فالس فلیگ آپریشن: چیف جسٹس الہٰ آباد کا مودی کو خط

سیز فائر پر بھارتی وزیر خارجہ ڈاکٹر ایس جے شنکر کا بیان بھی آگیا

ویب ڈیسک:  بھارت کے وزیر خارجہ ڈاکٹر ایس جے شنکر نے پاکستان اور بھارت کے درمیان ہونے والے سیز فائر کی تصدیق کردی ہے۔

تفصیلات کے مطابق بھارتی وزیر خارجہ ڈاکٹر ایس جے شنکر نے سماجی رابطے کی ویب سائٹ ایکس پر اپنے ایک بیان کہا ہے کہ بھارت اور پاکستان نے آج فائرنگ اور فوجی کارروائی روکنے پر ایک مفاہمت طے کر لی ہے۔

بھارتی وزیر خارجہ نے مزید لکھا کہ بھارت نے ہمیشہ ہر قسم اور ہر شکل میں دہشت گردی کے خلاف ایک مضبوط اور غیر سمجھوتہ کرنے والا موقف اختیار کیا ہے۔ وہ ایسا کرتا رہے گا۔

خیال رہے کہ پاکستان اور بھارت کے درمیان فوری طور پر جنگ بندی پر اتفاق ہوا ہے۔ بھارتی سیکریٹری خارجہ کے مطابق سیز فائر کا آغاز مقامی وقت کے مطابق شام پانچ بجےسے ہوا ہے۔یہ معاملہ دونوں ممالک کے ڈی جی ایم اوز کے درمیان براہ راست رابطے کے بعد طے پایا ہے۔

پاکستان اور بھارت میں سیز فائر ہوگیا، اسحاق ڈار کی تصدیق

ویب ڈیسک: پاکستان کے ڈپٹی وزیر اعظم اور وزیر خارجہ اسحاق ڈار نے تصدیق کی ہے کہ پاکستان اور بھارت کے درمیان سیز فائر ہوگیا ہے۔

تفصیلات کے مطابق ڈپٹی وزیر اعظم اور وزیر خارجہ اسحاق ڈار نے سماجی رابطے کی ویب سائٹ ایکس پر اپنے پیغام میں لکھا ہے کہ پاکستان اور بھارت نے فوری طور پر سیز فائر پر اتفاق کیا ہے۔ پاکستان نے ہمیشہ  اپنی خودمختاری اور علاقائی سالمیت پر کوئی سمجھوتہ کیے بغیر  خطے میں امن و سلامتی کے لیے کوششیں کی ہیں۔

ان کا یہ بیان ایک ایسے وقت میں سامنے آیا ہے جب امریکی صدر ڈونلڈ ٹرمپ نے بھی اسی حوالے سے بات کی تھی۔ امریکی صدر نے کہا تھا کہ پاکستان اور بھارت نے جنگ بندی پر اتفاق کرلیا ہے۔

اڑی سپلائی ڈپو تباہ:افواج پاکستان نے بھارتی فوج کی کمر توڑ دی

ویب ڈیسک: آپریشن  بُنْيَانٌ مَّرْصُوْص (آہنی دیوار) کی تازہ اپڈیٹ آگئی۔

سیکیورٹی ذرائع کا کہنا ہے کہ پاک بھارت جنگ میں بھارت کا" اڑی سپلائی ڈپو" تباہ ہوچکا ہے۔"اڑی سپلائی ڈپو" کی تباہی افواج پاکستان کی بڑی کامیابی  ہے۔

افواج ِ پاکستان  نے بھارتی فوج کی کمر توڑ دی، بھارتی فوج نے گھٹنے ٹیک دیئے۔بھارت کی جانب سےپاکستان کیخلاف جارحیت پرپاک فوج کا منہ توڑجواب جاری ہے۔

ایل او سی پر پاکستان کابھارتی فوج کومنہ توڑجواب،متعدد پوسٹیں مکمل تباہ

ویب ڈیسک: آپریشن  بُنْيَانٌ مَّرْصُوْص (آہنی دیوار).. پاکستان نے بھارت کومنہ توڑ جواب دیتے ہوئےبھارت کی متعدد پوسٹیں مکمل تباہ کردی ہیں۔

پاک فوج کیجانب سےلائن آف کنٹرول پر پاکستان کا بھارتی فوج کومنہ توڑجواب جاری  ہےجبکہ پاک فوج کی جانب سےدشمن کی پانڈو سیکٹر میں چھاؤ گلی پوسٹ ، لیپہ سیکٹر میں  لعل جان پوسٹ، اسلام آباد پوسٹ  اور سوکاجبرا پوسٹ کو مکمل طور پر تباہ کر دیا گیا ہے ۔

سیکیورٹی ذرائع کا کہنا ہے کہ توپخانے نے  متعدد بھارتی پوسٹوں کے پرخچے اڑا دیے,پاک فوج کی12.7گن دشمن پر آگ برسا رہی ہیں،12.7گن کی بمباری نے دشمن کی توپیں خاموش کرا دی،افواج ِ پاکستان  نے بھارتی فوج کی کمر توڑ دی۔

پاکستانی عوام توپوں کی فائرنگ کے ساتھ پاکستان زندہ باد کے نعرے لگاتے رہے۔

سکیورٹی ذرائع کا کہنا ہے کہ پاک فوج نے  قلعہ ڈھیر ، گرین پلیٹو ، اور جنگل ون پوسٹ بالمقابل پیر کانٹھی سیکٹر اور نیو کمپلیکس بالمقابل دھودی سیکٹر کو تباہ کردیا۔بھارت کی جانب سےپاکستان کیخلاف جارحیت پرپاک فوج کا منہ توڑجواب جاری ہے۔

یاد رہے کہ پاکستان نے بھارتی جارحیت کے جواب میں آج علی الصبح بھرپور جوابی کارروائی کا آغاز کیا گیا جسے آپریشن بنیان المرصوص (آہنی دیوار) کا نام دیا گیا ہے۔

"اب رک جاؤ، ورنہ نتائج کے لیے تیار رہو"،میجر جنرل آصف غفور کا بھارت کو سخت پیغام

ویب ڈیسک:افواجِ پاکستان کے سینئر افسر میجر جنرل آصف غفور نے اپنے سخت اور دوٹوک پیغام میں بھارت کو خبردار کر دیا ہے کہ پاکستان کے صبر کا مزید امتحان نہ لیا جائے۔

تفصیلات کے مطابق افواجِ پاکستان کے سینئر افسر میجر جنرل آصف غفور نے سماجی رابطے کی ویب سائٹ ایکس پر اپنے بیان میں کہا ہے کہ "آپ کو بار بار متنبہ کیا گیا کہ ہمارے عزم کا امتحان نہ لیں اور پاکستان کے ساتھ گڑبڑ نہ کریں۔ آپ ایک حقیقی دہشت گرد ریاست ہیں، جس کا IIOJ&K (بھارت کے غیر قانونی زیر قبضہ جموں و کشمیر) میں معصوم کشمیریوں کے خلاف بدترین مظاہرہ ہے۔ اب رک جاؤ، ورنہ افواجِ پاکستان کے ہاتھوں بڑے نتائج کے لیے تیار رہو۔"

یہ بیان ایک ایسے وقت میں سامنے آیا ہے جب پاک بھارت کشیدگی عروج پر ہے اور دونوں ملکوں کے درمیان لائن آف کنٹرول اور سفارتی محاذ پر شدید تناؤ پایا جاتا ہے۔

میجر جنرل آصف غفور کے اس سخت موقف کو پاکستانی عوام اور مبصرین کی جانب سے بھرپور سراہا جا رہا ہے، جبکہ بھارتی سوشل میڈیا میں اس بیان پر شدید ردعمل دیکھنے میں آ رہا ہے۔

یاد رہے کہ پاکستان نے بھارتی جارحیت کے جواب میں آج علی الصبح بھرپور جوابی کارروائی کا آغاز کیا گیا جسے آپریشن بنیان المرصوص (آہنی دیوار) کا نام دیا گیا ہے۔

وکٹر گاؤ،  نائب صدر'سینٹر فار چائنا اینڈ گلوبلائزیشن' کا سی جی ٹی این کو اہم پیغام

ویب ڈیسک: وکٹر گاؤ،  نائب صدر'سینٹر فار چائنا اینڈ گلوبلائزیشن' نے سی جی ٹی این کو اہم پیغام جاری کیا ہے۔

وکٹرگاؤ نے اپنے بیان میں کہا ہے کہ چین اور پاکستان کے تعلقات لوہے جیسے مضبوط ہیں ، ہم واقعی ایک دوسرے کا ساتھ دیتے ہیں۔

وکٹر گاؤ نے چین کا مؤقف واضح الفاظ میں بیان کرتے ہوئے کہا کہ "اگر کشیدگی میں اضافہ پاکستان کے جائز مفادات، خودمختاری یا علاقائی سالمیت کو خطرے میں ڈالے، تو یہ ایک سنگین مسئلہ ہے"۔"مجھے نہیں لگتا کہ کوئی بھی ملک چین کے پاکستان کے جائز مفادات کی حفاظت اور دفاع کے عزم پر شک کرے گا"۔خاص طور پر جب بات پاکستان  کی خودمختاری اور علاقائی سالمیت کی ہو۔

اس کے علاوہ سی جی ٹی این کے اہم پروگرام میں ایشیاپیسفک پالیسی ایکسپرٹ سوربھ گپتا نے کہا ہے کہ مودی کے دورِ حکومت میں کشمیر میں اسی طرح کے حملے 2016 اور 2019 میں بھی ہو چکے ہیں۔حالیہ کشیدگی میں  بھارت نے پاکستان کے کئی علاقوں میں جوابی کارروا ئی کی۔پاکستان کی نظر میں اس کا لازمی جواب دینا پڑے گا، چاہے صرف اپنے دفاعی عزم کو ظاہر کرنے کے لیے ہو۔بھارت اب روایتی جنگ کے لیے بھی جگہ بنا رہا ہے، جبکہ پاکستان اس گنجائش کو کم سے کم رکھنا چاہتا ہے۔

سیلی ایہان (میزبان) نےسوربھ گپتا سے سوال کیا کہ کیا بھارت کو پہلے یہ ثابت  نہیں کرنا چاہیے تھا کہ پاکستان اس میں ملوث تھا، پھر حملہ کرتا؟ اس پر سوربھ گپتا نے کہا کہ جی ہاں، بھارت کو پہلے ثبوت پیش کرنے چاہیے تھے۔"مگر جیسے اسرائیل پہلے طاقت کا مظاہرہ کرتا ہے اور بعد میں بات چیت ، بھارت  نے بھی وہی راستہ اختیار کیا ہے" ۔

نائب صدر سینٹر فارچائنا اینڈ گلوبلائزیشن وکٹرگاؤ نے کہا کہ بھارت اور پاکستان کے درمیان جو کچھ ہو رہا ہے وہ عالمی تشویش کا باعث ہے۔دونوں ممالک زیادہ سے زیادہ تحمل کا مظاہرہ کریں، فوری طور پر جنگ بندی کریں، اور کسی بھی قسم کے مزید تصادم سے گریز کریں۔جے ڈی وینس نئی دہلی میں تھے اور فوراً بعد یہ سب کچھ ہو گیا۔اب سوال یہ ہے کہ آیا امریکہ اور بھارت نے آپس میں کوئی مشاورت کی، یا عسکری تعاون بڑھانے کا وعدہ کیا ؟ جس سے بھارت کو یہ حوصلہ ملا ہو کہ وہ کسی ثبوت کے بغیر ہی کارروائی کرے ۔

سوربھ گپتا نے کہا کہ مجھے لگتا ہے امریکہ ضرور مداخلت کرے گا، خاص طور پر اگر معاملہ جوہری خطرے تک پہنچے۔یہ وہ جگہ ہے جہاں امریکہ بھارت پر اثر ڈال سکتا ہے، لیکن بھارت اسرائیل جیسی آزادی نہیں رکھتا۔

میزبان سیلی ایہان نے کہا کہ نئی دہلی نے پاکستان کے پانی کو روکنے کی جزوی کوشش کی ہے۔اس پر سوربھ گپتا نے جواب دیا کہ یہ موقع بھارت کو یہ راستہ دے سکتا ہے کہ وہ پانی کے ڈیٹا کی شراکت کو روک دے ، جیسے اُس نے 2019 میں کیا ، یا مکمل طور پر معاہدے سے نکل جائے۔ہمیں جوہری استحکام کے ساتھ ساتھ اسٹریٹیجک آبی استحکام کے حوالے سے بھی سنجیدہ ہونا پڑے گا۔

کشمیری مسلمانوں کیلئے دہشت کی علامت پاک فوج کی کامیاب کارروائی میں ہلاک

ویب ڈیسک: آپریشن  بُنْيَانٌ مَّرْصُوْص (آہنی دیوار)اپڈیٹ،،،،پاکستان کا بھارت کومنہ توڑ جواب/ راجوڑی میں افواج پاکستان کی کامیاب کارروائی۔

بھارتی حکومت کی پشت پناہی میں ایڈیشنل ڈی سی راج کمار تھاپا دہشتگردوں کا سہولت کار تھا۔حکومتی اعلی عہدے کی آڑ میں اس کا دہشتگردوں کے ساتھ ملاپ تھا۔ 

راج کمار کشمیری مسلمانوں کے لئے دہشت کی علامت تھا۔راج کمار زیادہ تر اعلیٰ فوجی بریفنگز میں شامل ہوتا تھا۔راجوڑی میں افواج پاکستان کی جوابی کارروائی میں راج کمار مارا گیا۔

پنجاب بھرمیں 50ہزارسےزائدرضاکاروں نے شہری دفاع کی تربیت مکمل کرلی

ویب ڈیسک: وزیراعلی مریم نواز شریف کا اہم اقدام،،،صوبہ بھر میں 48گھنٹے میں 50ہزار سے زائدرضا کاروں نے شہری دفاع کی ٹریننگ مکمل کرلی۔

 وزیر اعلیٰ پنجاب مریم نواز شریف کی ہدایت پرریسکیو اور سول ڈیفنس کی فرضی مشقیں بھی جاری  ہیں۔
وزیراعلیٰ مریم نوازشریف کی ہدایت پر ہنگامی حالات کے پیش نظر پنجاب ایمرجنسی سروس ریسکیو1122 کا تربیتی پروگرام جاری ہے۔سیکرٹری ایمرجنسی سروسز ڈکٹر رضوان نصیرکی زیر نگرانی صوبہ بھر میں کمیونٹی ایمرجنسی تیاری اوررسپانس ٹریننگ دی گئی۔کمیونٹی ایمرجنسی تیاری اوررسپانس ٹریننگ کا دورانیہ چارگھنٹے مقرر کیا گیا ہے۔

”کمیونٹی ایمرجنسی تیاری اوررسپانس ٹریننگ“ پروگرام کے تحت رضا کاروں کی ایمرجنسی سروسزاورسول ڈیفنس بم ڈسپوزل ٹریننگ  کروائی گئی۔ہنگامی صورتحال میں شہریوں کی ذمہ داریوں اورسوشل میڈیا سے متعلق آگاہی دی جارہی ہے ۔ٹریننگ کے دوران ہنگامی صورتحال میں بچاؤ اورمیڈیکل کٹ کے استعمال کے بارے میں آگا ہی  فراہم کی گئی۔رضا کاروں کو ہنگامی حالات میں خون کے بہاؤکو کنٹرول کرنے کے طریقہ کار سے بھی آگاہ کیا جاتا ہے ۔
رضاکارو ں کو فریکچر مینجمنٹ اور سی پی آر کی ٹریننگ دی جاتی ہے ۔کمیونٹی ایمرجنسی تیاری اوررسپانس ٹریننگ میں ٹرائی ایج ڈریل بھی جاری ہے۔
”کمیونٹی ایمرجنسی تیاری اوررسپانس ٹریننگ“ میں فائر فائٹنگ ٹیکنیک اورہنگامی انفرادی ڈرل بھی شامل ہے۔
”کمیونٹی ایمرجنسی تیاری اوررسپانس ٹریننگ“ میں ایمرجنسی وارننگ اورسائرن کے طریقہ کارسے آگاہ کیا جاتا ہے ۔
”کمیونٹی ایمرجنسی تیاری اوررسپانس ٹریننگ“ کے لئے شہری موبائل ایپلی کیشن اورویب پورٹل کے ذریعے بھی اپلائی کرسکتے ہیں ۔
 ٹریننگ کے لئے شہری نزدیکی ریسکیو1122سٹیشن سے بھی رابطہ کرسکتے ہیں ۔
کمیونٹی گروپس کے لئے آن لائن Safecom@rescue.gov.pkپر گھر بیٹھے اپلائی کیا جا سکتا ہے ۔
کمیونٹی گروپس کوکمیونٹی ایریا میں ”کمیونٹی ایمرجنسی تیاری اوررسپانس ٹریننگ“ دی جائے گی ۔
مریم نواز شریف نے اپنے بیان میں کہا کہ سول ڈیفنس ٹریننگ کا مقصد عوام کو ہنگامی حالت سے نمٹنے کے قابل بنانا ہے۔صوبہ بھر میں طلبہ اورمختلف مکاتب فکر کے لوگوں کو لائیو سیونگ اورہنگامی انخلاء کی ٹریننگ بھی دی جارہی ہے۔قوم ہر قسم کے حالات سے نمٹنے کیلئے ہمہ وقت تیار ہے۔

صدرمملکت سے وزیراعظم کی ایوان صدر میں ملاقات،مسلح افواج کی بھرپور حمایت کا اعادہ

ویب ڈیسک: صدر مملکت آصف علی زرداری سے وزیراعظم محمد شہباز شریف نے ایوان صدر میں ملاقات کی ہے۔ وزیر اعظم نے صدر مملکت کو بھارتی جارحیت اور پاکستان کی جانب سے آپریشن  "بنیان مرصوص"  کی صورت میں بھارت کو دیئے جانے والے مؤثر جواب بارے آگاہ کیا۔

ملاقات کے دوران نائب وزیراعظم، وزیر خارجہ سینیٹر محمد اسحاق ڈار اور وزیر قانون و انصاف سینیٹر اعظم نذیر تارڑ بھی موجود تھے۔ 

صدر مملکت نے بھارتی بلا اشتعال جارحیت اور میزائل حملوں کا منہ توڑ جواب دینے پر ملک کی مسلح افواج کی غیر معمولی پیشہ ورانہ مہارت اور بہادری کو سراہا۔

صدرمملکت نے اپنے بیان میں کہاکہ پاکستان نے ایک ذمہ دار اور امن پسند قوم کی حیثیت سے بھارتی اشتعال انگیزیوں کے مقابلے میں کافی تحمل کا مظاہرہ کیا ۔افسوس کہ بھارتی جارحیت کی وجہ سے پاکستان کے پاس اپنی خودمختاری کے دفاع ، اپنے شہریوں کے تحفظ کے لیے فیصلہ کن جواب دینے کے سوا کوئی چارہ نہیں بچا ۔پوری پاکستانی قوم متحد ہے ، بھارتی جارحیت کے مقابلے میں اپنی مسلح افواج کی بھرپور حمایت کرتی ہے۔

صدر مملکت نے کہا پاکستان ملکی خودمختاری اور علاقائی سالمیت کا ہر قیمت پر دفاع کرے گا۔

پاکستان کا منہ توڑ جواب،بھارتی عوام نےگودی میڈیا کو آڑے ہاتھوں لےلیا

ویب ڈیسک:"آپریشن بنیان مرصوص (آہنی دیوار)" کے تحت پاکستان نے بھارت کو ہر محاذ پر مؤثر جواب دینا جاری رکھا ہوا ہے۔ جہاں ایک جانب میدانِ جنگ میں افواجِ پاکستان دشمن کو پسپا کر رہی ہیں، وہیں دوسری جانب بھارتی عوام نے اپنے ہی میڈیا اور فوج کے جھوٹے دعووں کو مسترد کر دیا ہے۔

تفصیلات کے مطابق بھارتی عوام نے بھارتی فوج کے جھوٹ کے پلندے کو مسترد کر دیا،بھارتی فوج کے مطابق وہ پاکستان پر کاری ضرب لگا رہے ہیں،دراصل بھارتی فوج خود پاک فوج کے ہاتھوں ذلیل ہو رہی ہے۔

بھارتی عوام پاکستانی میڈیا کی سچائی کے معترف ،پاکستان پر قہر مچانے کی بھارتی میڈیا کی خبریں جھوٹی ثابت ہوگئیں۔

یاد رہے کہ پاکستان نے بھارتی جارحیت کے جواب میں آج علی الصبح بھرپور جوابی کارروائی کا آغاز کیا گیا جسے آپریشن بنیان المرصوص (آہنی دیوار) کا نام دیا گیا ہے۔

سول آبادی کو نشانہ بنانے کا بھارتی الزام مسترد کرتے ہیں،عطاءتارڑ

ویب ڈیسک: وفاقی وزیر اطلاعات عطاء اللہ تارڑ نے برطانوی نشریاتی ادارے ”بی بی سی“ سے گفتگو کی ہے۔

اپنے بیان میں وفاقی وزیر نے کہا ہے کہ پاکستان ایک ذمہ دار ملک ہے۔بھارت نے پاکستان میں سویلین آبادی کو نشانہ بنایا۔پاکستان نے اقوام متحدہ کے چارٹر کے مطابق جوابی کارروائی کی۔ہم نے بھارت میں کسی شہری آبادی کو نشانہ نہیں بنایا۔سول آبادی کو نشانہ بنانے کا بھارتی الزام مسترد کرتے ہیں۔ہم نے اپنے دفاع کا حق استعمال کرتے ہوئے کارروائی کی۔ہم نے صرف بھارت کی فوجی تنصیبات کو نشانہ بنایا۔

وزیراطلاعات نے اپنے بیان میں کہا کہ بھارت نے امرتسر کو خود نشانہ بنایا۔پہلگام پاکستانی سرحد سے دو سو کلو میٹر سے زائد فاصلے پر واقع ہے۔پہلگام واقعہ میں پاکستان کے ملوث ہونے کے کوئی شواہد موجود نہیں ہیں۔ہم نے پہلگام واقعہ کیلئے شفاف اور مشترکہ تحقیقات میں تعاون کی پیشکش کی۔بھارت نے واقعہ کے صرف دس منٹ بعد ایف آئی آر درج کر کے پہلگام واقعہ کو مشکوک بنایا۔ہم پر حملے کئے گئے جس کا ہم نے جواب دیا ہے۔

عطاء اللہ تارڑ کا کہنا تھا کہ پاکستان نے ہر ممکن ضبط اور تحمل کا مظاہرہ کیا۔ہم سفارتی سطح پر مختلف ممالک سے رابطے کرتے رہے۔

 پاکستان کا سائبر وار،بھارتی سرکاری ویب سائٹس ہیک،حساس ڈیٹا لیک

ویب  ڈیسک: آپریشن بنیان مرصوص (آہنی دیوار)" کے تحت پاکستان کا بھرپور جوابی وار جاری ہے۔ ہیک کی گئی بھارتی ویب سائیٹس کا ڈیٹا منظر عام پر آگیا،پاکستانی سائبر حملے میں بیشتر بھارتی ویب سائٹس کو ہیک کر لیا گیا۔

تفصیلات کے مطابق ہیک کی جانے والی ویب سائٹس میں بھارتی "آسام رائفلز"، "ڈیپارٹمنٹ آف اٹامک انرجی" کا پورٹل، اور "انڈین ڈیفنس پروڈکشن" جیسے حساس ادارے شامل ہیں۔ انڈین ڈیفنس پروڈکشن ویب سائٹ کا حساس ڈیٹا ڈارک ویب پر فار سیل کر دیا گیا۔ہیکرز نے ان ویب سائٹس پر بھارت کی ریاستی دہشتگردی کے ثبوت اور پیغامات اپلوڈ کیے، جن میں لکھا گیا:"بھارت دہشتگردی کی آماجگاہ لکھاجاچکا ہے"۔

انفارمیشن ٹیکنالوجی کی دنیا میں جدت کے بلند و بانگ دعوے کھوکھلے ثابت ہوگئے۔یہ پیشرفت نہ صرف بھارت کے لیے ایک بڑا دھچکہ ہے بلکہ پاکستان کی جدید سائبر صلاحیتوں کا ثبوت بھی ہے۔

 یاد رہے کہ پاکستان نے بھارتی جارحیت کے جواب میں آج علی الصبح بھرپور جوابی کارروائی کا آغاز کیا گیا جسے آپریشن بنیان المرصوص (آہنی دیوار) کا نام دیا گیا ہے۔

آپریشن بنیان مرصوص:من کوٹ،مقبوضہ کشمیر میں بھارتی فوج کی آرٹلری پوزیشن تباہ

ویب ڈیسک: پاک افواج کی جانب سے جاری "آپریشن بنیان مرصوص (آہنی دیوار)" میں ایک اور بڑی کامیابی حاصل کر لی گئی۔

تفصیلات کے مطابق من کوٹ سیکٹر، مقبوضہ کشمیر میں بھارتی فوج کی آرٹلری گن پوزیشن کو نشانہ بنا کر مکمل طور پر تباہ کر دیا گیا ہے۔

پاکستانی عوام اور سوشل میڈیا پر افواج پاکستان کو زبردست خراجِ تحسین پیش کیا جا رہا ہے۔"پاکستان زندہ باد ..!"

یاد رہے کہ پاکستان نے بھارتی جارحیت کے جواب میں آج علی الصبح بھرپور جوابی کارروائی کا آغاز کیا گیا جسے آپریشن بنیان المرصوص (آہنی دیوار) کا نام دیا گیا ہے۔

قومی سلامتی کی ہدایات – سوشل میڈیا کا ذمہ دارانہ استعمال 

ویب ڈیسک: ‎حالیہ سیکیورٹی صورتحال کے پیش نظر سوشل میڈیا کااستعمال کرتے ہوئے، مندرجہ ذیل ہدایات کا ضرورخیال رکھیں۔

‎- سیکیورٹی صورتحال اور جاری فوجی کارروائیوں کی موجودہ نوعیت کے پیشِ نظر، فوجی نقل و حرکت، آپریشنل پیش رفت یا کسی بھی واقعے سے متعلق تصاویر، ویڈیوز یا معلومات سوشل میڈیا پر شیئر نہ کریں ۔

‎- سوشل میڈیا پر غیر تصدیق شدہ پوسٹس سے بچیں - سوشل میڈیا پر دستیاب معلومات ہمیشہ درست نہیں ہوتیں۔ پوسٹ شیئر کرنے سے پہلے اس بات کی تصدیق کریں کہ اسے ثابت شدہ شواہد یا معتبر ذرائع نے رپورٹ کیا ہے۔

‎- غلط افواہوں، فیک نیوز، ڈیس انفارمیشن اور دیگر غلط معلومات کے پھیلاؤ سے بچیں ، کیونکہ یہ عوام کےحوصلہ کوٹھیس پہنچاتی ہیں۔اپنے خاندان، دوستوں اور کمیونٹی میں صحیح معلومات کے استعمال اور شیئرنگ کے حوالے سے شعور بیدار کریں۔

‎- حساس معلومات کا اشتراک دشمن عناصر کو سہولت فراہم کر سکتا ہے ۔اس سے آپریشنل سیکورٹی میں خلل پیدا ہو سکتا ہے اور قومی سلامتی کو شدید خطرہ لاحق ہو سکتا ہے۔ اپنی ذاتی اور پیشہ ورانہ ذمہ داری کو مدِنظر رکھتے ہوئے معلومات شیئر کرنے سے پہلے مکمل یقین دہانی کر لیں کہ یہ معلومات درست اور قابلِ اعتماد ہیں۔

‎-جذباتی اور سنسنی خیز مواد سے خبردار رہیں - پروپیگنڈا عموماً جذبات کو ابھارتے ہوئے یا سنسنی خیز عنوانات استعمال کرتا ہے۔ ایسے مواد پر فوری ردعمل دینے سے پہلے تنقیدی نظر ڈالیں۔

‎-اپنی سرگرمیوں اور اشتراک کے ذریعے قومی سلامتی کو یقینی بنانے میں اپنا مؤثر کردار ادا کریں۔

‎کسی بھی غیر یقینی صورتحال کے دوران صحیح معلومات پر اعتماد کریں اور غیر ضروری خوف یا اضطراب سے بچیں۔

‎آئیں مل کر اس مشکل وقت میں اپنی ذمہ داری کا ثبوت دیں اور سوشل میڈیا کا ذمہ دارانہ استعمال کریں تاکہ دشمن عناصر کو معلومات فراہم کرنے سے بچا جا سکے۔

جنگی جنون میں مبتلا بھارتی حکومت  کو  83 بلین ڈالرز کا نقصان

ویب ڈیسک: آپریشن  بُنْيَانٌ مَّرْصُوْص (آہنی دیوار)اپڈیٹ،،،پاکستان نے بھارت کو منہ توڑ جواب دیا ہے۔ جس کے بعد بھارتی اسٹاک مارکیٹ کو بڑا دھچکالگا ہے۔ 

بین الاقوامی نیوز ایجنسی کے مطابق جنگی جنون میں مبتلا بھارتی حکومت  کو  83 بلین ڈالرز کا نقصان ہوا ہے۔بھارتی جنگی جنون کے باعث بھارتی مارکیٹوں میں بےچینی کی فضا قائم ہے۔

اویناش گورکشکا کا کہنا ہے کہ پاکستان کی جانب سے مزید جوابی اقدامات کسی طویل اور مکمل جنگ کی صورت اختیار کر سکتے ہیں۔

میڈیا رپورٹس کے مطابق جمعرات کے روز انڈیکسز میں تقریباً 0.5 فیصد کمی ہوئی اور اس ہفتے مجموعی طور پر تقریباً 1.3 فیصد کی تنزلی آئی۔بھارتی اسٹاک مارکیٹ میں 13 میں سے 12 بڑے شعبے تنزلی کا شکار رہے۔غیرملکی سرمایہ کاروں نے بھی بھارتی اسٹاک مارکیٹ  پر تحفظات کا اظہارکردیا۔

بھارت کی ہلوارا ایئرفیلڈ کو بھی تباہ کردیا گیا

ویب ڈیسک: آپریشن  بُنْيَانٌ مَّرْصُوْص (آہنی دیوار)اپڈیٹ،،،   بھارت کی ہلوارا ائیر فیلڈ کو بھی تباہ کر دیا گیا۔

تفصیلات کے مطابق اس سے پہلے افواج پاکستان آدم پور، بھٹنڈا، سورت گڑھ، مامون، اکھنور،جموں، سرسہ اور برنالہ کی ائیر بیسز اور فیلڈز کو بھی تباہ کر چکی ہیں۔

پاکستان کا جوابی وار،مسلح افواج دشمن پر کاری ضرب لگاتے ہوئے

ویب ڈیسک: پاکستان کی مسلح افواج نے بھارت کے خلاف آپریشن بنیان مرصوص (آہنی دیوار) کے تحت ایک اور بھرپور جوابی کارروائی کی ہے، جس میں دشمن کو کاری ضرب لگائی گئی ہے۔ پاک فوج کے آفیسرز اور جوانوں نے ایک مرتبہ پھر اپنی جذبہ حب الوطنی اور شہادت کے عزم کو ثابت کیا ہے۔

تفصیلات کے مطابق کارروائی کے دوران پاک فوج کے جوانوں نے "نعرہ تکبیر، اللہ اکبر" کے بلند نعروں سے اپنے حوصلے کی ایک اور مثال قائم کی، جو کہ ان کی ایمان، عزم اور حب الوطنی کی گواہی دیتی ہے۔

پاک فوج نے سرزمین پاکستان کے ہر چپے کا دفاع کیا، اور اس نے دشمن کو ایک قرارا اور جرات مندانہ جواب دیا۔ یہ جوابی کارروائی پاکستانی دفاعی حکمتِ عملی اور ہمہ وقت تیاری کا مظہر ہے۔

ویڈیوز میں دیکھا جا سکتا ہے کہ پاک فوج سر زمین پاک کے چپے چپے کا دفاع کرنا جانتی ہے،پاک فوج دفاع وطن کیلئے خون کے آخری قطرے تک آہنی دیوار کی مانند کھڑی ہے۔

چین کا پاکستان اور بھارت کو حالیہ کشیدگی میں اضافے سے گریز کا مشورہ

ویب ڈیسک: چین نے ہفتے کے روز بھارت اور پاکستان پر زور دیا ہے کہ وہ حالیہ کشیدگی میں مزید اضافہ کرنے سے گریز کریں اور امن و استحکام کو ترجیح دیں۔

بیجنگ کی وزارت خارجہ کی جانب سے جاری بیان میں کہا گیا ہے کہ "ہم بھارت اور پاکستان سے پرزور مطالبہ کرتے ہیں کہ وہ امن اور استحکام کو اولین ترجیح دیں، تحمل اور ضبط کا مظاہرہ کریں، سیاسی مذاکرات کی راہ پر واپس آئیں اور ایسے اقدامات سے گریز کریں جو صورتحال کو مزید بگاڑ سکتے ہیں۔"

چینی وزارت خارجہ کے ترجمان کے مطابق، خطے میں قیام امن کے لیے تمام فریقین کو باہمی بات چیت کے ذریعے حل تلاش کرنا چاہیے، تاکہ جنوبی ایشیا میں استحکام قائم رکھا جا سکے۔

پاکستان کابھارت کو منہ توڑ جواب،بھارتی توپوں کو خاموش کردیا گیا

ویب ڈیسک:پاکستان نے آپریشن بنیان مرصوص (آہنی دیوار) کے تحت ایک اور کامیاب جوابی کارروائی کی ہے، جس میں بھارتی دفاعی پوسٹیں مکمل طور پر تباہ کر دی گئیں۔

تفصیلات کے مطابق پاک فوج نے بل مقابل پھکلیاں سیکٹر میں بھارتی فورسز کی متعدد اہم پوسٹوں کو نشانہ بنایا اور انہیں مکمل طور پر ملبے میں تبدیل کر دیا۔

پاکستانی افواج نے بھارتی توپوں کی فائرنگ کو مکمل طور پر خاموش کرا دیا ہے اور دشمن کی فوجی لائنز کو مؤثر طریقے سے نشانہ بنایا ہے۔ ان کارروائیوں میں پاکستانی توپوں کا استعمال کیا گیا، جو کہ انتہائی مؤثر ثابت ہوئیں اور دشمن کو چند گھنٹوں میں مفلوج کر دیا۔بھارتی پوسٹوں کی تباہی کے مناظر ویڈیو میں دیکھے جا سکتے ہیں۔

پاکستان کی مسلح افواج کی فیصلہ کن برتری،بھارت گھٹنے ٹیکنے پر مجبور

ویب ڈیسک: پانچ گھنٹوں میں فیصلہ کن برتری — پاکستان کی مسلح افواج نے بھارت کو گھٹنے ٹیکنے پر مجبور کر دیا۔
 1. پیشہ ورانہ مہارت کا شاہکار:
 • پاکستانی مسلح افواج نے صرف پانچ گھنٹوں میں دشمن کو ایسی کاری ضرب لگائی کہ بھارت کا جنگی غرور زمین بوس ہو گیا۔
 • یہ کارروائیاں اعلیٰ تربیت، جدید ٹیکنالوجی، اور بروقت فیصلہ سازی کا منہ بولتا ثبوت ہیں۔
 2. S-400 کا خاتمہ – بھارت کی فضائی ڈھال ٹوٹ گئی:
 • پاکستان ایئر فورس کے JF-17 تھنڈر ہائپرسونک میزائلوں نے آدم پور میں بھارت کے جدید S-400 ایئر ڈیفنس سسٹم کو تباہ کر دیا، جس کی قیمت تقریباً 1.5 ارب ڈالر ہے۔ (آئی ایس پی آر)
 3. سائبر محاذ پر مکمل تسلط:
 • پاکستانی سائبر ماہرین نے بی جے پی کی آفیشل ویب سائٹ سمیت بھارت کی درجنوں اہم ویب سائٹس کو ہیک کر لیا۔
 • ہیک کی گئی ویب سائٹس میں شامل ہیں:
 • کرائم ریسرچ انویسٹیگیشن ایجنسی
 • مہانگر ٹیلی کمیونیکیشن کمپنی
 • بھارت ارتھ موورز لمیٹڈ
 • ہندوستان ایروناٹکس لمیٹڈ
 • بارڈر سیکیورٹی فورس
 • انڈیا کی منفرد شناخت اتھارٹی
 • ہزاروں سرکاری کیمروں کا کنٹرول بھی حاصل کر لیا گیا۔
 • 70% بھارتی بجلی کا نظام معطل کر دیا گیا، جو دشمن کے مواصلاتی اور دفاعی ڈھانچے کو مفلوج کر گیا۔
 4. بری اور فضائی اہداف پر مہلک ضربیں:
 • دہرانگیاری میں بھارتی توپ خانہ تباہ۔
 • ناگروٹا میں براہموس میزائل ذخیرہ تباہ، بھاری جانی نقصان۔
 • اُڑی فیلڈ سپلائی ڈپو مکمل تباہ — سیکیورٹی ذرائع
 • بھمبر گلی (IIOJK) میں بھارتی بریگیڈ ہیڈکوارٹرز تباہ۔
 • برنالہ، پٹھان کوٹ، باتھِنڈا، سرسا، اور اکھنور کے فضائی اڈے مکمل تباہ۔
 • خاص طور پر سرسا ائیر فیلڈ کی تباہی بھارتی میڈیا نے بھی تسلیم کی ہے۔
 5. لائن آف کنٹرول پر بھارتی چوکیاں نیست و نابود:
 • نیزہ پیر سیکٹر کے سامنے دھرم سال 1، دانہ 1، اور ٹیبل ٹاپ پوسٹس مکمل طور پر تباہ کر دی گئیں۔
 • دشمن کے متعدد دیگر پوسٹس کو بھی مکمل طور پر مٹا دیا گیا۔
 6. نتیجہ: بھارت کی جنگی صلاحیت کو کاری ضرب:
 • پاکستان نے صرف چند گھنٹوں میں بھارتی دفاعی نظام، فضائی طاقت، سپلائی لائن، اور سائبر نیٹ ورک کو تباہ کر کے رکھ دیا۔
 • اس آپریشن نے نہ صرف زمینی بلکہ الیکٹرانک جنگ میں بھی پاکستان کی برتری ثابت کر دی۔
 7. پاکستان کا پیغام واضح ہے:
 • جارحیت کا ہر قدم منہ توڑ جواب لے گا۔
 • پاکستانی مسلح افواج نہ صرف چوکنا ہیں بلکہ دشمن کے ہر ہتھکنڈے کو پیشگی ناکام بنانے کی مکمل صلاحیت رکھتی ہیں۔

وزیر اعلی مریم نواز شریف کاپاک فوج کے لیے اعزاز و افتخار کا اظہار

ویب ڈیسک: آپریشن  بُنْيَانٌ مَّرْصُوْصٌ----  وزیر اعلی مریم نواز شریف نے پاک فوج کی بھارتی جارحیت کے خلاف عبرت ناک جوابی کارروائی  پر فخر کا اظہار کیا ہے۔  

وزیراعلیٰ پنجاب مریم نواز شریف نے اپنے بیان میں کہا ہے کہ پاکستان کا بھارت کی بزدلانہ جارحیت  کا دن کی روشنی میں دیا گیا جواب تاریخ میں سنہری حروف سے لکھا جائے گا۔پاک سرزمین کے سپاہیو! تم پر سلام ہو، تمہارے جذبے کو سلام ہو، اور تمہاری غیرت کو سلام ہو-سلام ہے ان محافظوں کو، جنہوں نے صرف گولی سے نہیں بلکہ  غیرت، حکمت اور شجاعت سے جواب دیا-

مریم نواز شریف کے مطابق آپریشن  بُنْيَانٌ مَّرْصُوْصٌ جوابی کارروائی نہیں،  تاریخی اعلان ہے کہ ہم کمزور نہیں، امن کے لیے خاموش تھے۔جب دشمن نے حد پار کی تو پاکستان نے صبر کو حکمت میں بدلا،اور کڑی ضرب دی- پاکستان کاایک ایک سپاہی مادرِ وطن کے تحفظ کی قسم کھا کر زندہ ہے۔  امن کے خواہاں ضرور  ہیں مگر جارحیت کا جواب خاموشی نہیں، ضرب ہوتا ہے-پاکستان کی سرحدیں صرف خاردار تاروں سے ہی نہیں، شہیدوں کے لہو سے محفوظ ہیں۔

پاکستان کا بھارت کومنہ توڑ جواب، بھارت کی متعدد پوسٹیں مکمل تباہ

ویب ڈیسک: آپریشن  بُنْيَانٌ مَّرْصُوْص (آہنی دیوار)اپڈیٹ،،، پاکستان نے بھارت کومنہ توڑ جواب دیتے ہوئےبھارت کی متعدد پوسٹیں مکمل تباہ کردی ہیں۔ 

پاک فوج کیجانب سےلائن آف کنٹرول پر پاک فوج کی جانب سے ربتانوالی پوسٹ، جزیرہ پوسٹ کمپلیکس، کافر مہری، شاہپر 3، غدر ٹاپ، ڈنہ پوسٹ، خواجہ بھیک کمپلیکس  اور  رنگ کنٹوئر بالمقابل سنکھ بھی مکمل تباہ کردی گئی۔

افواج پاکستان کے حوصلے بلند اور پرعظم  ہیں۔نعرے تکبیر اللّٰہ اکبر کے نعروں سے فضا گونج اٹھی۔

جذبہ شہادت سے سرشار افواج پاکستان دشمن کو منہ توڑ جواب دے رہی ہے،بہادر افواج پاکستان نے  بھارتی توپوں کو خاموش کرا دیا۔پاک فوج کی  بھرپور جوابی کاروائی  کے مناظر ویڈیو میں دیکھے جا سکتے ہیں۔

پاکستانی فتح 1میزائل سسٹم نےدشمن پر قہر ڈھادیا

ویب ڈیسک: آپریشن  بُنْيَانٌ مَّرْصُوْص (آہنی دیوار)اپڈیٹ،،،پاکستانی فتح 1 میزائل سسٹم دشمن پر قہر ڈھاتے ہوئے ۔

 پاکستانی فتح 1میزائل سسٹم کے ذریعے متعددبھارتی اہداف کو نشانہ بنایاگیا۔

پاکستانی فتح 1 میزائل سسٹم سے بھارتی اہداف کو نشانہ بنانے کی ایک اور ویڈیو منظر عام پر آگئی۔حملے سے دشمن کے متعدد ٹھکانے تباہ اور بھاری نقصان کی اطلاعات ہیں۔

آپریشن بنیان مرصوص کی بڑی کامیابی،بھارتی ملٹری انٹیلی جنس کادہشتگردی مرکز تباہ!

ویب ڈیسک: پاکستان کے دفاعی آپریشن بنیان مرصوص (آہنی دیوار) کے تحت دشمن کے خلاف ایک اور فیصلہ کن وار کیا گیا ہے۔

تفصیلات کے مطابق بھارتی مقبوضہ کشمیر کے نوشہرہ سیکٹر میں قائم بھارتی ملٹری انٹیلیجنس کا تربیتی مرکز، جہاں پاکستان میں دہشت گردی کے لیے دہشت گردوں کو تیار کیا جاتا تھا، مکمل طور پر تباہ کر دیا گیا ہے۔

یاد رہے کہ پاکستان نے بھارتی جارحیت کے جواب میں آج علی الصبح بھرپور جوابی کارروائی کا آغاز کیا گیا جسے آپریشن بنیان المرصوص (آہنی دیوار) کا نام دیا گیا ہے۔

بھارتی فضائی غرور، بُنْيَانٌ مَّرْصُوْص کے سامنے چکنا چور!

ویب ڈیسک: پاکستان کے جاری آپریشن بنیان مرصوص (آہنی دیوار) کے بعد بھارتی میڈیا میں شدید بے چینی اور گھبراہٹ کا عالم ہے۔

تفصیلات کے مطابق انڈین چینلز پر مسلسل رپورٹس آ رہی ہیں کہ "تمام ایئربیسز کو نشانہ بنایا جا رہا ہے، نقصانات ناقابلِ تصور ہیں!"

یاد رہے کہ پاکستان نے بھارتی جارحیت کے جواب میں آج علی الصبح بھرپور جوابی کارروائی کا آغاز کیا گیا جسے آپریشن بنیان المرصوص (آہنی دیوار) کا نام دیا گیا ہے۔

مقبوضہ کشمیر میں بھارتی فوج کا بریگیڈ ہیڈکوارٹر تباہ

ویب ڈیسک: آپریشن بنیان مرصوص،، پاک فوج کی جانب سےبھمبر گلی، مقبوضہ کشمیر  میں بھارتی فوج کا بریگیڈ ہیڈکوارٹر تباہ کردیا گیا۔

یاد رہے کہ پاکستان نے بھارتی جارحیت کے جواب میں آج علی الصبح بھرپور جوابی کارروائی کا آغاز کیا گیا جسے آپریشن بنیان المرصوص (آہنی دیوار) کا نام دیا گیا ہے۔

آرمی چیف جنرل عاصم منیر کا قرآنی آیات کی تلاوت کے بعد جنگ کا آغاز

ویب ڈیسک: پاک فوج کے سربراہ جنرل سید عاصم منیر نے نماز فجر ادا کرنے کے بعد ‏قرآن پاک کی سورۃ الصف کی تلاوت کی ۔

تفصیلات کے مطابق اس سورہ (آیت 4) میں  اللہ تعالیٰ فرماتا ہے کہ"‏إِنَّ اللَّهَ يُحِبُّ الَّذِينَ يُقَاتِلُونَ فِي سَبِيلِهِ صَفًّا كَأَنَّهُمْ بُنْيَانٌ مَرْصُوصٌ" ترجمہ:-‏"بیشک اللہ اُن لوگوں سے محبت کرتا ہے جو اُس کے راستے میں اس طرح صف بستہ ہو کر لڑتے ہیں گویا کہ وہ سیسہ پلائی ہوئی دیوار ہیں۔"

آرمی چیف نے تلاوت کلام کے بعد دعا کی اور پاکستان کے آپریشن "بنیان مرصوص"کے تحت بھارت پر میزائل حملے شروع کیے گئے۔"بنیان مرصوص"کا مطلب سیسہ آہنی دیوار ہے۔

امریکی وزیرخارجہ کا نائب وزیراعظم اسحاق ڈار سےر ابطہ

ویب ڈیسک: امریکی وزیر خارجہ رابطہ مارکوروبیو نے نائب وزیراعظم اسحاق ڈار سے بھی رابطہ کرلیا ہے۔ جس میں  کشیدگی میں کمی کی خواہش کا اظہار کیا گیا۔

اس سے قبل امریکی محکمہ خارجہ کے مطابق آرمی چیف جنرل سید عاصم منیر سے امریکی وزیرخارجہ مارکوروبیوکا ٹیلیفونک رابطہ ہوا جس میں امریکی وزیرخارجہ نے پاک بھارت کشیدگی کم کرنے کے لیے تعاون کی پیشکش کی ہے۔

 تفصیلات کے مطابق امریکی محکمہ خارجہ کے مطابق مارکو روبیو نے مستقبل میں تنازعات سے بچنےکےلیےامریکا کی طرف سے تعمیری معاونت کی پیشکش کی ہے۔

سیکیورٹی ذرائع نے تصدیق کی کہ پاکستان نے نماز فجر کے وقت بھارت کے خلاف آپریشن بنیان مرصوص کا آغاز کیا اور  ’ فتح ‘ میزائل داغے ہیں اور اس وقت بھارت میں متعدد اہداف کو نشانہ بنایا گیا۔

 سیکیورٹی ذرائع نے بتایا کہ وہ تمام بیسز جن سے بھارت نے پاکستان پر حملہ کیا انہیں نشانہ بنایا جارہا ہے اور آپریشن میں بھارت کی پٹھان کوٹ میں ائیرفیلڈ اور اودھم پور ائیربیس کو تباہ کر دیا گیا ہے جبکہ پاکستان نے بیاس کے علاقے میں براہموس میزائل کا ڈپو بھی تباہ کردیا ہے۔

سیکیورٹی ذرائع نے بتایا کہ  ادھم پور ائیربیس کو 3 میزائلوں سے نشانہ بنایا گیا۔ بھارتی بریگیڈ ہیڈ کوارٹر ’کے جی ٹاپ ‘ اور سپلائی ڈپو اڑی کو تباہ کر دیا گیا ہے۔

آپریشن بنیان مرصوص کی ایک اور بڑی کامیابی،بھارتی اکھنور ایوی ایشن بیس تباہ!

ویب  ڈیسک:پاکستان کے آپریشن بنیان مرصوص (آہنی دیوار) کے تحت دشمن پر کاری وار جاری ہیں۔

تفصیلات کے مطابق  تازہ ترین کارروائی میں بھارت کے اکھنور ایوی ایشن بیس کو کامیابی کے ساتھ نشانہ بنا کر مکمل طور پر تباہ کر دیا گیا ہے۔

یاد رہے کہ پاکستان نے بھارتی جارحیت کے جواب میں آج علی الصبح بھرپور جوابی کارروائی کا آغاز کیا گیا جسے آپریشن بنیان المرصوص (آہنی دیوار) کا نام دیا گیا ہے۔

ایک وردی، ایک عوام — ایک وطن

ویب ڈیسک: ایک وردی، ایک عوام — ایک وطن،،،یہ تصویر ایک نعرہ نہیں، ایک پیغام ہے۔

جب دشمن نے ہماری فضاؤں کو چیرنے کی کوشش کی، تو سپاہی اور شہری ایک ساتھ کھڑے ہو گئے۔ایک نے وردی پہنی، دوسرے نے وطن کی محبت۔لیکن دونوں کی گولی نے ایک ہی پیغام دیا: یہ سرزمین ہماری ہے۔

جب ایک فوجی اور ایک عام پاکستانی ایک ساتھ بھارتی ڈرون گراتے ہیں—تو دنیا کو بتا دیا جاتا ہے:

یہ پاکستان ہے… یہاں نہ کوئی اکیلا لڑتا ہے، نہ کوئی پیچھے ہٹتا ہے۔ یہی ہماری قوت ہے، یہی ہمارا فخر ہے۔

جنگیں صرف ہتھیار سے نہیں، جذبے سے جیتی جاتی ہیں اور پاکستانی قوم کا جذبہ ناقابلِ شکست ہے!

افواجِ پاکستان مکمل تیار، دشمن کے ناپاک عزائم کو خاک میں ملا دیا

ویب ڈیسک: پاکستان کابھارت کو منہ توڑ جواب جاری ،"آپریشن بنیان مرصوص میں دشمن کی ناپاک سازشوں کو خاک میں ملا دیا۔
تفصیلات کے مطابق افواجِ پاکستان نے ایک مرتبہ پھر دشمن کو منہ توڑ جواب دیتے ہوئے آپریشن بنیان مرصوص (آہنی دیوار) کے تحت بھارتی عزائم کو ناکام بنا دیا۔ پاکستان کی فوج نے اپنے عزم و حوصلے کی ایک اور شاندار مثال قائم کرتے ہوئے دشمن کی ناپاک سازشوں کو خاک میں ملا دیا۔جذبہ شہادت سے سرشار پاک فوج کے جوان۔

یاد رہے کہ پاکستان نے بھارتی جارحیت کے جواب میں آج علی الصبح بھرپور جوابی کارروائی کا آغاز کیا گیا جسے آپریشن بنیان المرصوص (آہنی دیوار) کا نام دیا گیا ہے۔

آرمی چیف جنرل عاصم منیر سے امریکی وزیرخارجہ کاٹیلیفونک رابطہ

ویب ڈیسک: امریکی محکمہ خارجہ کے مطابق آرمی چیف جنرل سید عاصم منیر سے امریکی وزیرخارجہ مارکوروبیوکا ٹیلیفونک رابطہ ہوا جس میں امریکی وزیرخارجہ نے پاک بھارت کشیدگی کم کرنے کے لیے تعاون کی پیشکش کی ہے۔

 تفصیلات کے مطابق امریکی محکمہ خارجہ کے مطابق مارکو روبیو نے مستقبل میں تنازعات سے بچنےکےلیےامریکا کی طرف سے تعمیری معاونت کی پیشکش کی ہے۔

سیکیورٹی ذرائع نے تصدیق کی کہ پاکستان نے نماز فجر کے وقت بھارت کے خلاف آپریشن بنیان مرصوص کا آغاز کیا اور  ’ فتح ‘ میزائل داغے ہیں اور اس وقت بھارت میں متعدد اہداف کو نشانہ بنایا گیا۔

 سیکیورٹی ذرائع نے بتایا کہ وہ تمام بیسز جن سے بھارت نے پاکستان پر حملہ کیا انہیں نشانہ بنایا جارہا ہے اور آپریشن میں بھارت کی پٹھان کوٹ میں ائیرفیلڈ اور اودھم پور ائیربیس کو تباہ کر دیا گیا ہے جبکہ پاکستان نے بیاس کے علاقے میں براہموس میزائل کا ڈپو بھی تباہ کردیا ہے۔

سیکیورٹی ذرائع نے بتایا کہ  ادھم پور ائیربیس کو 3 میزائلوں سے نشانہ بنایا گیا۔ بھارتی بریگیڈ ہیڈ کوارٹر ’کے جی ٹاپ ‘ اور سپلائی ڈپو اڑی کو تباہ کر دیا گیا ہے۔

آپریشن  بُنْيَانٌ مَّرْصُوْص: بھارت کی بٹھنڈہ ایئرفیلڈ تباہ

ویب ڈیسک: آپریشن  بُنْيَانٌ مَّرْصُوْص (آہنی دیوار)اپڈیٹ آگئی۔  بھارت کی بٹھنڈہ ائیر فیلڈ کو تباہ کر دیا گیا ہے۔

یاد رہے کہ پاکستان نے بھارتی جارحیت کے جواب میں آج علی الصبح بھرپور جوابی کارروائی کا آغاز کیا گیا جسے آپریشن بنیان المرصوص (آہنی دیوار) کا نام دیا گیا ہے۔

آپریشن بنیان مرصوص کی گونج،بھارتی اڑی فیلڈ سپلائی ڈپو تباہ!

ویب ڈیسک:پاکستان کے دفاعی آپریشن بنیان مرصوص (آہنی دیوار) کے تحت دشمن کو ایک اور زبردست دھچکا دیتے ہوئے، بھارتی اڑی فیلڈ کا مرکزی سپلائی ڈپو مکمل طور پر تباہ کر دیا گیا ہے۔

تفصیلات کے مطابق یہ کامیاب کارروائی انتہائی جدید ٹیکنالوجی اور درست نشانے پر مبنی تھی، جس کے نتیجے میں بھارتی فوج کی لاجسٹک سپورٹ لائن کو شدید نقصان پہنچا ہے۔

یاد رہے کہ پاکستان نے بھارتی جارحیت کے جواب میں آج علی الصبح بھرپور جوابی کارروائی کا آغاز کیا گیا جسے آپریشن بنیان المرصوص (آہنی دیوار) کا نام دیا گیا ہے۔

آپریشن ’’بنیان مرصوص‘‘: نئی دہلی میں پاکستانی ڈرونز کی پروازیں

ویب ڈیسک: پاکستان کے ڈرونز دن کے اجالے میں بھارت کے دارالحکومت دہلی میں پہنچ کر نیچے پروازیں کرتے رہے جس سے بھارتی سکیورٹی فورسز کے ہوش اڑ گئے۔

تفصیلات کے مطابق پاکستان نے بھارت کے خلاف جوابی کارروائی کا آغاز کرتے ہوئے آپریشن ’’بنیان مرصوص‘‘ کا آغاز کر دیا ہے جس کے بعد بھارتی دارالحکومت نئی دہلی میں پاکستانی ڈرونز کی پروازیں دیکھی گئی ہیں۔

اطلاعات کے مطابق نئی دہلی کی فضاؤں میں پاکستانی ڈرونز کی مسلسل پروازیں جاری رہیں جس سے بھارت کے دارالحکومتی حلقوں میں شدید تشویش پائی جاتی ہے، سکیورٹی ماہرین کا کہنا ہے کہ پاکستانی ڈرونز کی موجودگی بھارت کے دفاعی نظام پر سنجیدہ سوالات اٹھا رہی ہے۔

سکیورٹی ذرائع کے مطابق فجر کے وقت آپریشن کا آغاز کیا گیا جس کے تحت بھارت میں 12 اہم اہداف کو نشانہ بنایا گیا ہے، ذرائع کا کہنا ہے کہ فتح ون میزائل داغا گیا جس کے نتیجے میں ادھم پور، پٹھان کوٹ ایئربیس اور براہموس میزائل اسٹوریج کو تباہ کر دیا گیا۔

پاکستانی فوج کی جانب سے اس کارروائی کو دشمن کے جارحانہ اقدامات کے خلاف ایک منظم اور ٹھوس ردِعمل قرار دیا جا رہا ہے جبکہ بھارت کی جانب سے تاحال سرکاری ردعمل سامنے نہیں آیا۔

واضح رہے کہ پاکستان نے بھارتی جارحیت کے جواب میں مؤثر اور بھرپور جوابی کارروائی کا آغاز کرتے ہوئے آپریشن بُنْيَانٌ مَّرْصُوْصٌ کا آغاز کر دیا اور پاکستان نے بیاس کے علاقے میں براہموس اسٹوریج سائٹ اور بھارتی ایئر بیس ادھم پور اور پٹھان کوٹ ایئر بیس کو تباہ کر دیا۔

آپریشن بنیان مرصوص  کی بڑی کامیابی۔بھارت کی سرسہ ائیر فیلڈ تباہ!

ویب ڈیسک: آپریشن بنیان مرصوص (آہنی دیوار) کے تحت ایک بڑی اور فیصلہ کن کارروائی میں بھارت کے سرسہ ائیر فیلڈ کو مکمل طور پر تباہ کر دیا گیا ہے۔ویب ڈیسک: آپریشن بنیان مرصوص (آہنی دیوار) کے تحت ایک بڑی اور فیصلہ کن کارروائی میں بھارت کے سرسہ ائیر فیلڈ کو مکمل طور پر تباہ کر دیا گیا ہے۔

ذرائع کے مطابق راجوڑی میں پاکستان میں دہشت گردی کروانے والا بھارتی ملٹری انٹیلیجینس کا تربیتی مرکز تباہ کردیا گیا۔یہ ہدف ایک منظم اور انتہائی دقیق حکمتِ عملی کے تحت نشانہ بنایا گیا، جس سے بھارتی فضائیہ کو ایک ناقابلِ تلافی نقصان اٹھانا پڑا ہے۔

حیران کن طور پر، اس تباہی کی تصدیق خود بھارتی میڈیا نے بھی کر دی ہے، جو اس آپریشن کی کامیابی اور شدت کا واضح ثبوت ہے۔ انڈین نیوز رپورٹس میں سرسہ بیس پر شدید دھماکوں، آگ لگنے اور رن وے کو ناقابلِ استعمال بنائے جانے کی اطلاعات دی گئی ہیں۔

پاکستانی سائبر حملہ:بی جے پی سمیت بیشتر بھارتی ویب سائٹس ہیک

ویب ڈیسک: پاکستان کا بھارت کے خلاف جوابی وار جاری ہے اور سائبر حملے میں بیشتر بھارتی ویب سائٹس ہیک کر لی گئی ہیں۔

پاکستانی سائبر حملے میں بیشتر بھارتی ویب سائٹس کو ہیک کر لیا گیا جس میں بی جے پی کی آفیشل ویب سائٹ بھی شامل ہے۔

ہیک کی گئی ویب سائٹس میں کرائم ریسرچ انویسٹگیشن ایجنسی، ماہا نگر ٹیلی کمیونیکیشن کمپنی لمیٹڈ، بھارت ارتھ موورز لمیٹڈ، آل انڈیا نیول ٹیکنیکل سپروائزری سٹاف ایسوسی ایشن شامل ہیں۔

ہیک کی گئی سائٹس کا مکمل مواد اڑا دیا گیا ہے۔

ہیک کی گئی مزید ویب سائٹس میں ہندوستان ایروناٹکس لمیٹڈ، بارڈر سیکورٹی فورسز، یونیک آڈنٹیفیکش اتھارٹی آف انڈیا کا ڈیٹا لیک کر دیا ہے۔

ڈیٹا لیک سائٹس میں انڈین ائیر فورس، مہاراشٹر الیکشن کمیشن اور دیگر شامل ہیں،اس کے علاوہ 2500 سے زائد سرویلنس کیمرے بھی ہیک کر لیے گئے ہیں۔

آپریشن سالار : پاکستانی ہیکرز کا جوابی وار، چار بڑی بھارتی ویب سائٹس ہیک

ویب ڈیسک: دہشتگرد بھارت کی جاری سائبر دہشتگردی کے خلاف پاکستانی ہیکرز نے بھرپور سائبر جوابی کارروائی کا آغاز کر دیا۔

 پاکستانی ہیکرز کے والنٹیئر گروپ نے "آپریشن سالار" کے نام سے ایک منظم سائبر مہم کا اعلان کیا ہے، جس کے تحت بھارتی آن لائن انفراسٹرکچر کو نشانہ بنایا جا رہا ہے۔

ذرائع کے مطابق، ابتدائی کارروائی میں دہشتگرد بھارت کی چار اہم ویب سائٹس کو ہیک کر کے ان کا ڈیٹا حاصل کیا گیا۔ان ویب سائٹس پر پاکستانی قومی پرچم بھی چسپاں کر دیا گیا۔

 ہیکرز کی جانب سے جاری کردہ بیان میں کہا گیا ہے کہ یہ کارروائی بھارتی سائبر حملوں، پاکستان مخالف مواد اور کشمیری عوام پر جاری ظلم کے ردِ عمل میں کی گئی ہے۔

"آپریشن سالار" کو ایک مکمل سائبر جنگ کا پیش خیمہ قرار دیا جا رہا ہے۔ پاکستانی ہیکرز کا کہنا ہے کہ ہم پرامن قوم ہیں، لیکن اگر کوئی ہماری سالمیت، خودمختاری یا قومی وقار کو چیلنج کرے گا تو ہم خاموش نہیں بیٹھیں گے۔ آپریشن سالار ایک وارننگ ہے، انجام نہیں۔ 

سوشل میڈیا پر "آپریشن سالار" ہیش ٹیگ ٹرینڈ کرنے لگا ہے۔ سوشل میڈیا صارفین پاکستانی ہیکرز کو خراجِ تحسین پیش کر رہے ہیں اور اس جوابی کارروائی کو بھارت کا "سائبر ناک آؤٹ" قرار دے رہے ہیں۔ مختلف صارفین نے مطالبہ کیا ہے کہ اس آپریشن کو مزید وسعت دی جائے اور بھارتی میڈیا، مالیاتی نظام اور دفاعی سائٹس کو بھی نشانہ بنایا جائے۔

پاکستان کو روایتی جنگ میں بھارت پر برتری حاصل ہوچکی، عطاءاللہ تارڑ

ویب ڈیسک: وفاقی وزیر اطلاعات عطاء اللہ تارڑ نے اپنے ایک بیان میں کہا ہے کہ پاک فوج نے بھارتی جارحیت کا منہ توڑ جواب دیا ہے۔ پانچ بھارتی طیاروں اور 77 ڈرونز کو کامیابی سے گرا کر پاکستان نے روایتی جنگ میں واضح برتری حاصل کرلی ہے۔

تفصیلات کے مطابق وفاقی وزیر اطلاعات نے کہا کہ پاکستان کی مسلح افواج نے دشمن کی جارحیت کا بھرپور اور منہ توڑ جواب دیا۔بھارت کے پانچ جنگی طیارے اور اب تک بھارت کے 77 ڈرونز کو کامیابی سے گرانا پاکستان کی فضائی صلاحیتوں اور فوجی برتری کا واضح ثبوت ہیں ۔پاکستان کو روایتی جنگ میں بھارت پر برتری حاصل ہو چکی ہے۔

انہوں نے واضح کیا کہ پاکستان ایک پُرامن ملک ہے، تاہم کسی بھی جارحیت کے خلاف اپنا دفاع کرنا ہمارا قانونی، اخلاقی اور ریاستی حق ہے۔ پاکستان نے اپنا یہ حق ذمہ داری کے ساتھ استعمال کیا ہے اور کرے گا۔حالیہ دنوں میں بھارت نے نہ صرف عسکری محاذ پر اشتعال انگیزی کی بلکہ اپنے عوام کو گمراہ کرنے کے لیے داخلی سطح پر میڈیا پر بدترین پروپیگنڈا مہم شروع کی۔

ان کا کہنا تھا کہ بھارتی میڈیا پر منظم انداز میں فیک نیوز، پرانی تصاویر اور جعلی ویڈیوز کے ذریعے ایک جھوٹا بیانیہ گھڑا جا رہا ہے، جو بھارتی حکومت کی گھبراہٹ، ناکامی اور بدحواسی کا منہ بولتا ثبوت ہے۔پاکستان نے بھارت کا جھوٹا پروپیگنڈا بھرپور طریقے سے بے نقاب کیا جس سے بھارت کو مزید ہزیمت اٹھانا پڑی۔

جھوٹے بیانیے کے ذریعے بھارت کی ناکامی چھپانے کی ناکام کوشش پوری دنیا نے دیکھی ہے اور بھارت کو مزید شرمندگی کا سامنا کرنا پڑا ہے۔

بھارتی میڈیا کے بغیرثبوت الزامات مضحکہ خیز ہیں،ڈی جی آئی ایس پی آر

ویب ڈیسک: ڈی جی آئی ایس پی آر لیفٹیننٹ جنرل احمدشریف چودھری نے کہا ہے کہ پاکستان بھارت کےبے بنیاد الزامات کومستردکرتاہے،پاکستان کی طرف سےبڑے پیمانے  پرحملےسراسرجھوٹ ہے،بھارتی میڈیا کے بغیرثبوت الزامات مضحکہ خیز ہیں۔

تفصیلات کے مطابق ڈی جی آئی ایس پی آر لیفٹیننٹ جنرل احمد شریف چودھری نے ٹی آر ٹی سے گفتگو کرتے ہوئے کہا ہے کہ بھارت نے پاکستان میں 6مقامات پر حملے کرکے عام شہریوں کو نشانہ بنایا، پاکستان بے بنیاد الزامات کو مکمل طور پر مسترد کرتا ہے۔

انہوں نے کہا ہے کہ پہلگام میں سیاحوں پر حملے کے بعد حکومت پاکستان نے ذمہ داری کا مظاہرہ کیا، حکومت پاکستان نے آزادانہ اورغیر جانبدارتحقیقات کی پیش کش کی، بھارت نے پاکستان کی یہ پیشکش قبول کرنے سے انکار کر دیا، بھارت کی جانب سےپاکستان پر بغیرثبوت الزام کا سلسلہ بندہونا چاہئے۔

ترجمان پاک فوج نے کہا ہے کہ بھارت ہمیشہ دہشتگردی کی ذمہ داری پاکستان پر ڈال کر سیاسی فائدے کی کوشش کرتا ہے، بھارت نے پاکستان پر حملہ بغیر کسی قابل اعتبار ثبوت کیا، بھارت نے مساجد پر بمباری کی، خواتین اور بچوں کو شہید کیا، بھارت سے مطالبہ ہے کوئی ثبوت ہیں تو کسی غیر جانبدارملک کو پیش کرے۔

لیفٹیننٹ جنرل احمد شریف چودھری نے کہا ہے کہ پاکستان کو بھارتی گولہ باری کا سامنا ہے اور بھارت کی جانب سے فائرنگ کا سلسلہ جاری ہے، بدقسمتی سے وہ جان بوجھ کر عام شہریوں کو نشانہ بنا رہے ہیں۔

ڈی جی آئی ایس پی آر نے کہا ہے کہ پاکستان صرف چھوٹے ہتھیاروں سے جواب دے رہا ہے، ڈرون، راکٹ یا بڑے حملے نہیں کیے جا رہے، پاکستان لائن آف کنٹرول پر صرف اُن بھارتی فوجی چوکیوں کو نشانہ بنا رہا ہے جو پاکستانی علاقے میں فائرنگ کر رہی ہیں، یہ کارروائی صرف دفاعی نوعیت کی ہے۔

ترجمان پاک فوج نے مزید کہا ہے کہ ہم صرف چھوٹے ہتھیاروں کے ذریعے چوکیوں کو نشانہ بنا رہے ہیں، یہ کسی بڑے حملے جیسا نہیں ہے جیسا کہ بھارتی میڈیا نے گزشتہ رات سے ایک سنسنی پھیلائی ہے، بھارت کی جانب سے ایک مکمل میڈیا مہم چلائی جا رہی ہے کہ پاکستان نے ڈرون، طیارے اور بین الاقوامی سرحد پر بڑے پیمانے پر حملے کیے ہیں، یہ سراسر جھوٹ پر مبنی پروپیگنڈا ہے جس کے کوئی ثبوت موجود نہیں، یہ بہت مضحکہ خیز ہے۔

ایل او سی پر بھارتی جارحیت کے ناقابل تردید شواہد منظر عام پر آگئے

ویب ڈیسک: لائن آف کنٹرول پر بھارتی جارحیت کے ناقابل تردید شواہد منظر عام پر آگئے ہیں۔

تفصیلات کے مطابق سیکیورٹی ذرائع کا کہناہے کہ بھارتی فوج نے عسکری محاذ پر ناکامی کے بعد اپنی بوکھلاہٹ چھپانے کیلئے نہتے اور معصوم شہریوں کو نشانہ بنانا شروع کر دیا ہے۔

ذرائع کے مطابق بھارتی حکومت اور افواج کا یہ دعویٰ کہ ان کی کارروائیاں صرف دہشتگردوں کے خلاف ہیں، جھوٹا ثابت ہو چکا ہے۔ اصل نشانہ شہری آبادی ہے، بلااشتعال گولہ باری کے نتیجے میں شہری آبادی کو شدید نقصان پہنچا۔

سیکیورٹی ذرائع کے مطابق "بھارتی فوج لائن آف کنٹرول پر نہتے شہریوں کو نشانہ بنا رہی ہے، جس سے کئی مکانات تباہ اور متعدد شہری زخمی ہوئے ہیں۔"پاکستانی افواج بھارتی جارحیت کا منہ توڑ جواب دے رہی ہیں اور دشمن کی چیک پوسٹوں کو مؤثر طریقے سے نشانہ بنایا جا رہا ہے۔

پاکستان نے ایک بار پھر عالمی اداروں اور انسانی حقوق کی تنظیموں سے مطالبہ کیا ہے کہ وہ شہری آبادی کو نشانہ بنانے والے بھارتی اقدامات کی آزادانہ تحقیقات کریں اور بھارت کو باز رکھا جائے۔

گوجرانوالہ کے تمام مسالک اور کرسچن کمیونٹی متحد،پاک فوج سے اظہار یکجہتی سیمینار

ویب ڈیسک: بھارتی جارحیت پر گوجرانوالہ کے تمام مسالک اور کرسچن کمیونٹی متحد،پاک فوج سے اظہار یکجہتی سیمینار کا انعقاد کردیا۔

ذرائع کا کہنا ہے کہ بھارتی جارحیت کیخلاف گوجرانوالہ کے تمام مسالک اور کرسچن کمیونٹی متحد ہوگئی۔گوجرانوالہ میں تمام مسالک، کرسچن کمیونٹی اور سول سوسائٹی کے زیر اہتمام ’’اس پرچم کے سائے تلے ہم ایک ہیں‘‘ کے نام سے سیمینار کا انعقاد کیا گیا۔سیمینار میں تمام مکتبہ فکر، مذہبی رہنماؤں، سول سوسائٹی اور اقلیتی نمائندوں نے شرکت کی۔شرکاء کی جانب سے بھارتی جارحیت کی بھرپور مذمت اور افواج پاکستان کے شانہ بشانہ کھڑے ہونے کے عزم کو دہرایا۔

شرکاءکا سیمینار سے خطاب میں کہنا تھا کہ ’’ہم اگلے مورچوں پرافواج پاکستان کے ساتھ مل کر اس ارض پاک کا دفاع کرنے کے لیے تیار ہیں ‘‘۔بھارت جیسے بزدل اور مکار دشمن نے ہمیشہ رات کی تاریکی میں پاکستان پر حملہ کیا۔بہادر پاکستانی مسلح افواج کی دلیری کے باعث بھارت کو منہ کی کھانا پڑی۔ہم خود کو اور اپنی اولادیں تک اس ارض پاک کی حفاظت کے لیے قربان کر دیں گے ۔ہم ہر پل ہر لمحہ اپنی افواج کے ساتھ کھڑے ہیں۔

شرکاء کا مزید کہنا تھا کہ ہم بھارتی جارحیت کی بھرپور مذمت کرتے ہیں۔کفر میں اتنی ہمت نہیں کہ وہ پاکستان کا مقابلہ کرسکے۔وقت نے ہمیشہ ثابت کیا کہ بھارت دعوؤں میں جھوٹا ہےجبکہ  اللہ نے پاکستان کو عالمی سطح پر  سرخرو کیا۔

رہنما کرسچن کمیونٹی کا کہنا تھا کہ بھارت نے پاکستان کو کبھی قبول نہیں کیا اور ہمیشہ اسے تباہ کرنے کی کھوج میں رہا۔پاکستان کی حفاظت اس وقت پاک آرمی کے مضبوط ہاتھوں میں ہے۔

دفاعی ماہرین کا کہنا ہے کہ پاکستانی عوام نے دشمن بھارت کیخلاف  ہمیشہ افواج پاکستان کا ساتھ دیا ۔

پاکستان کا موقف درست، بھارت کا جھوٹ بے نقاب

ویب ڈیسک: پاکستان پر الزامات لگانے کی بھارتی روایت ایک بار پھر فالس فلیگ ڈرامے کی صورت میں دنیا کے سامنے ناکام ہو گئی۔ذرائع کا کہناہے کہ اس بار نہ صرف پاکستان نے بھرپور جواب دیا بلکہ امریکا کا غیر جانبدار مؤقف بھی منظر عام پر آ گیا ہے، جس نے بھارتی دعوؤں پر انٹیلیجنس شواہد تسلیم کرنے سے انکار کر دیا ہے۔

ذرائع کے مطابق امریکی محکمہ خارجہ کی ترجمان ٹمی بروس نے واضح کیا کہ "ہم انٹیلیجنس یا پیغامات پر تبصرہ نہیں کریں گے، دونوں ممالک سے رابطے جاری ہیں اور ہم ذمہ دارانہ حل چاہتے ہیں۔پاکستان آزادانہ تحقیقات چاہتا ہے،ہمارے رد عمل سے متعلق ریکارڈ موجود ہے۔
اس ردعمل کو ماہرین نے بھارت کے جھوٹ پر ایک سفارتی تمانچہ قرار دیا ہے۔
سیاسی ماہرین کا کہنا ہے کہ "اگر بھارت کے پاس واقعی ثبوت ہیں تو وہ آزادانہ تحقیقات سے کیوں بھاگ رہا ہے؟"امریکا کی خاموشی نے بھارتی بیانیے کو مزید مشکوک بنا دیا ہے۔

دفاعی ماہرین نے اس بات کو سراہا کہ "پاکستان کے آزادانہ تحقیقات کے مطالبے کو امریکا نے جائز تسلیم کیا ہے۔"
ذرائع کے مطابق، بھارت کی طرف سے بغیر ثبوت الزامات لگانے کی پرانی روش اس بار بھی بے نقاب ہو گئی، جبکہ پاکستان کی جانب سے معاملے کو بین الاقوامی اصولوں کے تحت حل کرنے پر زور دیا جا رہا ہے۔

بھارتی میڈیا کی جھوٹ کی فیکٹری بے نقاب

ویب ڈیسک: افواجِ پاکستان کی مؤثر اور کامیاب کارروائیوں سے دنیا کی توجہ حاصل ہونے کے بعد بھارتی میڈیا نے جھوٹا اور گمراہ کن پروپیگنڈا شروع کر دیا ہے تاکہ اپنی مسلح افواج کی ناکامیوں پر پردہ ڈالا جا سکے۔

تفصیلات کے مطابق ذرائع کا کہناہے کہ بھارتی میڈیا اب فالس فلیگ آپریشنز کو بالی ووڈ فلموں کی طرز پر پیش کر رہا ہے، جن میں زمینی حقائق سے دور کہانیاں تراشی جا رہی ہیں۔

ذرائع کا کہنا ہے کہ "بھارتی چینل ’آج تک‘ نے لاہور کو، ’زی نیوز‘ نے کراچی کو اور ’ریپبلک ٹی وی‘ نے نیویارک تک کو فتح کرنے کے دعوے کر ڈالے، جو نہ صرف مضحکہ خیز ہیں بلکہ ان کی صحافتی ساکھ پر بھی سوالیہ نشان ہیں۔"
ادھر بھارت میں آزاد صحافت کو دبانے کی کوششیں بھی جاری ہیں، "دی وائر" نامی معتبر ویب سائٹ تک رسائی روک دی گئی ہے تاکہ عوام کو اصل حقائق نہ پہنچ سکیں۔

ایک معروف بھارتی بزنس مین نے انکشاف کیا کہ "وہ بھارتی میڈیا کے ان جھوٹے دعووں سے متعلق اپنے سوشل میڈیا ٹوئٹس ڈیلیٹ کر رہا ہے کیونکہ انہیں کسی تصدیق کے بغیر شیئر کیا گیا تھا۔"

سیکیورٹی ذرائع کا کہنا ہے کہ "گودی میڈیا" کے اینکرز اور رپورٹرز جھوٹا بیانیہ بیچنے میں مصروف ہیں، جس کا مقصد صرف اور صرف عوام کو گمراہ کرنا اور حکومتِ وقت کو خوش رکھنا ہے۔

پاکستانی تجزیہ کاروں کے مطابق "یہ تمام حربے بھارت کی اندرونی ناکامیوں، عسکری ناکامیوں اور سیاسی دباؤ سے توجہ ہٹانے کے سوا کچھ نہیں۔"

ثبوت کے بغیر پاکستان پر الزام تراشی ناقابل قبول ہے، انٹیلیجنس ڈیٹا سامنے لایا جائے، جنرل (ر) سعید

ویب ڈیسک: لیفٹیننٹ جنرل (ر) محمد سعید نے اسکائی نیوز کو انٹرویو دیا ہے۔ جس میں انہوں نے دوٹوک کہا ہے کہ ثبوت کے بغیر پاکستان پر الزام تراشی ناقابل قبول ہے۔ انٹیلیجنس ڈیٹا سامنے لایا جائے۔

تفصیلات کے مطابق اسکائی نیوز پر یلدا حکیم کو دیے گئے ایک انٹرویو میں لیفٹیننٹ جنرل (ر) محمد سعید نے   پہلگام واقعے کے بعد بھارت کی جانب سے پاکستان پر الزامات اور جاری پروپیگنڈا وار پر بات کی۔

دوران انٹرویو انہوں نے کہا کہ بھارت اور پاکستان جوہری طاقتیں ہیں، غیر ریاستی عناصر دونوں کو جنگ کی طرف دھکیل سکتے ہیں۔پاکستان اور بھارت کے درمیان بحران کا کوئی مؤثر مینجمنٹ سسٹم موجود نہیں ۔ہم ایک خطرناک صورتحال کی طرف بڑھ رہے ہیں، بات چیت نہ ہونے سے معاملات مزید بگڑ سکتے ہیں۔جو پلوامہ میں ہوا، اس کی مذمت کرتا ہوں، غیر ریاستی عناصر کا کوئی مذہب یا قوم نہیں۔ 

ان کا کہنا تھا کہ ثبوت کے بغیر پاکستان پر الزام تراشی ناقابل قبول ہے، انٹیلیجنس ڈیٹا سامنے لایا جائے۔بین الاقوامی قانون کسی بھی ملک کو خاندان کو نشانہ بنانے کی اجازت نہیں دیتا۔مسئلے کا واحد حل بات چیت ہے، تاریخ گواہ ہے کہ تنازعات مذاکرات کے بغیر حل نہیں ہوتے ۔پاکستان نے بارہا امن کے لیے ہاتھ بڑھایا، لیکن بھارت کا مؤقف مسلسل خاموشی رہا ۔

پاک فوج کا کرارا جواب، بھارتی فوج کے 77 ڈرونز گرادیے

ویب ڈیسک: بھارتی جارحیت کا کرارا جواب دیتے ہوئے پاک فوج نے بھارت کے اب تک 77 ڈرونز گرا دیے ہیں۔ 

سیکیورٹی ذرائع کے مطابق اب تک افواج پاکستان نے بھارت کے کل 77 ڈرونز کو تباہ کر دیا ہے۔

سیکیورٹی ذرائع کا کہنا ہے کہ8 مئی کی شام تک 29 بھارتی ڈرونز کو مار گرایا گیا جبکہ کل رات سے آج دن تک مزید 48 ڈرونز تباہ کر دئیےگئے۔پاک فوج دشمن کی  جارحیت کامنہ توڑ جواب  دےرہی ہے۔

پاک فوج کا  منہ توڑ جواب، بھارتی فوج نے ایک بار پھر سفید جھنڈا لہرا دیا

ویب ڈیسک: بھارتی جارحیت پر پاک فوج کا  منہ توڑ جواب، بھارتی فوج نے ایک بار پھر سفید جھنڈا لہرا دیا۔

سیکیورٹی ذرائع کے مطابق لائن آف کنٹرول پر دھرمسال 2 پوسٹ  بالمقابل بٹل سیکٹر میں بھارتی فوج نے گھٹنے ٹیک دیئے۔پاک فوج کی جانب سے منہ توڑ جواب پر بھارتی فوج نے سفید جھنڈا لہرا دیا۔

سکیورٹی ذرائع کا کہنا ہے کہ بھارتی فوج کا سفید جھنڈا لہرانے کا مطلب شکست کو تسلیم کرنا ہے۔بھارتی فوج کی بزدلانہ کارروائیوں کا پاک فوج مؤثر اور بھرپور جواب دے رہی ہے۔

انڈین پریمیئر لیگ (IPL) معطل کردی گئی

ویب ڈیسک:پاکستان کے جوابی حملوں کا خوف،،، بزدل مودی سرکار نے انڈین پریمیئر لیگ معطل کردی۔ 

بھارتی میڈیا کے مطابق آئی پی ایل کو معطل کردیا گیا ہے۔ بھارتی بورڈجلد لیگ کی معطلی کا اعلان کرے گا۔پاکستان اور بھارت کے درمیان جاری کشیدگی کےباعث آئی پی ایل کو غیرمعینہ مدت تک کیلئے ملتوی کردیا گیا ہے۔  

گزشتہ روز بھی آئی پی ایل کا دھرم شالہ میں کھیلا جانے والا میچ روک دیا گیا تھا اور سٹیڈیم کی لائٹس بند کر دی گئی تھیں جبکہ غیر ملکی کھلاڑیوں نے آئی پی ایل چھوڑ کر اپنے وطن جانے کے لیے پروازوں کی دستیابی دیکھنا شروع کر دی تھی۔

یاد رہے کہ بھارت کی جانب سے پاکستان پر کیے جانے والے حملے کے بعد پاکستان کی جانب سے دشمن کو منہ توڑ جواب دیا جا رہا ہے اور پاکستان کی سیاسی اور عسکری قیادت نے دو ٹوک اعلان کیا ہے کہ پاکستان اقوام متحدہ کے قوانین کے مطابق حملے کا جواب دینے کا پورا حق رکھتا ہے۔

پاک فوج نے لائن آف کنٹرول پر بھارت کی دو مزید پوسٹیں تباہ کر دیں

ویب ڈیسک: لائن آف کنٹرول پر پاکستان کی بھارتی فوج کیخلاف منہ توڑ جوابی کارروائیاں جاری ہیں۔ 

سیکیورٹی ذرائع کے مطابق پاک فوج نے لائن آف کنٹرول پر بھارت کی دو مزید پوسٹیں تباہ کر دیں۔پاک فوج نے حاجی پیر سیکٹر میں بھارتی فوج کی  رِنگ کنٹوئر پوسٹ  تباہ کر دی۔پاک فوج نے دشمن کی  پوکران  مارٹر بگھسر  پوسٹ کو بھی تباہ کر دیا۔ 

 سیکیورٹی ذرائع کا کہنا ہے کہ اس سے قبل  بھی پاک فوج کی جانب سے  دشمن کی متعدد پوسٹوں کو تباہ کیا جا چکا ہے۔ان پوسٹوں کی تباہی سے بھارتی  فوج کو بھاری نقصان اٹھاناپڑ رہا ہے۔

پاکستان کیجانب سے مارگرائے جانے والے بھارتی ہیروپ ڈرون کیسے حملہ کرتے ہیں؟

ویب ڈیسک:پاکستان اور اس کے زیرِ انتظام کشمیر کے متعدد علاقوں پر انڈیا کے میزائل حملوں کے تقریباً 36 گھنٹوں کے بعد ایک بار پھر دونوں ممالک کے درمیان کشیدگی اس وقت بڑھی جب انڈیا کی جانب سے پاکستان کے مختلف شہروں میں دراندازی کی کوشش کے دوران پاکستانی فوج نے متعدد ڈرونز مار گرانے کا دعویٰ کیا۔

جمعرات کو پاکستانی فوج کی جانب سے جاری کیے جانے والے ایک بیان میں دعویٰ کیا گیا ہے کہ اب تک سافٹ کِل (تکنیکی طریقے سے) اور ہارڈ کِل (ہتھیاروں کے ذریعے) سے 30 سے زائد اسرائیلی ساخت کے ہیروپ ڈرونز کو مار گرایا گیا ہے۔

تفصیلات کے مطابق بھارت کی جانب سے بھیجے گئے ڈرونز کی شناخت اسرائیلی ساختہ ہیروپ کے نام سے ہوئی ہے۔ دفاعی تجزیہ کار اکرام سہگل نے بتایا کہ اسرائیل میں تیار ہونے والے یہ ڈرون 2019 سے انڈیا کے پاس ہیں۔

یہاں ہم اپنے قارئین کو بتارہے ہیں کہ اسرائیلی ساختہ ہیروپ میزائل کیوں بھیجا گیا اور یہ کام کیسے کرتا ہے:

اسرائیل کی دفاعی کمپنی IAI (Israel Aerospace Industries) کی جانب سے تیار کردہ "ہیروپ" ایک جدید اور خطرناک قسم کا ڈرون ہے، جسے عام زبان میں "خودکش ڈرون" یا "لوئٹرنگ مونیشن" کہا جاتا ہے۔ یہ ڈرون صرف معلومات اکٹھی کرنے کے لیے نہیں، بلکہ براہ راست حملہ آور ہونے کے لیے تیار کیا جاتا ہے۔

1. ہیروپ ڈرون کیسے کام کرتا ہے؟
ہیروپ کا اصل ہدف دشمن کے ریڈار سسٹمز، کمانڈ پوسٹس یا دیگر اہم عسکری تنصیبات ہوتے ہیں۔ اس کی کارروائی کا عمل کچھ اس طرح ہوتا ہے:

a. لانچنگ (Launching):
ہیروپ کو ایک موبائل لانچر یا کسی زمینی پلیٹ فارم سے فضا میں چھوڑا جاتا ہے۔

b. پرواز اور تلاش (Loitering & Target Search):
یہ ڈرون فضا میں اپنے ہدف کی تلاش میں کئی گھنٹوں تک پرواز کرسکتا ہے۔ یہ جدید کیمروں اور الیکٹرانک سینسرز سے لیس ہوتا ہے جو دشمن کے سگنلز، حرارت یا حرکات کو شناخت کرتے ہیں۔

c. ہدف پر حملہ (Strike Phase):
جیسے ہی ہدف کی شناخت ہو جاتی ہے، ہیروپ براہ راست اس پر جھپٹتا ہے اورہدف سے ٹکرا کر خود کو دھماکے سے تباہ کر دیتا ہے۔ یعنی یہ ڈرون واپس نہیں آتا — یہی وجہ ہے کہ اسے "کامی کازی ڈرون" بھی کہا جاتا ہے۔

2. ہیروپ کی خصوصیات
رینج: تقریباً 1000 کلومیٹر تک کا فاصلہ طے کر سکتا ہے۔
پرواز کا دورانیہ: 6 گھنٹے سے زائد فضا میں رہ سکتا ہے۔
دھماکہ خیز مواد: اس میں نصب لگ بھگ 23 کلوگرام تک کا وارہیڈ ہدف سے ٹکرانے کے بعد پھٹ جاتا ہے۔ 
خاموشی: پروپیلر موٹر کی بدولت یہ بہت کم آواز پیدا کرتا ہے، جس سے اس کا پتا لگانا مشکل ہوتا ہے۔
آخری لمحے میں واپسی یا تبدیلی: اگر ہدف بدل جائے یا غلط ہو تو حملے سے عین پہلے بھی آپریٹر اسے روک یا نیا ہدف دے سکتا ہے۔
3. استعمال کی جگہیں اور شہرت
ہیروپ کو اسرائیل نے مختلف جنگی محاذوں پر استعمال کیا ہے، بشمول:

آذربائیجان-آرمینیا تنازع میں، جہاں آذربائیجان نے اسے آرمینی اہداف پر استعمال کیا۔
اسرائیل نے خود بھی کئی مواقع پر دشمن راڈار یا میزائل سسٹمز کو ختم کرنے کے لیے ہیروپ کا استعمال کیا۔

تازہ ترین استعمال بھارت کی جانب سے پاکستان کیخلاف کیا گیا ہے۔جس میں بھارت کو منہ کی کھانا پڑی ہے۔ پاکستانی افواج نے کامیابی اور مہارت سے پاکستانی حدود میں داخل ہونے والے ڈرونز کو مارگرایا ہے۔

5. خطرناک مگر مؤثر ہتھیار
ہیروپ جیسے ڈرونز جنگ کے میدان میں نئے دور کے ہتھیار بن چکے ہیں۔ یہ نہ صرف روایتی حملوں سے زیادہ مؤثر ہیں بلکہ دشمن کو نفسیاتی طور پر بھی خوفزدہ کرتے ہیں کیونکہ یہ "کہیں سے بھی آ سکتا ہے"۔

 ٹیکنالوجی کی نئی جنگ
ہیروپ ایک مثال ہے کہ اب جنگیں صرف ٹینکوں یا لڑاکا طیاروں سے نہیں، بلکہ خودکش ڈرونز جیسے ہتھیاروں سے بھی لڑی جا رہی ہیں۔ پاکستان، بھارت، ایران، چین اور دیگر ممالک بھی اسی طرز کے ڈرونز پر کام کر رہے ہیں۔

اس وقت دنیا کے پانچ ممالک کے پاس یہ ڈرون ٹیکنالوجی موجود ہے جن میں اسرائیل، انڈیا، آزربائیجان، نیدرلیںڈ اور مراکش شامل ہیں۔