارے میں اس کے فعال موقف سے عیاں ہے۔یہ اقدام مذہبی برادریوں کے لیے ایک خوش آئند میزبان ملک کے طور پر پاکستان کے کردار کو واضح کرتا ہے۔

حکومت نے بہتر منصوبہ بندی کی اور نقل و حمل اور رہائش کے انتظامات سمیت لاجسٹک مدد فراہم کی ،تمام شرکاء کو سازگار ماحول فراہم کرنے کے لیے حفاظتی اقدامات کو یقینی بنایا گیا ہے۔

یہ اجتماع ثقافتی تبادلے اور باہمی افہام و تفہیم کے لیے ایک پلیٹ فارم کے طور پر کام کرتا اور عالمی ہم آہنگی اور تعاون کو فروغ دیتا ہے۔ایسی تقریبات کی میزبانی میں پاکستان کی کوششیں ایک ذمہ دار میزبان ملک کے طور پر اس کی بین الاقوامی ساکھ میں مثبت کردار ادا کرتی ہیں۔

حکومت کی فعال سہولت نے مستقبل کے ایسے بین الاقوامی تقریبات کے لیے ایک مثالی معیار طے کیا ہے۔

خیبرپختونخوا سرکاری ملازمین کی پنشن ختم کرنے والا پہلا صوبہ بن گیا

ویب ڈیسک: (علی زیدی) صوبائی حکومت نے پنشن اصلاحات کے لیے خیبرپختونخوا سول سرونٹ ایکٹ 1973 میں ترامیم کرکے پہلے سے رائج پنشن نظام کو تبدیل کردیا، اور نیا نظام متعارف کرا دیا ہے۔ جس کا باقاعدہ نوٹیفکیشن بھی جاری کردیا گیا۔

اس نئی اسکیم کا اطلاق جون 2022 کے بعد آنے والے تمام ملازمین پر ہوگیا تھا لیکن سول بیوروکریسی پر ہونا باقی تھا۔ تاہم اب صوبائی بیوروکریسی میں شامل ہونے والے نئے افسران پر بھی اس کا اطلاق ہوگیا ہے، جس کے بعد خیبرپختونخوا سرکاری ملازمین کی پنشن ختم کرنے والا پہلا صوبہ بن گیا۔

نیا پینشن نظام کیا ہے؟

خیبرپختونخوا حکومت نے پرانا پنشن نظام ختم کرکے نیا نظام متعارف کرا دیا ہے، جس کے مطابق جون 2022 کے بعد بھرتی ہونے والے ملازمین کو ماہانہ پنشن نہیں ملے گی، بلکہ یکمشت ادائیگی کی جائے گی، جس کے لیے باقاعدہ الگ بینک اکاؤنٹ ہوگا تاکہ ادائیگی کے وقت خزانے پر بوجھ نہ پڑے۔

صوبائی حکومت نے نئے پنشن نظام کو شراکت داری پنشن یا contributory pension کا نام دیا ہے۔ جس میں ملازمین سے ماہانہ ان کے اسکیل کے مطابق ایک خاص رقم کی کٹوتی ہوگی اور اس کے برابر صوبائی حکومت اپنا حصہ ڈالے گی۔

محکمہ خزانہ کے ایک افسر نے بتایا کہ صوبائی حکومت خصوصی پنشن بینک اکاؤنٹ کھول رہی ہے، جس سے بعد میں پنشن لینے والے ملازمین کو ادائیگی ہوگی۔

انہوں نے بتایا کہ ملازمین کی تعداد زیادہ ہونے کے باعث پنشن کی ادائیگی خزانے پر بوجھ بن رہی تھی جس سے ترقیاتی کاموں پر اثر پڑ رہا تھا۔

شراکت داری نظام میں ادائیگی کس طرح ہوگی؟

محکمہ خزانہ کے ایک متعلقہ افسر نے بتایا کہ نئے ملازمین کو مدت ملازمت کے ختم ہونے کے وقت یا ملازمت چھوڑنے کے وقت پنشن کی ادائیگی ہوگی، جو ان سے ماہانہ کٹوتی کی بنیاد پر ہوگی۔

انہوں نے کہاکہ ملازمین سے ان کے بنیادی پے اسکیل کی بنیاد پر ماہانہ سی پی فنڈ کی مد میں کٹوتی کی جائے گی اور اتنی ہی رقم حکومت ملازم کی پنشن میں جمع کرے گی، جو مدت ختم ہونے پر ملازم کو یکمشت ادا کردی جائے گی۔

انہوں نے بتایا کہ پنشن اکاؤنٹ میں پڑی رقم کہیں اور خرچ نہیں کی جائے گی اور اس پر بینک سے منافع بھی ملے گا، جس سے ملازمین کو ادائیگی ہوگی اور خزانے پر بوجھ بھی نہیں پڑے گا۔

انہوں نے مزید بتایا کہ وفاقی حکومت بھی نیا پنشن نظام لارہی ہے اور وہ بھی خیبرپختونخوا حکومت کو فالو کرے گی جس کے بعد پورے ملک میں پنشن کا یکساں نظام ہوگا۔

’نئے نظام میں یکمشت زیادہ رقم ملے گی‘

محکمہ خزانہ کے افسر نے بتایا کہ سی پی نظام کے تحت ماہانہ پنشن کی ادائیگی نہیں ہوگی لیکن یکمشت ادائیگی کی صورت میں پہلے سے کہیں زیادہ رقم ملے گی۔ ’نئے نظام کے تحت ملازمین کو بلاسود قرضے کی سہولت بھی ہوگی تاکہ پنشن سے پہلے گھر بنانے کے علاوہ کوئی اور کام بھی کرسکیں‘۔

پاکستان کے دفاع کے لیے بلوچستان کے سپوتوں کی عظیم قربانیاں

ویب ڈیسک: مادر وطن کے دفاع کی خاطر پاک فوج اور ایف سی بلوچستان کے جوان خون کی قربانی دیتے چلے آرہے ہیں۔

بلوچستان سے تعلق رکھنے والے شہداء کی عظیم قربانی کو خراج تحسین پیش کرتے ہوئے پاک فوج اور ایف سی بلوچستان کے افسران اور جوانوں نے شہداء کے ورثاء کے ہمراہ شہداء کے مزار پر پھولوں کی چادر چڑھائی اور فاتحہ خوانی کی۔

شہداء میں سپاہی نوراللہ جان شہید ،سپاہی غلام مصطفیٰ شہید، سپاہی عابد علی شہید، سپاہی محمد بشیر شہید اورنائیک گل داد شہید شامل ہیں۔

پاک فوج کی جانب سے دادو میں فری میڈیکل کیمپ کا انعقاد

 ویب ڈیسک: تالکہ مہر کے ڈسٹرکٹ دادو میں آرمی کی جانب سے فری میڈیکل کیمپ کا انعقاد کیا گیا۔

تفصیلات کے مطابق گورنمنٹ بوائز پبلک سکول شاپنجو سلطان دادو میں لگائے گئے میڈیکل کیمپ میں پاک آرمی کے ساتھ ڈسٹرکٹ ہیلتھ کوارٹرز عمر کوٹ کے  ڈاکٹرز نے مریضوں کا علاج کیا ۔مختلف شعبہ امراض کے ماہر ڈاکٹروں میں گائنی، چائلڈ اسپیشلسٹ، میڈیکل اور پیتھالوجسٹ کے ساتھ ساتھ مہر پیرا میڈک سٹاف بھی شامل تھے ۔

میڈیکل کیمپ میں لیبارٹری ٹیسٹ بشمول ڈینگی، ملیریا، ہیپاٹائٹس بی اور سی، آنتوں کا بخار، حمل کے ٹیسٹ، یورن RE اور بلڈ شوگر ٹیسٹس کی سہولت میسر تھی ۔مریضوں کو مفت ادویات، سپلیمنٹس اور طبی ھدایات مہیا کی گئیں۔

 متعدد مریضوں کی ویکسینیشن  کے ساتھ ساتھ حفظان صحت و ابتدائی طبی امدادی کٹس بھی فراہم کی گئیں ۔مریضوں میں مرد و خواتین اور بچوں سمیت کل 1360 سے زائد مریضوں کا علاج کیا گیا۔

مختلف امراض میں انیمیا،  URTI، ملیریا،  ڈینگی بخار، گیسٹرو اینٹرائٹس، غذائیت، ذیابیطس،  UTI ہائی بلڈ پریشر، قبل از پیدائش کی دیکھ بھال سے متعلق علاج معالجہ اور طبی ھدایات دی گئیں ۔

 علاقہ مکینوں نے پاک فوج کے فری میڈیکل کیمپ کا خیر مقدم اور مفت علاج و ٹیسٹس کی سہولیات مہیا کرنے پر شکریہ ادا کیا۔

مریم نواز کی 100 روزہ کارکردگی کی عالمی میڈیا پر تشہیر کا فیصلہ

ویب ڈیسک: (علی زیدی) وزیراعلیٰ پنجاب مریم نواز کو حکومت میں آئے اب 100 سے زیادہ دن ہوچکے ہیں۔ اس حوالے سے وہ پنجاب اسمبلی میں ایک لمبی چوڑی تقریر کرچکی ہیں۔ جس میں اپنی حکومت کی مجموعی کارکردگی کے بارے میں انہوں نے پارلیمان کو اعتماد میں لیا۔ 

تاہم اب پنجاب حکومت نے فیصلہ کیا ہے کہ 100 دن کی کارکردگی کی عالمی میڈٰیا پر بھی تشہیر کی جائے۔ ذرائع نے دعویٰ کیا ہے کہ جی ڈی این نامی ایجنسی کے ذریعے سی این این، بی بی سی، الجزیرہ، خلیج ٹائمز، سی این بی سی، یو ایس ٹوڈے، رائٹرز اور ای ایس پی این پر تشہیر کی جائے گی۔ 

یاد رہے کہ پاکستان کے صوبہ پنجاب کی وزیرِ اعلیٰ مریم نواز کے منصب پر 100 روز مکمل ہوتے ہی جہاں اخبارات میں تشہیری مہم کا سلسلہ شروع ہوا وہیں سوشل میڈیا پر اچانک متعدد فنکاروں اور انفلوئنسرز کی جانب سے مریم نواز کے حق میں ویڈیوز اور وی لاگز شائع ہونے لگے۔

اس حوالے سے متعدد انفلوئنسرز اور پی ٹی آئی کے حامیوں کی جانب سے یہ الزام عائد کیا گیا ہے کہ یہ ویڈیوز پنجاب حکومت کی جانب سے بطور تشہیری مہم کثیر رقم کے عوض بنوائی گئی ہیں۔

سوشل میڈیا پر متعدد صارفین کی جانب سے مذکورہ فنکاروں اور سوشل میڈیا انفلوئنسرز پر تنقید کی جا رہی ہے اور ان کے ڈراموں کا بائیکاٹ کرنے اور انھیں ان فالو کرنے جیسے مطالبات بھی کیے جا رہے ہیں۔

تاہم فنکاروں اور انفلوئنسرز کے لیے سوشل میڈیا پر کسی بھی جماعت کے سیاسی بیانیے کے لیے پسند ناپسند کا اظہار یا تشہیر آسان نہیں ہے اور انھیں مثبت کمنٹس سے لے کر شدید تنقید تک کا سامنا کرنا پڑ سکتا ہے۔ ماضی میں کئی فنکاروں کو اپنی مکمل سوشل میڈیا پروفائلز ہٹانا پڑی ہیں۔

بریکنگ نیوز: علی امین گنڈا پور کی ضمانت منظور

ویب ڈیسک: توڑ پھوڑ اور دفعہ 144 کی خلاف ورزی کے کیس میں وزیراعلیٰ خیبر پختونخوا علی امین گنڈا پور کی ضمانت منظور ہو گئی۔

تفصیلات کے مطابق علی امین گنڈاپور کی جانب سے ملک فیصل ایڈووکیٹ عدالت پیش ہوئے اور دلائل پیش کیے۔

ایڈیشنل ڈسٹرکٹ اینڈ سیشن جج راجا فیصل رشید نے فریقین کے دلائل سن کر آج فیصلہ محفوظ کیا تھا۔

سیشن جج فیصل رشید نے کیس کا فیصلہ سناتے ہوئے علی امین گنڈاپور کو 20 ہزار روپے کے ضمانتی مچلکے جمع کرانے کا حکم دیا۔

خیال رہے کہ علی امین گنڈاپور پر توڑ پھوڑ اور دفعہ 144 کی خلاف ورزی پر مقدمہ درج کیا گیا تھا۔

خیال رہے کہ چند روز قبل انسداد دہشتگردی کی عدالت نے اسلام آباد کے دو تھانوں میں درج مقدمات میں علی امین گنڈا پور کے ناقابل ضمانت وارنٹ گرفتاری جاری کیے تھے تاہم گزشتہ روز عدالت کے سامنے سرینڈر کرنے پر علی امین گنڈا پور کے وارنٹ گرفتاری منسوخ کر دیئے گئے تھے۔

بیرون ملک پاکستان کو بدنام کرنے والوں کو جمہوریت سے کوئی دلچسپی نہیں، نوازشریف

ویب ڈیسک: قائد مسلم لیگ ن اور سابق وزیراعظم نواز شریف نے اپنے ایک بیان میں کہا ہے کہ عدم استحکام پیدا کرنے والے عناصر اور بیرون ملک پاکستان کو بدنام کرنے والوں کو جمہوریت سے کوئی دلچسپی نہیں۔ 

بیرون ملک پاکستان کو بدنام کرنے والوں کو بھی جمہوریت سے کوئی دلچسپی نہیں۔ نواز شریف نے ایک دفعہ پھر پاکستان تحریک انصاف اور عمران خان کو تنقید کا نشان بناتے ہوئے کہا ہے کہ یہ لوگ کسی بھی محاذ پر پاکستان کی کمزوری یا ناکامی کو اپنی کامیابی تصور کرتے ہیں۔

مری میں میڈیا سے گفتگو کرتے ہوئے ان کا کہنا تھا کہ عدم استحکام پیدا کرنے والے عناصر کو جمہوریت سے کوئی دلچسپی نہیں۔ ان کاکہنا تھا کہ 7 سال پہلے جن مسائل پر قابو پالیا گیا تھا وہ پھر سنگین بحران بن چکے ہیں۔ 

دہشت گری کے مکمل خاتمے کے لئے افواج اور سیکیورٹی اداروں کی مکمل حمایت کی جانی چاہیے۔ امن وامان کا گہرا تعلق سرمایہ کاری اور ترقی و خوش حالی سے ہے۔

برطانیہ انتخابات: 4 نئے پاکستانی پارلیمنٹ پہنچ گئے، مجموعی تعداد 15 برقرار

ویب ڈیسک: برطانیہ میں ہونے والے عام انتخابات کے نتیجہ میں 4 نئے پاکستانی بھی پارلیمنٹ پہنچنے میں کامیاب ہوگئے ہیں۔ اس طرح پاکستانیوں کی مجموعی تعداد 15 برقرار ہے جبکہ شبانہ محمود واحد مسلم وزیر بننے میں کامیاب ہوئی ہیں۔ 

برطانوی پارلیمنٹ میں اس وقت 15 پاکستانی نژاد ارکان ہیں۔ دو دن قبل ہونے والے برطانوی الیکشن میں کامیاب ہونے والے پاکستانی نژاد افراد میں یاسمین قریشی، ناز شاہ، افضل خان، عمران حسین، روزینہ خان، محمد یاسین، ثاقب بھٹی، نصرت غنی، طاہر علی، زہرہ سلطانہ، ڈاکٹر زبیر، ایوب خان اور عدنان حسین شامل ہیں۔

برمنگھم کے علاقے لیڈی وُڈ کے حلقے سے لیبر پارٹی کی اہم رہنما شبانہ محمود نے پندرہ ہزار پانچ سو اٹھاون ووٹ حاصل کیے۔ شبانہ محمود 2010 سے پارلیمنٹ کی رکن منتخب ہوتی آرہی ہیں۔ ان کا تعلق آزاد کشمیر کے ضلع میرپور سے ہے۔

اس بار درجنوں حلقوں میں غزہ کا معاملہ سب سے اہم رہا جس کے باعث نتائج پر اثر پڑا۔ چار آزاد امیدوار غزہ ایشو پر کامیاب ہوئے۔ انہوں نے لیبر پارٹی کے امیدواروں کو شکست دی۔

برمنگھم کے علاقے پیری کے حلقے سے آزاد امیدوار بیرسٹر ایوب خان نے غزہ کے معاملے پر مہم چلائی اور غیر متوقع طور پر لیبر پارٹی کے خالد محمود کو شکست سے دوچار کیا۔ خالد محمود سب سے سینئر پاکستانی نژاد پارلیمنٹیرین تھے۔

برمنگھم کے حلقے ہال گرین اینڈ موسیلی کے حلقے سے لیبر پارٹی کے طاہر علی بارہ ہزار سات سو اٹھانوے ووٹ لے کر کامیاب ہوئے۔

امریکا میں 6 ماہ میں 40 ہزار چینی کاریں فروخت، خطرے کی گھنٹیاں بج اٹھیں

 ویب ڈیسک: کسی زمانے میں دنیا کی سب سے زیادہ کاریں بنانے والا ملک چین سے خوف زدہ، امریکا  میں 6 ماہ کے عرصہ میں 40 ہزار گاڑیوں کی فروخت نے سرمایہ داروں کی دنیا میں خطرے کی گھنٹی بجا دی ۔

اتنے کم عرصہ میں غیر معروف اور چینی برانڈز کی اتنی زیادہ تعداد میں کاروں کی فروخت نے ڈیلرشپ سے لے کر انویسٹرز تک ہر جگہ خطرے کی گھنٹیاں بجا دی ہیں 

’’ لنکن ناٹیلس’’ دوسری جنریشن کی کار کو بنیادی طور پر چینی مارکیٹ کو ذہن میں رکھتے ہوئے ڈیزائن اور تیار کیا گیا تھا، لیکن 2024 کے اوائل میں امریکا میں فروخت ہونے کے بعد سے یہ اب  سب سے تیزی سے برانڈ کی سب سے زیادہ فروخت ہونے والی گاڑی بن گئی ہے۔

سال کی پہلی ششماہی میں 17,504 Nautiluses فروخت کیے گئے، جو کہ 2023 میں اسی مدت کے مقابلے میں 41.7 فیصد اضافہ ہوا اور برانڈ کے اگلے سب سے زیادہ فروخت ہونے والے، Corsair کو تقریباً 5,000 یونٹس سے پیچھے چھوڑ دیا۔

لنکن نے Q2 میں 8,273 Nautiluses کو منتقل کیا، جو گزشتہ سال Q2 کے مقابلے میں 20.8 فیصد زیادہ ہے۔
 بیوک  Envision SUV امریکا میں فروخت ہونے والی پہلی چین کی کار تھی جب اس نے 2015 میں  لانچ ہوکر تہلکا مچا دیا تھا۔ 

بیوک نے سال کی پہلی ششماہی میں 21,860 اینویژنز فروخت کیے، تقریباً 21 فیصد کی کمی جس کا امکان ماڈل کے حالیہ فیس لفٹ کی وجہ سے ہے۔
پیرنٹ کمپنی گیلی کی مدد سے، امریکہ نے اب نصف دہائی سے زائد عرصے سے چین میں تیار کردہ وولووس حاصل کر لیا ہے۔ فی الحال صرف ایک S90 سیڈان رہ گئی ہے، جو کبھی زیادہ مضبوط فروخت کنندہ نہیں رہی۔ وولوو S90 کی فروخت کو ختم نہیں کرتا ہے، بجائے اس کے کہ سویڈن میں بنائی گئی V90 ویگن کے ساتھ مل کر، اور 90 سیریز میں سے صرف 808 سال کے پہلے نصف میں فروخت ہوئیں۔
Geely  کے  بینر تلے، چین کا بنایا ہوا Polestar 2 2020 سے امریکا میں فروخت ہو رہا ہے۔ پولسٹر کی فروخت اس سال پوری دنیا میں بہت کم ہوئی ہے، پولسٹر 2 کے صرف 3,301 یونٹس سال کے پہلے نصف میں فراہم کیے گئے تھے۔ امریکا میں  اس سال کے آخر میں پولسٹار 4 فروخت کے لیے پیش کیا جائے گا، جسے اگلے سال جنوبی کوریا میں پیداوار شروع ہونے سے پہلے چین میں بھی بنایا جائے گا۔

سونے کی فی تولہ قیمت میں ہزاروں روپے کا اضافہ

ویب ڈیسک: سونے کی قیمت آؤٹ آف کنٹرول ہوگئی ہے۔ آج بھی فی تولہ قیمت میں ہزاروں روپے کا اضافہ کردیا گیا ہے۔ 

تفصیلات کے مطابق صرافہ مارکیٹ میں سونے کی قیمت میں اضافہ کردیا گیا ہے۔ سونے کی فی تولہ قیمت میں 2 ہزار روپے کا اضافہ کردیا گیا ہے۔ سونا 2 لاکھ 46 ہزار 400 روپے فی تولہ ہوگیا ہے۔ 

اسی طرح 10 گرام سونے کی قیمت میں 1740 روپے کا اضافہ کیا گیا ہے۔ 10 گرام سونا 2 لاکھ 11 ہزار 247 روپے پر پہنچ گیا ہے۔ 

دوسری جانب عالمی مارکیٹ میں سونا 24 ڈالر کے اضافے سے 2388 ڈالر فی اونس کا ہوگیا ہے۔ 

چاندی کی فی تولہ قیمت 50 روپے کے اضافے سے 2 ہزار 900 روپے ہو گئی ہے۔

پاکستان میں دودھ فرانس سے زیادہ مہنگا

ویب ڈیسک: پاکستان میں فی لیٹر ڈبہ پیک دودھ دنیا کے کئی ممالک سے مہنگا، بلوم برگ نے قیمتوں پر رپورٹ جاری کردی۔

بلومبرگ کی ایک رپورٹ کے مطابق، وفاقی بجٹ میں نئے ٹیکس کے نفاذ کے بعد پاکستان میں دودھ کی قیمتوں میں 20 فیصد سے زائد کا اضافہ ہوا، جس سے ڈیری مصنوعات فرانس، آسٹریلیا اور دیگر ممالک کے مقابلے مہنگی ہو گئی۔

کراچی کی سپر مارکیٹوں میں، الٹرا ہائی ٹمپریچر (UHT) دودھ اب 370 روپے ($1.33) فی لیٹر میں فروخت ہوتا ہے۔ یہ ایمسٹرڈیم میں $1.29، پیرس میں $1.23، اور میلبورن میں $1.08 کی قیمتوں سے متصادم ہے، جیسا کہ بلومبرگ کے ڈیٹا کے مطابق رپورٹ کیا گیا ہے۔

یہ اضافہ پچھلے ہفتے قومی بجٹ میں منظور ہونے والی حالیہ ٹیکس اصلاحات کے ایک حصے کے طور پر پیک شدہ دودھ پر 18 فیصد ٹیکس عائد کیے جانے کے بعد ہوا ہے۔ پہلے دودھ کو ایسے ٹیکسوں سے مستثنیٰ قرار دیا جاتا تھا۔

بلومبرگ کے حوالے سے ڈچ ڈیری پروڈیوسر رائل فریز لینڈ کیمپینا NV کے مقامی ڈویژن کے ترجمان محمد ناصر کے مطابق، ان تبدیلیوں سے پہلے، دودھ کی قیمتیں ترقی پذیر ممالک جیسے کہ ویتنام اور نائیجیریا کے برابر تھیں۔

دودھ کی قیمتوں میں اضافے کے ساتھ دیگر ٹیکس ایڈجسٹمنٹ نے حالیہ مہینوں میں پہلے ہی ریکارڈ مہنگائی سے دوچار ملک میں تشویش کو جنم دیا ہے۔ اگرچہ حال ہی میں اعلیٰ بنیاد کے اثر کی وجہ سے افراط زر کی شرح میں کچھ کمی آئی ہے، لیکن ماہرین کا خیال ہے کہ نیا بجٹ مہنگائی کے دباؤ کو دوبارہ بحال کر سکتا ہے۔

ناقدین نے دودھ جیسی اشیا پر بڑھے ہوئے ٹیکس کی مذمت کرتے ہوئے کہا ہے کہ اس سے بچوں کی غذائیت پر منفی اثر پڑے گا۔ 

ایلون مسک کی ٹیسلااب چین کی سرکاری کار ہوگی

ویب ڈیسک : ٹیسلا پہلی دفعہ چین کی سرکاری خریداری کے لئے منظور شدہ کاروں کی فہرست میں شامل ،  ایلون مسک کی ملکیتی ٹیسلا واحد غیر ملکی برانڈ ہے جسے چین نے سرکاری طور پر خریداری کیلئے منظوری دی ہے۔

سرکاری میڈیا آؤٹ لیٹ Paper.cn کے مطابق،  مشرقی چین کے صوبہ جیانگ سو کی  سرکاری خریداری کیٹلاگ پر واحد غیر ملکی ملکیتی EV کار برانڈ ہے۔

 منظور شدہ برانڈز میں  چین کی گیلی کی ملکیت والی وولوو اور سرکاری SAIC  کاریں بھی شامل ہیں۔ اس کا  دوسرا مطلب یہ ہے کہ صوبے میں سرکاری ایجنسیاں اور عوامی گروپ انہیں سروس کاروں کے طور پر خرید سکتے ہیں،  اسے  ایلون مسک کی بڑی کامیابی قرار دیا گیاہے۔

یہ پیشرفت چینی سوشل میڈیا پر وائرل ہو گئی ہے، جس میں  سوشل میڈیا صارفین نے سوال  بھی اٹھائے ہیں  کہ کیا حکومت چین  کو غیر ملکی کاروں کے استعمال پر غور کرنا چاہیے۔

 جس پر جیانگ سو حکومت نے ی جواب دیا ہے کہ ٹیسلا ماڈل "ایک چینی ساختہ کار ہے، درآمد نہیں کی گئی"۔

ٹیسلا، جس کی شنگھائی میں ایک بڑی گیگا فیکٹری ہے، نے 2023 میں چین میں تقریباً 947,000 کاریں تیار کیں، اور ان میں سے زیادہ تر مقامی طور پر  فروخت ہوئیں۔

 سی این این کی رپورٹ کے مطابق چین اس وقت  Tesla کے لیے تیزی سے ایک اہم مارکیٹ بن گیا ہے، کیونکہ  یہاں دنیا بھر میں فروخت ہونے والی ٹیسلا کی نصف تعداد فروخت ہوتی ہے   پچھلے سال، ٹیسلا نے اپنی کل آمدنی کا تقریباً ایک چوتھائی چین سے حاصل کیا۔

لیکن امریکی کار ساز کمپنی کو چینی حریفوں سے بڑھتے ہوئے مقابلے کا بھی سامنا ہے۔ BYD نے 2023 کی آخری سہ ماہی میں Tesla کو کرہ ارض پر EVs کے سب سے بڑے فروخت کنندہ کے طور پر پیچھے چھوڑ دیا۔ Tesla نے اس سال کے پہلے نصف میں اپنی پوزیشن دوبارہ حاصل کی، لیکن دونوں میں سر توڑ مقابلہ جاری ہے .

 یادرہے جاسوسی اور ڈیٹا کی حفاظت کے خدشات کی وجہ سے اس سے قبل ٹیسلا کاروں کو چین میں کچھ سرکاری اور ملٹری کمپلیکس میں داخل ہونے سے روک دیا گیا تھا۔

 تاہم  یہ اعلان اسی دن سامنے آیا جب مسک نے بیجنگ کا دورہ کیا اور وزیر اعظم لی کیانگ سے ملاقات کی، جنہوں نے ٹیسلا کو امریکا-چین تعاون کے لیے "کامیاب ماڈل" کے طور پر سراہا۔

لیکن، زیادہ تر محاذوں پر، چین اور مغرب کے درمیان کشیدگی بڑھ رہی ہے۔

یورپی کمیشن نے تصدیق کی ہے کہ وہ چین میں بنی الیکٹرک گاڑیوں کی درآمد پر جمعہ سے 37.6 فیصد تک اضافی ٹیرف لگائے گا۔ یہ دوسری الیکٹرک گاڑیوں کی نسبت 20.8 فیصد زائد ٹیکس ہے۔

محصولات، جن کا اعلان پہلی بار جون کے اوائل میں کیا گیا تھا، کو یورپی یونین کی جانب سے حکومت کی جانب سے "غیر منصفانہ" حمایت کے ساتھ بنی سستی چینی کاروں کے سیلاب کو روکنے کے لیے ایک ضروری اقدام کے طور پر دیکھا جاتا ہے۔

دوسری طرف بھارت اب ایلون مسک اور ٹیسلا کی ترجیح نہیں رہا ،بلومبرگ کے مطابق ایلون مسک نے اپریل میں اپنا دورہ منسوخ کرنے کے بعد سے ٹیسلا نے ہندوستان کی حکومت کے ساتھ کوئی رابطہ نہیں کیا۔
 یادرہےTesla ابتدائی طور پر بھارت میں ایک نئی فیکٹری بنانے کی منصوبہ بندی کر رہا تھا  جبکہ اب  مسک نے سرمایہ کاروں سے کہا ہے کہ وہ ٹیسلا کو آٹو میکر کے بجائے AI یا روبوٹکس کمپنی کے طور پر اہمیت دیں۔ٹیسلا اور اس کے سی ای او ایلون مسک کے لیے بھارت اب ترجیح نہیں ۔بلومبرگ  کا کہنا ہے کہ  اپریل میں اپنا ہندوستان کا دورہ منسوخ کرنے کے بعد سے ارب پتی کی ٹیم نے ملک کے حکام کے ساتھ کوئی بات نہیں کی۔

میں ہسپتال نہیں جاسکتی،سوناکشی حمل کی خبروں پرمیدان میں آگئیں

ویب ڈیسک: معروف بھارتی اداکارہ سوناکشی سنہا شادی کے بعد اسپتال جانے اور اسکے بعد پھیل جانے والی افواہوں سے تنگ آگئیں۔

تفصیلات کے مطابق سوناکشی گزشتہ ماہ سے اپنی شادی کی خبروں اور گھر والوں کی ناراضگی کی افواہوں کے سبب چرچوں میں تھیں تاہم اب ان کا اپنے حاملہ ہونے سے متعلق خبر پر ردعمل بھی سامنے آ گیا۔اداکارہ سے متعلق افواہیں تھیں کہ اداکارہ شادی کے فوراً بعد اسپتال اس لیے پہنچیں کہ وہ حمل سے ہیں۔

ان افواہوں کے ردعمل میں سوناکشی کا کہنا تھا کہ شادی کے بعد اب ایک ہی تبدیلی آ گئی ہے کہ اب ہم اسپتال نہیں جا سکتے ہیں کیونکہ جیسے ہی آپ نکلو، لوگوں کو لگتا ہے کہ آپ حاملہ ہو۔

خیال رہے کہ اداکارہ اپنی شادی کے چند ہی روز بعد  اپنے والد شتروگھن سنہا کو دیکھنے اسپتال پہنچی تھی جو ناساز طبیعت کے باعث اسپتال میں ایڈمٹ تھے۔

واضح رہے اداکارہ اور ظہیر اقبال 2017 سے ایک دوسرے کے ساتھ تعلقات میں ہیں،  اداکارہ کا ظہیر سے متعلق کہنا تھا کہ میں خوش ہوں کہ میری زندگی شادی سے قبل ہی خوبصورت بن گئی ہے۔

دوسری جانب سوناکشی سنہا اور ان کی فیملی کے درمیان مسلمان لڑکے کو لے کر بھی اختلافات سامنے آئے تھے، جہاں سوناکشی کی والدہ اور بھائی اس رشتے سے ناخوش تھے تاہم والدہ شادی میں موجود تھیں۔

اس سے قبل اداکارہ اپنی فلم ’ہیرا منڈی‘ کے باعث چرچوں میں تھیں،جس میں سوناکشی کا کردار ’فریدن‘ سب کو بھا گیا تھا۔

انٹرمیڈیٹ کے سالانہ امتحانات کے نتائج کی تاریخ کا اعلان ہوگیا

ویب ڈیسک: بورڈ آف انٹرمیڈیٹ اینڈ سیکنڈری ایجوکیشن (FBISE) نے سیکنڈری سکول سرٹیفکیٹ (SSC) پارٹ I اور II کے پہلے سالانہ امتحانات کے نتائج کی تاریخ کا باضابطہ اعلان کر دیا ہے۔

پریس ریلیز میں فیصل آباد بورڈ آف انٹرمیڈیٹ اینڈ سیکنڈری ایجوکیشن نے کہا کہ اس سال مارچ اور اپریل میں ہونے والے امتحانات کے نتائج کا اعلان جمعہ 12 جولائی 2024 کو صبح 11:00 بجے کیا جائے گا۔

وفاقی بورڈ نے امیدواروں کے نتائج تک رسائی کے طریقہ کار کی بھی تفصیل دی۔ تمام امیدواروں کو نتائج بذریعہ ایس ایم ایس پہنچائے جائیں گے، بشرطیکہ انہوں نے اپنے داخلہ فارم میں اپنے سیل فون نمبر درج کیے ہوں۔

امیدوار اپنے نتائج آن لائن ایف بی آئی ایس ای کی آفیشل ویب سائٹ www.fbise.edu.pk پر بھی دیکھ سکتے ہیں۔

مزید برآں، امیدوار اپنا رول نمبر اس فارمیٹ میں بھیج کر ایس ایم ایس کے ذریعے اپنے نتائج حاصل کرسکتے ہیں۔ ایف بی [اسپیس] [رول نمبر] یونیفائیڈ کوڈ 5050 پر۔

دوسری جانب پنجاب کے تمام نو تعلیمی بورڈز میٹرک کے امتحانات 2024 کے نتائج کا اعلان 9 جولائی بروز منگل صبح 10 بجے کریں گے۔ بورڈ آف انٹرمیڈیٹ اینڈ سیکنڈری ایجوکیشن (BISE) نے کہا کہ طلباء اپنے نتائج متعلقہ بورڈ کی ویب سائٹ یا موبائل فون پر آن لائن دیکھ سکتے ہیں۔

وزٹ ویزا پر متحدہ عرب امارات جانے والے پاکستانیوں کیلئے اہم خبر

ویب ڈیسک: متحدہ عرب امارات میں پاکستان کے سفیر فیصل ترمذی نے اہلِ وطن سے کہا ہے کہ وہ یو اے ای کے سفر سے پہلے تمام متعلقہ قوانین سے اچھی طرح واقفیت پیدا کریں، مطلوبہ دستاویزات کے بغیر سفر نہ کریں۔

مشرقِ وسطیٰ کی ویب سائٹ کو دیے گئے انٹرویو میں فیصل ترمذٰی نے کہا کہ مطلوبہ دستاویزات نہ ہونے کی صورت میں یو اے ای آنے والوں کو شدید مشکلات کا سامنا ہوسکتا ہے۔

فیصل ترمذی کا مشورہ ہے کہ کوئی بھی پاکستانی وزٹ ویزا پر یو اے ای پہنچ کر ملازمت تلاش کرنے کے بجائے یہاں قائم کسی کاروباری ادارے سے پہلے جاب آفر حاصل کرے۔ جاب آفر کی بنیاد پر آنے والوں کے لیے مشکلات کھڑی نہیں ہوتیں۔

وزٹ ویزا پر آکر جاب تلاش کرنے والوں کو واپس بھیجے جانے کا امکان ہے۔ سیاحت کے لیے آنے والے صرف گھومیں پھریں، ملازمت تلاش نہ کریں۔

پاکستانی سفیر نے بتایا کہ آٹھ ماہ کے دوران ناکافی دستاویزات کے باعث پاکستانیوں کو یو اے ای میں داخل ہونے سے روکنے کے واقعات میں اضافہ ہوا ہے۔

فیصل ترمذی کا کہنا تھا کہ یو اے ای میں پاکستانی شہریوں کے داخل ہونے پر کوئی پابندی نہیں۔ وزٹ ویزا پر آنے والے پاکستانیوں کی طرف سے بہت سی کالز موصول ہوتی ہیں۔ حکام بتاتے ہیں کہ ان کے پاس مطلوبہ دستاویزات نہیں۔ وزٹ ویزا پر بھی آنے والوں کے پاس ریٹرن ٹکٹ، ہوٹل کی بکنگ اور تین تا پانچ ہزار درہم ہونے چاہئیں۔

بہت سے لوگ اس خیال سے یو اے ای آتے ہیں کہ ایک بار وہاں پہنچ گئے تو کوئی نہ کوئی جاب تلاش کر ہی لیں گے۔ ایسے لوگوں کو غیر معمولی مشکلات کا سامنا کرنا پڑتا ہے۔ فیصل ترمذی نے انتباہ کیا کہ محض آسرے کی بنیاد پر یو اے ای آنا اندھیرے میں تیر چلانے کے مترادف ہے۔

عوامی صدر ہونےکادعویٰ،زرداری نے 20مہنگی گاڑیاں مانگ لیں

ویب ڈیسک: (دانش منیر) صدر مملکت آصف علی زرداری نے دورہ لاہور کیلئے ایوان صدر نے 20 گاڑیاں مانگ لیں۔

تفصیلات کے مطابق ذرائع کا کہنا ہے کہ 20 گاڑیوں میں 5 بم پروف گاڑیاں بھی شامل ہیں،آصف علی زرداری کی سیکیورٹی کے لیے 14 سیکیورٹی آفشل بھی لاہور آئیں گے،سیکیورٹی آفیشل آصف علی زرداری کی لاہور آمد سے 2 دن قبل لاہور پہنچیں گے۔

ذرائع کا کہنا ہے کہ صدر مملکت کو پنجاب حکومت کی طرف سے مزید سیکیورٹی بھی فراہم کی جائے گی,آصف علی زرداری کی 9 جولائی کو لاہور آمد متوقع ہے اور آصف علی زرداری لاہور میں 2 روزہ قیام کریں گے جبکہ آصف علی زرداری اراکین اسمبلی اور رہنماؤں سے ملاقات کریں گے۔

پاکستان میں نکاح رجسٹریشن کا نیا نظام متعارف کروایا جارہا ہے؟

ویب ڈیسک: پاکستان میں نکاح رجسٹریشن کا نیا نظام متعارف کروایا جارہا ہے ایسی خبریں سوشل میڈیا پر کا فی چل رہیں ہیں، اس بات میں کتنی حقیقت ہے جانتے ہیں۔

پاکستان میں نکاح رجسٹریشن کے نئے نظام کی خبریں سوشل میڈیا پر زیر گردش ہیں, کہا جارہاہے کہ ملک میں نکاح رجسٹریشن ختم کر کے اس کی جگہ ایک ٹیب متعارف کروایا جا رہا ہے جس کے تحت نکاح خواں کا اس ٹیب میں اکاؤنٹ بنایا جائے گا۔

اس کے علاوہ نکاح کی فیس نکاح خواں کی جانب سے جمع کروائی جائے گی۔ اور نکاح گواہان کے شناختی کارڈ کو سکین کر کے بائیومیٹرک ہوگی۔ جب شناختی کارڈ کی سکیننگ اور انگوٹھے کے نشان کی تصدیق ہو جائے گی تو اسی صورت میں گواہ قابل قبول ہوں گے۔

ساتھ میں یہ بھی کہا جا رہا ہے کہ اس سارے عمل کے دوران دلہا کی تصویر بھی مولوی صاحب بنائیں گے۔ اگر دلہا مفرور ہوا یا کسی مقدمے میں اشتہاری یا ٹیکس چور ہوا تو دلہا کو موقع پر گرفتار کرلیا جائے گا کیونکہ ٹیب کا تصویری رابطہ نادرا سے منسلک ہوگا۔

اس خبر کی تصدیق کے لیے جب نادرا کے ڈپٹی ڈائریکٹر عمر سعید سے بات کی گئی تو ان کا کہنا تھا کہ ان کے علم میں اب تک ایسی کوئی چیز نہیں آئی۔ کیونکہ اس سارے نظام نے کیسے چلنا ہے، یہ سب معلومات  صوبائی حکومتوں سے متعلقہ ہیں۔ البتہ نادرا کا اس میں یہ کردار ہوتا کہ وہ شناختی کارڈ کی تصدیق کرتا۔ اور  نادرا کا کام یہی ہے کہ اس سارے نظام کے لیے کوئی سافٹ وئیر بنا کر دیتا۔

انہوں نے کہا صوبائی حکومتوں کی جانب سے اب تک ہم سے اس حوالے سے کسی نے بات چیت نہیں کی۔ اگر ایسا کچھ ہوتا تو وہ نادرا سے ضرور مشاورت کرتے۔ اس لیےکم از کم ہمیں اس حوالے سے بالکل بھی معلومات حاصل نہیں ہے۔

پاکستان میں پہلی مرتبہ دل کی شریانوں کی گرافٹنگ کا کامیاب آپریشن

ویب ڈیسک: پاکستانی ڈاکٹر بھی کسی سے کم نہیں۔ دل کی شریانوں کی گرافٹنگ کا ملکی تاریخ میں پہلی مرتبہ کامیاب آپریشن کردیا گیا ہے۔ وزیراعلیٰ سندھ نے ڈاکٹروں کی ٹیم کو مبارکباد دی ہے۔

ترجمان وزیراعلیٰ سندھ کے جاری کردہ بیان کے مطابق وزیراعلیٰ سندھ سید مراد علی شاہ نے گمبٹ انسٹی ٹیوٹ آف میڈیکل سائنسز میں عارضہ قلب کے کامیاب آپریشن پر گمبٹ ٹیم کو مبارکباد پیش کی ہے۔ 

وزیراعلیٰ سندھ نے اپنے بیان میں کہا ہے کہ بیک وقت  ہائبرڈ کورونری ریواسکولرائزیشن  کاLIMA سے LAD گرافٹ اور بائیں سرکم فلیکس کورونری شریان کی اسٹینٹنگ کی کامیابی بہت بڑی خوشخبری ہے۔ پہلا ہائبرڈ کورونری ریواسکولرائزیشن سرجری 3 جولائی 2024 کو کامیابی کے ساتھ  انجام دینے پر گمبٹ کی ٹیم خراج تحسین کی مستحق ہے۔ 

بتایا گیا ہے کہ مریض بالکل ٹھیک اور تیزی سے ریکور ہورہا ہے۔ میں صحت کے شعبے خصوصاً ڈائریکٹر ڈاکٹر رحیم بخش بھٹی کو اس شاندار کامیابی پر مبارکباد پیش کرتا ہوں۔ انہوں نے اس عزم کو دہرایا کہ ہم ملک بالخصوص صوبہ سندھ  کے عوام کو صحت کی ہر بنیادی سہولت دینے کے لیے ہمیشہ کوشاں رہیں گے۔ 

وزیراعلیٰ سندھ کا کہنا تھا کہ میں ایک بار پھر کارڈیک سرجری ٹیم، کارڈیالوجی ٹیم اور اینستھیزیا ٹیم کو دل کی گہرائیوں سے مبارکباد دیتا ہوں۔ ہمیں امید ہے کہ ہم صحت کے شعبے میں مزید بہتری لاکر عوام کی خدمت کریں گے۔ ہم اپنے عزم پر عمل پیرا ہیں اور بین الاقوامی معیار کے مطابق لوگوں کو صحت کی ہرممکن سہولت فراہم کرنے کی کوشش کرتے رہیں گے۔

تاریخ کی سب سے پر تشدد فلم ’’کل Kill’’ ، مرزا پور اور اینیمل کی بھی باپ نکلی

ویب ڈیسک :اپنی مرضی سے یہ فلم دیکھیں ، وارننگ  کے ساتھ ریلیز ہونے والی فلم ’’کلKill’’ برصغیر کی تاریخ کی سب سے پرتشدد فلم  قرار،’’ اینیمل’’ اور ’’ مرزا پور’’ کو بھی پیچھے چھوڑ دیا۔

 کرن جوہر اور گنیت مونگا کی فلم ’کِل‘ خونریزی، سسپنس اور ایکشن سے بھرپور  ہے تاہم عوام نے  تشدد کو بڑھاوا دینے پر فلم ڈائریکٹر اور ٹیم کو تنقید کا نشانہ بنایا ہے جبکہ تاہم فلم کے ڈائریکٹر نکھل بھٹ  کاکہنا ہے کہ انہوں نے تشدد کو مثبت انداز میں نہیں دکھایا بلکہ اس سے جُڑے خوفناک درد کو اجاگر کیا ہے۔

سنیما گھروں کی زینت بننے والی اس فلم کی کہانی ایک فوجی کی ہے جس کی گرل فرینڈ کو اغوا کر لیا جاتا ہے اور پھر وہ ایک ٹرین کو جنگ و جدل کا میدان بنا دیتا ہے۔
’کِل‘ میں فوجی کا کردار اداکار لکھشیا نے نبھایا ہے جبکہ ولن کا کردار مشہور ڈانسر راگھو جئول نے ادا کیا ہے۔
’کِل‘ کی کہانی کے حوالے سے نکھل بھٹ نے ایک انٹرویو میں بتایا کہ انہوں نے اپنے ذاتی تجربے کی بنیاد پر یہ کہانی لکھی۔
’یہ 95-1994 کی بات ہے جب میں طالب علم تھا، اور پٹنہ سے پونے جانے والی بمبے جنتا ایکسپریس کی سلیپر کلاس میں سفر کرتا تھا۔ ایک رات (سفر میں) میں جاگا تو سمجھا کہ ہم الٰہ آباد پہنچ گئے ہیں لیکن ٹرین ایک چھوٹے سے سٹیشن پر رکی ہوئی تھی کیونکہ اے سی کوچز کو 25 سے 30 ڈکیتوں نے لُوٹ لیا تھا۔ انہوں نے بعض مسافروں پر تشدد کیا اور کچھ کو خنجروں سے مارا۔‘
انہوں نے کہا کہ ’میں نے یہ کہانی 2016 میں لکھی۔۔۔ یہ میرے بہت قریب ہے۔ یہ ذاتی دکھ، درد، غصے، بدلے اور خوف کا سفر ہے۔

دوسری طرف فلم نے ایک ہی دن میں بھارتی سرکٹ میں 1.20 کروڑ روپے کما لئے ہیں اور فلمی پنڈتوں کا کہنا ہے کہ یہ بہت زیادہ کمائی کرنے والی فلم ثابت ہوگی۔
 
 

ایواسٹین انجکشن سے مریضوں کی بینائی جانے کا معاملہ، ڈاکٹروں کیلئے ایس او پیز جاری

ویب ڈیسک: (سلیمان چودھری) ایواسٹین انجکشن سے مریضوں کی بینائی جانے کے معاملے میں نئی پیشرفت سامنے آئی ہے۔ جہاں ڈاکٹروں کیلئے نئے ایس او پیز جاری کردیے گئے ہیں۔ 

تفصیلات کے مطابق ایواسٹین انجکشن سے 60 مریضوں کی بینائی ضائع ہونے کا واقعہ رونما ہوا تھا۔ اب نئی پیشرفت کے بعد شوگر کے مریضوں کی بینائی ضائع ہونے سے بچانے کے لیے اوسٹن  انجکشن کے دوبارہ استعمال کی اجازت دے دی گئی ہے۔ 

پنجاب حکومت نے ایواسٹین انجکشن مریضوں کو لگانے کی دوبارہ منظوری دے دی ہے۔ اس حوالے سے محکمہ صحت نے اوسٹن انجکشن کے استعمال بارے نئے ایس او پیز جاری کر دیے ہیں۔ 

جس کے تحت ایواسٹین انجکشن صرف رجسٹرڈ فارمیسیز ، سرکاری ہسپتال اور رجسٹرڈ ماہر امراض چشم کو مجاز ڈسٹری بیوٹرز سپلائی کر سکیں گے۔ پنجاب ہیلتھ کیئر کمیشن سے رجسٹرڈ ہسپتال ہی اوسٹن انجکشن خرید سکتے ہیں۔ 

ایم بی بی ایس کے بعد پوسٹ گریجوایشن کرنے والے ڈاکٹر جن کے پاس تین سال کا تجربہ ہو گا۔ وہ انجکشن لگوانے کا مجاز ہوگا۔ انجکشن لگانے کی ویڈیو بھی ریکارڈ کی جائے گی۔

ہسپتالوں سے ایواسٹین انجکشن کو سرنجز میں بھر کر باہر بھجوانے پر پابندی ہوگی۔

2024-25 میں پاکستان ٹیم کن ٹیموں کے خلاف کھیلےگی، پی سی بی نے شیڈول جاری کردیا

ویب ڈیسک: پاکستان کرکٹ بورڈ  (پی سی بی) نے 2024-25  کے ہوم انٹرنیشنل سیزن کی تفصیلات کا اعلان کردیا ہے۔پاکستان ، سیزن میں بنگلہ دیش، انگلینڈ اور ویسٹ انڈیز کی میزبانی کرے گا۔نیوزی لینڈ اور جنوبی افریقہ کے ساتھ سہ فریقی ون ڈے سیریز بھی کھیلی جائے گی۔یہ 21 سال میں پاکستان کی پہلی سہ فریقی ون ڈے سیریز ہوگی۔

تفصیلات کے مطابق پاکستان کرکٹ ٹیم اس سیزن میں تین ٹیسٹ سیریز کھیلنے کے ساتھ ساتھ چیمپئنز ٹرافی سے قبل  سہ فریقی ون ڈے سیریز بھی کھیلے گا جو 21 سال میں اس کی پہلی سہ فریقی ون ڈے سیریز ہوگی۔ ہوم انٹرنیشنل سیزن کا آغاز بنگلہ دیش کے خلاف دو ٹیسٹ میچوں کی سیریز سے ہوگا جو راولپنڈی میں 21 سے25 اگست تک اور کراچی میں 30 اگست سے 3 ستمبر تک کھیلے جائیں گے۔

 انٹرنیشنل ہوم سیزن کا اختتام  آئی سی سی چیمپئنز ٹرافی 2025 پر ہوگا جس کا فائنل  9 مارچ کو تجویز کیا گیا ہے۔

اس کے درمیان  پاکستان انگلینڈ کے خلاف تین ٹیسٹ میچوں کی میزبانی کرے گا جو ملتان میں  7 تا 11 اکتوبر کراچی میں  15تا 19 اکتوبر اور  راولپنڈی میں  24تا28 اکتوبر کھیلے جائیں گے جبکہ  ویسٹ انڈیز کی ٹیم کراچی میں  16 تا 20 جنوری اور ملتان میں 24 تا 28 جنوری ٹیسٹ میچ کھیلے گی۔ نیوزی لینڈ اور جنوبی افریقہ کے ساتھ سہ فریقی ون ڈے سیریز ملتان میں 8 سے 14 فروری تک کھیلی جائے گی۔

واضح رہے کہ بنگلہ دیش نے آخری بار پاکستان میں ٹیسٹ فروری 2020 میں کھیلا تھا۔ انگلینڈ نے آخری بار پاکستان میں ٹیسٹ سیریز دسمبر2022 میں کھیلی تھی۔ ویسٹ انڈیز کی ٹیم نے آخری مرتبہ پاکستان کی سرزمین پر ٹیسٹ سیریز نومبر2006 میں کھیلی تھی ویسٹ انڈیز کے کپتان برائن لارا اور پاکستان کے کپتان انضمام الحق تھے۔پاکستان نے آخری مرتبہ ویسٹ انڈیز کی میزبانی اکتوبر 2016میں متحدہ عرب امارات میں کی تھی۔

ہوم انٹرنیشنل میچز کے علاوہ  پاکستان کرکٹ ٹیم آسٹریلیا زمبابوے اور جنوبی افریقہ کا دورہ کرے گی جہاں وہ 4 نومبر سے 7 جنوری کے دوران  دو ٹیسٹ نو ون ڈے اور نو ٹی ٹوئنٹی انٹرنیشنل  کھیلے گی۔

اگست 2024 سے مارچ 2025 کے عرصے میں پاکستان  کرکٹ ٹیم نو ٹیسٹ نو ٹی ٹوئنٹی اور کم ازکم چودہ ون ڈے انٹرنیشنل کھیلے گی۔ ون ڈے میچوں کی تعداد چیمپئنز ٹرافی اور سہ فریقی ون ڈے سیریز میں ٹیم کی کارکردگی کی بنیاد پر بڑھ سکتی ہے۔

ہوم انٹرنیشنل سیزن کے ساتھ ساتھ پاکستان کرکٹ بورڈ ڈومیسٹک کرکٹ سیزن کی منصوبہ بندی میں بھی مصروف ہے جن میں خواتین ڈومیسٹک اور انٹرنیشنل کرکٹ اور ایچ بی ایل پاکستان سپر لیگ  بھی شامل ہیں۔

اس کے ساتھ بنگلہ دیش، انگلینڈ، جنوبی افریقہ اور ویسٹ انڈیز کے خلاف نو ٹیسٹ میچز آئی سی سی ورلڈ ٹیسٹ چیمپئن شپ 2023-25 کا حصہ ہوں گے۔ پاکستان نے اب تک سری لنکا اور آسٹریلیا کے خلاف دو سیریز میں پانچ ٹیسٹ کھیلے ہیں جن میں سے دو میں فتح اور تین میں شکست ہوئی ہے اس طرح  وہ 22 پوائنٹس کے ساتھ پوائنٹس ٹیبل پر پانچویں نمبر پر ہے۔

یاد رہے کہ  کراچی، ملتان اور راولپنڈی میں  سات ٹیسٹ اور پانچ ون ڈے انٹرنیشنل کھیلے جائیں گے۔ لاہور کے قذافی اسٹیڈیم میں اس وقت آئی سی سی چیمپیئنز ٹرافی 2025 کی تیاریوں کے سلسلے میں نئے سرے سے ڈیزائن اور تعمیر نو کا کام جاری ہے لیکن توقع ہے کہ 19 فروری سے 9 مارچ تک زیادہ تر ہائی پروفائل میچز کے لیے اسٹیڈیم تیار ہوگا۔ آئی سی سی ، چیمپئنز ٹرافی 2025 کی مزید تفصیلات کا مقررہ وقت پر اعلان کرے گی۔

پی سی بی کے چیئرمین محسن نقوی کا کہنا ہے" ہمارے لیے 2024-25 کے ہوم انٹرنیشنل کرکٹ سیزن کو حتمی شکل دینا  اور اس کا اعلان کرنا انتہائی اہم تھا۔ یہ اس بات کو یقینی بناتا ہے کہ مردوں کی کرکٹ ٹیم کی منیجمنٹ اور پی سی بی ایونٹ اسٹاف کے پاس ان سیریز کی تیاری، منصوبہ بندی اور ہماری بہت زیادہ توقعات اور معیار پر پورا اترنے کے لیے کافی وقت ہے جس سے پاکستان کے ایک بہترین کرکٹ قوم اور پی سی بی کے ایک مکمل پیشہ ور ادارے  کی مکمل عکاسی ہوتی ہے۔ 

محسن نقوی کا کہنا ہے کہ  "ہوم انٹرنیشنل میچوں کے مکمل شیڈول کا اعلان کرتے ہوئے ہم اپنے پرجوش مقامی اور سفر کرنے والے کرکٹ کے شائقین کو ان کی تعطیلات کی منصوبہ بندی کے لیے مدعو اور حوصلہ افزائی بھی کر رہے ہیں۔ وہ نہ صرف دلچسپ  کرکٹ سے محظوظ ہوں گے بلکہ انہیں اس خوبصورت ملک کی سیر کرنے کا موقع بھی ملے گا جس کے پاس پیش کرنے کے لیے بہت کچھ ہے۔

محسن نقوی کا کہنا ہے  " آئی سی سی چیمپیئنز ٹرافی 2025  سے قبل پانچ  کرکٹ کھیلنے والے اہم ممالک کی ٹیموں کے دورے جس کے بعد چیمپئنز ٹرافی  میں سات ممالک کی شرکت  یعنی ان آٹھ ماہ میں بارہ ٹیموں کی میزبانی بین الاقوامی کرکٹ میں پاکستان کی اہمیت اور قد کو بھی اجاگر کرتی ہے۔ ہم ان ٹیموں اور کھلاڑیوں کی شرکت کو دل کی گہرائیوں سے قدر کی نگاہ سے دیکھتے ہیں جو ہمارے میدانوں میں بے پناہ ٹیلنٹ اور مسابقتی جذبہ لائے گی۔ یہ میچ صرف کھیلوں کے مقابلے نہیں ہیں، یہ ہماری قوم کی کھیل سے ہماری محبت او  ہمارے عزم کا ثبوت ہیں۔ پاکستان کرکٹ برادری کا ایک اہم رکن ہے اور کھیل کے فروغ اور ترقی میں آئی سی سی اور اس کے تمام اراکین کے ساتھ مل کر کام کرنے کے لیے پرعزم ہے۔ پی سی بی اور پاکستانی کرکٹ شائقین کی جانب سے، میں اگلے آٹھ مہینوں میں تمام شرکاء کا خیرمقدم کرنے کا منتظر ہوں۔

بنگلہ دیش کرکٹ بورڈ کے چیف ایگزیکٹو نظام الدین چودھری کا کہنا ہے کہ ہم آئی سی سی ورلڈ ٹیسٹ چیمپئن شپ میچوں کے لیے بنگلہ دیش کے دورہ پاکستان کے شیڈول کی تصدیق کرنے پر پی سی بی کا شکریہ ادا کرتے ہیں۔  یہ سیریز ہمارے لیے ایک اہم امتحان ہے لیکن یہ اس فارمیٹ میں ہماری پیش رفت کو ظاہر کرنے کا ایک موقع بھی ہے۔

 بنگلہ دیش  کرکٹ ٹیم کے کپتان نجم الحسین شانتو کا کہنا ہے کہ ایک ٹیم کے طور پر ہم آئی سی سی ورلڈ ٹیسٹ چیمپئن شپ کے لیے پاکستان واپسی کے منتظر ہیں۔ پاکستان میں کھیلنا ہمیشہ ایک چیلنجنگ لیکن ایک دلچسپ موقع ہوتا ہے اور ہمیں انہی کے میدان میں ایک مضبوط ہوم سائیڈ کے خلاف مقابلہ کرنے کے لیے اپنی پوری کوشش کرنی ہوگی۔

انگلینڈ اور ویلز کرکٹ بورڈ کے چیف ایگزیکٹو رچرڈ ُ گلڈ کا کہنا ہے  کہ ہم  اکتوبر میں  تین ٹیسٹ میچوں کے اس دورے کے لیے پاکستان واپس آنے کے لیے بہت پرجوش ہیں۔

کرکٹ ویسٹ انڈیز کے چیف ایگزیکٹیو جانی گریوو نے بھی اپنی ٹیم کے دورۂ پاکستان پر خوشی کا اظہار کرتے ہوئے کہا ہے کہ اگرچہ ویسٹ انڈیز ٹیم حالیہ برسوں میں پاکستان کا دورہ کرتی رہی ہے لیکن دو عشروں میں  یہ پاکستان کی سرزمین پر  اس کی پہلی ٹیسٹ سیریز ہوگی۔ 2006میں بھی ویسٹ انڈیز نے کراچی اور ملتان میں ٹیسٹ کھیلے تھے اور ہم ایک بار پھر پاکستان جیسے قابل فخر ٹیسٹ کرکٹ کھیلنے والے ملک کا دورہ کرکے یہاں کرکٹ کھیلنے کے منتظر ہیں۔

پاکستان کے ہوم انٹرنیشنل سیزن کا شیڈول ۔

بنگلہ دیش کا دورہ پاکستان ( دو ٹیسٹ ) ۔

21 تا 25اگست ۔ پہلا ٹیسٹ راولپنڈی۔

30 اگست تا 3ستمبر۔ دوسرا ٹیسٹ ۔ کراچی۔

انگلینڈ کا دورہ پاکستان ( تین ٹیسٹ ) ۔

7 تا 11 اکتوبر۔ پہلا ٹیسٹ ۔ ملتان ۔

 15 تا 19 اکتوبر۔ دوسرا ٹیسٹ ۔ کراچی۔

 24تا 28 اکتوبر۔ تیسرا ٹیسٹ ۔ راولپنڈی۔

ویسٹ انڈیز کا دورہ پاکستان ۔

 16 تا 20جنوری۔ پہلا ٹیسٹ ۔ کراچی۔

24 تا 28جنوری ۔ دوسرا ٹیسٹ ملتان۔

نیوزی لینڈ اور جنوبی افریقہ کا دورہ پاکستان ۔ ( سہ فریقی ون ڈے سیریز ) ۔

8 فروری۔ پاکستان بمقابلہ نیوزی لینڈ۔ ملتان ۔

10 فروری۔ جنوبی افریقہ بمقابلہ نیوزی لینڈ۔ ملتان ۔

12فروری ۔ پاکستان بمقابلہ جنوبی افریقہ ۔ ملتان۔

14 فروری ۔ فائنل۔

آئی سی سی چیمپئنز ٹرافی ۔

شیڈول کا اعلان آئی سی سی کرے گی۔شریک ٹیموں میں افغانستان۔ آسٹریلیا۔ بنگلہ دیش۔ انگلینڈ۔ انڈیا۔ نیوزی لینڈ۔ پاکستان اور جنوبی افریقہ شامل ہیں۔

 19 فروری ۔ افتتاحی میچ۔

9 مارچ ۔ فائنل۔

پاکستان سے باہر پاکستان ٹیم کا انٹرنیشنل شیڈول 2024-25۔

پاکستان کا دورہ آسٹریلیا۔( تین ون ڈے ، تین ٹی ٹوئنٹی انٹرنیشنل )۔

4 نومبر۔  پہلا ون ڈے انٹرنیشنل۔ میلبرن۔

8 نومبر۔ دوسرا ون ڈے انٹرنیشنل۔ ایڈیلیڈ۔

10 نومبر۔ تیسرا ون ڈے انٹرنیشنل۔ پرتھ۔

14نومبر۔ پہلا ٹی ٹوئنٹی انٹرنیشنل۔  برسبین۔

16 نومبر۔ دوسرا ٹی ٹوئنٹی انٹرنیشنل۔ سڈنی۔

18 نومبر۔ تیسرا ٹی ٹوئنٹی انٹرنیشنل۔ ہوبارٹ۔

پاکستان کا دورۂ زمبابوے ( تین ون ڈے اور تین ٹی ٹوئنٹی انٹرنیشنل )

24 نومبر۔ پہلا ون ڈے انٹرنیشنل ۔ بولاوایو۔

 26 نومبر ۔ دوسرا ون ڈے انٹرنیشنل ۔ بولاوایو۔

 28 نومبر۔ تیسرا ون ڈے انٹرنیشنل ۔ بولاوایو۔

یکم دسمبر۔ پہلا ٹی ٹوئنٹی انٹرنیشنل ۔ بولاوایو۔

3 دسمبر۔ دوسرا ٹی ٹوئنٹی انٹرنیشنل۔ بولاوایو۔

5 دسمبر۔ تیسرا ٹی ٹوئنٹی انٹرنیشنل ۔ بولاوایو۔

پاکستان کا دورۂ جنوبی افریقہ ( تین ٹی ٹوئنٹی ۔ تین ون ڈے اور دو ٹیسٹ )۔

10 دسمبر۔ پہلا ٹی ٹوئنٹی انٹرنیشنل۔ ڈربن ۔

13 دسمبر۔ دوسرا ٹی ٹوئنٹی انٹرنیشنل ۔ سنچورین ۔ 

14 دسمبر۔ تیسرا ٹی ٹوئنٹی انٹرنیشنل۔ جوہانسبرگ۔

17دسمبر۔  پہلا ون ڈے انٹرنیشنل۔ پارل۔

19دسمبر ۔ دوسرا ون ڈے انٹرنیشنل۔ کیپ ٹاؤن۔

22 دسمبر۔ تیسرا ون ڈے انٹرنیشنل۔  جوہانسبرگ۔

26تا 30 دسمبر۔ پہلا ٹیسٹ ۔ سنچورین۔

3 تا 7 جنوری ۔ دوسرا ٹیسٹ ۔ کیپ ٹاؤن۔

ملک بھر میں بجلی کا شارٹ فال 6 ہزار 500 میگاواٹ تک پہنچ گیا

ویب ڈیسک: ملک بھر میں بجلی کا شارٹ فال 6 ہزار 500 میگاواٹ تک پہنچ گیا۔ 

ذرائع پاور ڈویژن کے مطابق ملک میں بجلی کی طلب 26 ہزار 500 میگاواٹ ہے۔ طلب کے مقابلے میں بجلی کی پیداوار 20 ہزار میگاواٹ ہے۔

ملک بھر میں بجلی کی لوڈ شیڈنگ کا دورانیہ 10 گھنٹوں تک پہنچ گیا ہے۔ دیہی علاقوں میں 10 گھنٹے، شہری علاقوں میں 8 گھنٹوں کی لوڈ شیڈنگ کی جارہی ہے۔ لائن لاسز والے علاقوں میں 12 سے 14 گھنٹے کی لوڈ شیڈنگ کی جاری ہے۔ 

ذرائع پاورڈویژن نے بتایا ہے کہ 

پن بجلی ذرائع سے 7100 میگاواٹ بجلی پیدا ہورہی ہے۔ تھرمل پاور پلانٹس 580 میگاواٹ بجلی پیدا کررہے ہیں۔ نجی شعبے کے بجلی گھروں کی پیداوار 7 ہزار 870 میگاواٹ ہے۔ 

اسی طرح ونڈ پاور پلانٹس سے989 میگاواٹ بجلی پیدا ہورہی ہے۔ سولر پاور پلانٹس سے 123 میگاواٹ بجلی پیدا ہورہی ہے۔ نیوکلئیر پاور پلانٹس سے 3 ہزار 2 سو میگاواٹ بجلی پیدا ہورہی ہے۔

موٹروے پر ماں کی گود سے گرنے والا 1 سالہ بچہ معجزانہ طور پر بچ گیا

ویب ڈیسک: بہت مرتبہ سنا ہے کہ "جسے اللہ رکھے اسے کون چکھے" لیکن اس کا عملی مظاہرہ آج موٹروے پر اس وقت دیکھنے میں آیا جب دوران سفر ایک ماں کی آنکھ لگ گئی اور اس کا 1 سالہ بچہ بس سے گر گیا۔

ترجمان موٹروے پولیس نے اپنے بیان میں بتایا ہے کہ بس لاہور سے براستہ موٹروے کوٹ ادو جارہی تھی۔ سمندری کے نزدیک ایک سالہ بچہ ماں کی گود سے گرگیا۔ تاہم نیند کی وجہ سے ماں کو پتہ نہ چل سکا۔ 

ماں کو ہوش آیا تو اس کے شور واویلہ کرنے پر بس کو روکا گیا اور مسافروں نے موٹروے پولیس کو اطلاع دی۔ جس کی اطلاع ملتے ہی اس ایریا میں تعینات پٹرولنگ افسران نے کوششوں کے بعد زخمی بچے کو ڈھونڈ نکالا۔ 

ترجمان نے بتایا کہ زونل کمانڈر ڈی آئی جی مسرور عالم کی ہدایات پر بچے کا طبی معائنہ کروایا گیا۔ 

ترجمان کا کہنا تھا کہ بچہ معجزانہ طور پر محفوظ مل جانے پر ماں نے موٹروےپولیس کو دعائیں دیں۔

پی ٹی آئی جلسہ،این او سی منسوخ کرنےپر توہین عدالت کی درخواست،ڈائری نمبرلگ گیا

ویب ڈیسک: ترنول جلسے کا این او سی منسوخ کرنے پر پاکستان تحریک انصاف نے عدالت سے رجوع کر لیا۔جلسے کا اجازت نامہ منسوخ کرنے کی درخواست پرڈائری برانچ نے نمبر لگا دیا۔

تفصیلات کے مطابق پی ٹی آئی نے این او سی منسوخ کرنے پر اسلام آباد ہائیکورٹ میں توہین عدالت کی درخواست دائر کر دی۔ پی ٹی آئی قیادت نے آج کی کیس سماعت کے لیے مقرر کرنے کی استدعا کردی۔

 اپوزیشن لیڈر عمر ایوب، بیرسٹر گوہر، عمیر نیازی، شہریار آفریدی، ثناء اللہ مستی خیل اور شاہد خٹک کی جانب سے اسلام آباد ہائیکورٹ میں درخواست دائر کی گئی۔

درخواست میں موقف اپنایا گیا کہ ترنول جلسے کا این او سی معطل کرنا توہین عدالت ہے۔

درخواست میں استدعا کی گئی کہ جلسہ کرنے کی اجازت دینے کے احکامات جاری اور فریقین کو عدالتی احکامات پر عملدرآمد کرنے کا حکم دیا جائے، پی ٹی آئی کارکنوں کو ہراساں کرنے سے روکنے کے احکامات بھی جاری کئے جائیں۔

درخواست میں چیف کمشنر ، ڈی سی اسلام آباد، آئی جی اسلام آباد پولیس کو فریق بنایا گیا  ہے  جبکہ درخواست میں ایس ایچ او تھانہ ترنول اور دیگر کو بھی فریق بنایا گیا ہے۔

یاد رہے کہ اسلام آباد کی انتظامیہ کی جانب سے تحریک انصاف کے جلسے کے این او سی کی منسوخی پر پی ٹی آئی نے عدالت جانے کا فیصلہ کیا تھا۔

قصور سے سرحد پار منشیات لیجانے والا ایک اور ڈرون پکڑا گیا

ویب ڈیسک: قصور کے سرحدی علاقے گنڈا سنگھ والا میں ڈرون کے ذریعے مبینہ سمگلنگ کا سلسلہ رک نہ سکا۔ نواحی علاقے برج میں منشیات اسمگلنگ میں ملوث ڈرون گرگیا۔ 

تفصیلات کے مطابق نامعلوم منشیات فروش ڈرون کے ذریعے سرحد پار منشیات اسمگلنگ کا مکروہ دھندہ کرتے ہیں۔ ایک ہفتہ کے دوران منشیات لے جانے والے دو ڈرون گنڈا سنگھ والا تھانہ کی حدود میں گرے ہیں۔ 

ذرائع کے مطابق تھانہ گنڈا سنگھ والا پولیس علم کے باوجود ڈرون اسمگلنگ روکنے میں ناکام رہی ہے۔ بتایا گیا ہے کہ مذکورہ ڈرون کے ساتھ ایک کلو سے زائد کرسٹل ہیروئن بھی برآمد ہوئی۔ 

پولیس ذرائع کا کہنا ہے کہ گرنے والے ڈرون کو رینجرز حکام کے حوالے کر دیا گیا۔ 

غربت میں پسی عوام پر مہنگائی کا حملہ،شہریوں کی چیخیں

ویب ڈیسک:آئی ایم ایف کے تخمینوں کے برعکس ملک میں مہنگائی کی شرح میں بڑا اضافہ ہوگیا،ادارہ شماریات نے ہفتہ وار بنیادوں پر مہنگائی کے اعدادوشمار جاری کر دیئے۔

ادارہ شماریات کی رپورٹ کے مطابق ہفتہ وار مہنگائی کی شرح میں 1.28 فیصد کا غیر معمولی اضافہ ہوا، مہنگائی کی مجموعی سالانہ شرح 23 اعشاریہ 59 فیصد پر پہنچ گئی،ایک ہفتے کے دوران 29 اشیائے ضروریہ کی قیمتوں میں اضافہ ہوا،5 اشیا سستی اور 17 اشیا کی قیمتوں میں استحکام رہا۔

ادارہ شماریات کی رپورٹ  کے مطابق ایک ہفتے میں ٹماٹر 70 اعشاریہ 77 فیصد مہنگے ہوگئے،آٹے کا 20 کلو تھیلا 188 روپے 44 پیسے، دال چنا 9 روپے مہنگی اور دال مونگ 9 روپے، زندہ مرغی فی کلو 7 روپے مہنگی ہوگئی جبکہ ایک ہفتے میں پیاز کی فی کلو قیمت میں 11 روپے تک کمی ہوئی اور آلو، انڈے، کیلے اور سادہ بریڈ کی قیمتوں میں بھی کمی ریکارڈ کی گئی ہے۔

ریلویز ٹریفک پولیس کی خصوصی آگاہی مہم کا آغاز

ویب ڈیسک: ڈی آئی جی نارتھ عبدالرب چوہدری کے احکامات پر 7 روزہ خصوصی آگاہی مہم کا آغاز کیا گیا۔ آگاہی مہم میں لاہور ریلوے اسٹیشن کے اطراف آنے والے لوگوں کو ٹریفک قوانین اور انکی پابندی کے بارے میں آگاہ کیا جائے گا۔

اس مہم کے تحت چالان ہونے والی وہیکل کے مالک کو موٹر وہیکل آرڈیننس کی خلاف ورزی کے بارے میں مطلع کیا جائے گا۔ عوامی آگاہی کو اثر انداز بنانے کیلئے ریلوے اسٹیشن کے اطراف خصوصی بینرز بھی لگائے گئے ہیں۔

جس میں ریلویز ٹریفک پولیس کے خلاف کسی بھی قسم کی شکایت کیلئے نمبر آویزہ کیا گیا ہے۔ آگاہی مہم کا مقصد عوام کو باور کروانا ہے کہ ان کا کسی صورت بلاوجہ چلان نہیں کیا جائے گا۔

ریلویز ٹریفک پولیس کو مثالی بنانے کیلئے اچھی شہرت کے حامل اہلکاروں کو تعینات کیا گیا ہے۔ جس سے کرپشن جیسی لعنت کا تدارک ہوگا۔ ریلویز ٹریفک پولیس کے اہلکاروں کو مؤثر ٹریفک کنٹرول کیلئے ریفلیکٹر جیکٹ اور سگنل راڈ بھی فراہم کئے گئے ہیں۔

پاکستان کرکٹ ٹیم کے ہیڈ کوچ آئندہ ہفتے پاکستان پہنچیں گے

ویب ڈیسک: (شکیل خٹک) پاکستان کرکٹ ٹیم کی سرجری کا وقت قریب آگیا۔ ہیڈ کوچ آئندہ ہفتے پاکستان پہنچیں گے۔ جس کے بعد چیئرمین پی سی بی محسن نقوی سے ملاقات میں اہم فیصلے متوقع ہیں۔ 

پاکستان کرکٹ ٹیم ہیڈ کوچ گیری کرسٹن کی آئندہ ہفتے پاکستان آمد متوقع ہے۔

ذرائع کے کہنا ہے کہ گیری کرسٹن آئندہ ہفتے پاکستان پہنچیں گے۔ بتایا گیا ہے کہ پاکستان کرکٹ ٹیم کے ہیڈ کوچ کا پیر کو پاکستان پہنچنے کا امکان ہے۔ 

یاد رہے کہ ٹی ٹوئنٹی ورلڈکپ کے بعد گیری کرسٹن واپس ساؤتھ افریقہ چلے گئے تھے۔ چیئرمین پی سی بی محسن نقوی نے گیری کرسٹن کو طلب کیا تھا۔

گیری کرسٹن محسن نقوی کو ورلڈکپ میں پاکستان ٹیم کی پرفارمنس پر رپورٹ جمع کروا چکے ہیں۔ ذرائع نے بتایا ہے کہ چیئرمین محسن نقوی کی گیری کرسٹن کے ساتھ ملاقات کے بعد ٹیم کی سرجری سے متعلق اہم فیصلے متوقع ہیں۔ 

گیری کرسٹن کے ساتھ اسسٹنٹ کوچ اظہر محمود کو بھی چیئرمین محسن نقوی نے طلب کیا ہوا ہے۔